സൗരവൈദ്യുതി ഉല്‍പ്പാദനത്തില്‍ ലോകത്ത് ഒന്നാമതെത്താന്‍ യുഎഇ
Sun, 08 Nov 2026
അബുദാബി: അബുദാബിയിലുണ്ടായ വാഹനപകടത്തില്‍ 4 മലയാളികള്‍ മരിച്ചു. മലപ്പുറം കൊണ്ടോട്ടി കിഴിശ്ശേരി പുളിയക്കോട് സ്വദേശി അബ്ദുല്‍ ലത്തീഫിന്റെ മക്കളായ അഷാസ് (14), അമ്മാര്‍ (12), അയാഷ് (5) എന്നിവരും ഇവരുടെ വീട്ടുജോലിക്കാരി മലപ്പുറം തിരൂര്‍ ചമ്രവട്ടം സ്വദേശി ബുഷറ (50) യുമാണ് മരിച്ചത്. അബ്ദുല്ലത്തീഫിനെയും ഭാര്യ രുക്‌സാനയെയും മറ്റു രണ്ട് മക്കളെയും സാരമായ പരിക്കുകളോടെ അബുദാബി ശൈഖ് ഷഖ്ബൂത്ത് ആശുപത്രിയില്‍ പ്രവേശിപ്പിച്ചു. രുക്‌സാന വടകര കുന്നുമ്മക്കര സ്വദേശിയാണ്. ഇന്നലെ രാവിലെ അബുദാബി-ദുബൈ റോഡില്‍ ഷഹാമക്കടുത്താണ് അപകടമുണ്ടായത്. ദുബൈയില്‍ താമസിക്കുന്ന ഇവര്‍ കുടുംബസമേതം അബുദാബിയിലെ പ്രസിദ്ധമായ ലിവ ഫെസ്റ്റിവല്‍ കണ്ട് മടങ്ങുകയായിരുന്നു. ദുബൈയില്‍ വ്യാപാരിയാണ് അബ്ദുല്‍ലത്തീഫ്. ഞായറാഴ്ച രാവിലെ അബുദാബി-ദുബൈ റോഡില്‍ ഷഹാമക്ക് സമീപം ഇവര്‍ സഞ്ചരിച്ചിരുന്ന നിസാന്‍ പട്രോള്‍ കാര്‍ നിയന്ത്രണം വിട്ട് മറിയുകയായിരുന്നു. അപകടത്തില്‍ മരിച്ചവരുടെ മൃതദേഹങ്ങള്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. കുട്ടികളുടെ മൃതദേഹങ്ങള്‍ യുഎഇയില്‍ തന്നെ ഖബറടക്കുമെന്ന് ബന്ധുക്കള്‍ അറിയിച്ചു. ഹൗസ് മെയ്ഡിന്റെ മൃതദേഹം നാട്ടില്‍ എത്തിക്കാനുള്ള നടപടികള്‍ സ്വീകരിച്ചുവരുന്നു. തിരൂര്‍ ചമ്രവട്ടം പരേതനായ കുന്നത്ത് യാഹു, പാത്തുമ്മ ദമ്പതികളുടെ മകളാണ് ബുഷറ. തമിഴ്‌നാട് സ്വദേശി ഫയാസാണ് ഭര്‍ത്താവ്. ഏകമകന്‍ നിസാമുദ്ദീന്‍. രണ്ട് മാസം മുമ്പാണ് ബുഷറ നാട്ടില്‍ വന്ന് ദുബൈയിലേക്ക് തിരിച്ചുപോയത്.
