ഷാര്‍ജ വ്യവസായ മേഖലയില്‍ തീപിടിത്തം; വന്‍ നാശനഷ്ടം, ആളപായമില്ല
Tue, 26 Aug 2025
റിയാദ് : സംഘടനാ ശാക്തീകരണ ഭാഗമായി റിയാദ് കോട്ടക്കല്‍ മണ്ഡലം കെഎംസിസി ആചരിക്കുന്ന ആറു മാസം നീണ്ടുനില്‍ക്കുന്ന കാമ്പയിന്‍ ‘സ്‌ട്രോങ്ങ് സിക്‌സ് മൊയീസ് ‘ ഉദ്ഘാടനം 13ന് ബത്ഹ ലുഹ മാര്‍ട്ട് ഓഡിറ്റോറിയത്തില്‍ നടക്കും. രാവിലെ 8 മണിക്ക് ജില്ലാ കെഎംസിസി പ്രസിഡന്റ് ഷൗഖത്ത് കടമ്പോട്ട് ഉദ്ഘാടനം ചെയ്യും. ഷാഫി മാസ്റ്റര്‍ തുവ്വൂര്‍ ക്ലാസെടുക്കും. മണ്ഡലം,ജില്ലാ കെഎംസിസി ഭാരവാഹികള്‍ പങ്കെടുക്കും. ക്യാമ്പയിന്‍ ഭാഗമായി വിവിധ പരിപാടികള്‍ നടക്കും. കാമ്പയിന്‍ ഒരുക്കങ്ങള്‍ മണ്ഡലം കമ്മിറ്റി വിലയിരുത്തി. കമ്മറ്റികളില്ലാത്ത പഞ്ചായത്ത്, മുനിസിപ്പാലിറ്റികളില്‍ ഉടന്‍ കമ്മിറ്റി രൂപീകരിക്കും. സഊദി കെഎംസിസി നാഷണല്‍ കമ്മിറ്റിയുടെ കുടുംബ സുരക്ഷാ പദ്ധതിയില്‍ മുഴുവന്‍ മെമ്പര്‍മാരും അംഗങ്ങളാകണമെന്ന് യോഗം അഭ്യര്‍ത്ഥിച്ചു. എടയൂരിലെ ഫാത്തിമ റിഫ ചികിത്സാ സഹായ ഫണ്ട് വിജയിപ്പിക്കാനും തീരുമാനിച്ചു. ജില്ലാ വൈസ് പ്രസിഡന്റ് മൊയ്തീന്‍കുട്ടി പൊന്മള ഉദ്ഘടനം ചെയ്തു. മണ്ഡലം പ്രസിഡന്റ് ബഷീര്‍ മുല്ലപ്പള്ളി അധ്യക്ഷനായി. ഭാരവാഹികളായ മൊയ്തീന്‍കുട്ടി പൂവ്വാട്,ദിലൈബ് ചാപ്പനങ്ങാടി,മൊയ്തീന് കോട്ടക്കല്‍,ഹാഷിം കുറ്റിപ്പുറം,ഇസ്മാഈല്‍ പൊന്മള,മജീദ് ബാവ തലകാപ്പ്,മുഹമ്മദ് കല്ലിങ്ങല്‍,ഫാറൂഖ് പൊന്മള,നൗഷാദ് കണിയേരി പങ്കെടുത്തു. ജനറല്‍ സെക്രട്ടറി അഷ്‌റഫ് പുറമണ്ണൂര്‍ സ്വാഗതവും അബ്ദുല്‍ ഗഫൂര്‍ കോല്‍ക്കളം നന്ദിയും പറഞ്ഞു.
