ഷാര്‍ജ വ്യവസായ മേഖലയില്‍ തീപിടിത്തം; വന്‍ നാശനഷ്ടം, ആളപായമില്ല
Tue, 26 Aug 2025
അബുദാബി : അബുദാബിയിലെ സായിദ് മിലിട്ടറി യൂണിവേഴ്‌സിറ്റിയില്‍ നിന്നുള്ള ആദ്യ കേഡറ്റുകളുടെ ബിരുദദാന ചടങ്ങ് പ്രൗഢമായി. പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ ചടങ്ങില്‍ പങ്കെടുത്തു. വൈസ് പ്രസിഡന്റും ഉപപ്രധാനമന്ത്രിയും പ്രസിഡന്‍ഷ്യല്‍ കോര്‍ട്ട് ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ സാന്നിധ്യത്തിലായിരുന്നു ചടങ്ങ്. ദേശീയ ഗാനത്തോടും വിശുദ്ധ ഖുര്‍ആന്‍ പാരായണത്തോടും കൂടിയാണ് ചടങ്ങുകള്‍ ആരംഭിച്ചത്.
യൂണിവേഴ്‌സിറ്റി കാമ്പസില്‍ നടന്ന ചടങ്ങില്‍ ഉപപ്രധാനമന്ത്രിയും ആഭ്യന്തര മന്ത്രിയുമായ ലെഫ്. ജനറല്‍ ശൈഖ് സെയ്ഫ് ബിന്‍ സായിദ് അല്‍ നഹ്യാന്‍,ശൈഖ് ഹമദ് ബിന്‍ സായിദ് അല്‍ നഹ്യാന്‍,വികസനത്തിനും വീരജവാന്മാര്‍ക്കുമുള്ള പ്രസിഡന്‍ഷ്യല്‍ കോടതി ഡെപ്യൂട്ടി ചെയര്‍മാന്‍ ശൈഖ് തെയാബ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍,പ്രത്യേക കാര്യങ്ങള്‍ക്കായുള്ള പ്രസിഡന്‍ഷ്യല്‍ കോടതി ഡെപ്യൂട്ടി ചെയര്‍മാന്‍ ശൈഖ് ഹംദാന്‍ ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍,രാഷ്ട്രപതിയുടെ ഉപദേഷ്ടാവ് ശൈഖ് മുഹമ്മദ് ബിന്‍ ഹമദ് ബിന്‍ തഹ്്‌നൂന്‍ അല്‍ നഹ്യാന്‍,സായുധ സേനാ മേധാവി ലെഫ്.ജനറല്‍ എഞ്ചിനീയര്‍ ഇസ്സ സെയ്ഫ് ബിന്‍ അബ്ലാന്‍ അല്‍ മസ്‌റൂയി,സായുധ സേന ഡെപ്യൂട്ടി ചീഫ് ഓഫ് സ്റ്റാഫ് മേജര്‍ ജനറല്‍ പൈലറ്റ് ഡോ.ശൈഖ് അഹമ്മദ് ബിന്‍ തഹ്‌നൂന്‍ അല്‍ നഹ്യാന്‍ തുടങ്ങിയവരും മറ്റു മന്ത്രിമാരും സായുധ സേനയിലെയും പ്രതിരോധ മന്ത്രാലയത്തിലെയും നിരവധി മുതിര്‍ന്ന നേതാക്കളും മുതിര്‍ന്ന ഉദ്യോഗസ്ഥരും ചടങ്ങില്‍ പങ്കെടുത്തു. സായിദ് മിലിട്ടറി യൂണിവേഴ്‌സിറ്റി പ്രസിഡന്റ് മേജര്‍ ജനറല്‍ മൈക്കിള്‍ സൈമണ്‍ ജോണ്‍ സ്വാഗതം പറഞ്ഞു.
