റിയാദ് വിമാനത്താവളത്തിന് നേരെ ആക്രമണം: പാകിസ്ഥാനി കൊല്ലപ്പെട്ടു, 11 പേര്‍ക്ക് പരിക്ക്; ദമാമിലും ആക്രമണം
Mon, 12 Oct 2026
ദുബായ്: അബുദാബിക്കും ദുബൈക്കും ഇടയിലുള്ള യാത്രാസമയം പകുതിയിലധികമായി കുറയ്ക്കാന്‍ ലക്ഷ്യമിട്ട് വന്‍കിട തുരങ്ക പാത പദ്ധതിയുമായി ഇലോണ്‍ മസ്‌കിന്റെ ദി ബോറിംഗ് കമ്പനി. യുഎഇയിലുടനീളം 150 കിലോമീറ്റര്‍ ദൈര്‍ഘ്യമുള്ള ഭൂഗര്‍ഭ തുരങ്ക ശൃംഖല നിര്‍മ്മിക്കുന്ന പദ്ധതിക്കായി 1,100 കോടി ദിര്‍ഹം (3 ബില്യണ്‍ യുഎസ് ഡോളര്‍) സമാഹരിച്ചതായി കമ്പനി അറിയിച്ചു. യുഎഇയിലെ നഗരങ്ങള്‍ തമ്മിലുള്ള ഗതാഗത സൗകര്യം മെച്ചപ്പെടുത്തുന്നതിനും ഗതാഗതക്കുരുക്ക് ഒഴിവാക്കുന്നതിനുമായാണ് അത്യാധുനിക അണ്ടര്‍ഗ്രൗണ്ട് ലൂപ്പ് സിസ്റ്റം രൂപകല്‍പ്പന ചെയ്യുന്നത്.
പദ്ധതിക്കായി സമാഹരിച്ച 1,100 കോടി ദിര്‍ഹത്തില്‍ യുഎഇയിലെ പ്രമുഖ നിക്ഷേപ സ്ഥാപനങ്ങളും അന്താരാഷ്ട്ര സാമ്പത്തിക ഏജന്‍സികളും പങ്കാളികളായിട്ടുണ്ട്. മണിക്കൂറില്‍ 200 കിലോമീറ്ററിലധികം വേഗതയില്‍ സഞ്ചരിക്കാന്‍ കഴിയുന്ന ഇലക്ട്രിക് വാഹനങ്ങളാണ് തുരങ്കങ്ങളിലൂടെ കടന്നുപോകുക. ഇതോടെ അബുദാബിക്കും ദുബൈക്കും ഇടയിലുള്ള നിലവിലെ യാത്രാസമയം പകുതിയായി കുറയും.
പൂര്‍ണ്ണമായും വൈദ്യുതി ഉപയോഗിച്ച് പ്രവര്‍ത്തിക്കുന്ന വാഹനങ്ങള്‍ മാത്രമായിരിക്കും തുരങ്കത്തില്‍ അനുവദിക്കുക. ഇത് കാര്‍ബണ്‍ പുറന്തള്ളല്‍ പൂജ്യത്തിലേക്ക് എത്തിക്കാനും യുഎഇയുടെ ഹരിത ഊര്‍ജ്ജ ലക്ഷ്യങ്ങളെ പിന്തുണയ്ക്കാനും സഹായിക്കും. പദ്ധതിയുടെ ആദ്യഘട്ട നിര്‍മ്മാണ പ്രവര്‍ത്തനങ്ങള്‍ പ്രധാന നഗരകേന്ദ്രങ്ങളെയും വിമാനത്താവളങ്ങളെയും ബന്ധിപ്പിച്ചുകൊണ്ടായിരിക്കും ആരംഭിക്കുക. ഭാവിയില്‍ യു.എ.ഇയിലെ മറ്റു എമിറേറ്റുകളിലേക്കും ഈ ശൃംഖല വ്യാപിപ്പിക്കും.
