കോണ്‍ഗ്രസിനെ ഉപദേശിക്കുന്ന മുഖ്യമന്ത്രി സ്വയം കണ്ണാടിയില്‍ നോക്കട്ടെ-വിഡി സതീശന്‍
Wed, 27 Aug 2025
ആലപ്പുഴ ∙ ‘‘ഉത്തരസൂചിക പരിശോധിച്ചപ്പോൾ ആദ്യ 10 റാങ്കിനുള്ളിൽ കിട്ടുമെന്നു പ്രതീക്ഷിച്ചു; ഒന്നാം റാങ്കാകുമെന്നു കരുതിയില്ല’’– കീം പരീക്ഷയിൽ ഒന്നാം റാങ്ക് നേടിയ ആലപ്പുഴ ചന്ദനക്കാവ് ‘മന്ദാര’ത്തിൽ പി.ദേവാനന്ദ് ഇരട്ടി ആഹ്ലാദത്തിലാണ്. ജെഇഇ മെയിൻ പരീക്ഷയിൽ 682–ാം റാങ്കുള്ള ദേവാനന്ദ് 27നു ഐഐടി ഖരഗ്പുരിൽ മെക്കാനിക്കൽ എൻജിനീയിറിങ്ങിനു ചേരാനിരിക്കു മ്പോഴാണു കീമിലെ മിന്നുന്ന വിജയം. സ്കോർ: 600 ൽ 591.6145.
ജെഇഇ അഡ്വാൻസ്ഡ് പരീക്ഷയിൽ 3165–ാം റാങ്ക്, അമൃത ഓൾ ഇന്ത്യ പ്രവേശന പരീക്ഷയിൽ ഒന്നാം റാങ്ക്, കുസാറ്റ് ഓൾ ഇന്ത്യ പ്രവേശന പരീക്ഷയിൽ 14–ാം റാങ്ക് എന്നിവയും നേടിയിട്ടുണ്ട്. അനുജൻ ദേവനാഥ് ചങ്ങനാശേരി പ്ലാസിഡ് സ്കൂളിൽ 9–ാം ക്ലാസ് വിദ്യാർഥി. ആലപ്പുഴ ബ്രൈറ്റ്ലാൻഡ് സ്കൂൾ, എസ്ഡിവി സെൻട്രൽ സ്കൂൾ, ചങ്ങനാശേരി പ്ലാസിഡ് വിദ്യാവിഹാർ എന്നിവിടങ്ങളിലാണു ദേവാനന്ദ് പഠിച്ചത്. റാങ്ക് വാർത്തയറിയിച്ചു ഫോണിൽ വിളിച്ച മന്ത്രി ആർ.ബിന്ദു ദേവാനന്ദിനെ അഭിനന്ദിച്ചു. ഒന്നാം റാങ്കുണ്ട്, ഹാപ്പിയാണോ എന്നു മന്ത്രി ചോദിച്ചു. ‘വളരെ ഹാപ്പി’യെന്ന് മറുപടി.
