അല്‍ മക്തൂം ഇന്റര്‍നാഷണല്‍ എയര്‍പോര്‍ട്ടില്‍ എമിഗ്രേഷന്‍ സ്മാര്‍ട്ട് ടണലിലൂടെ
Tue, 06 May 2025
അബുദാബി : അറസ്റ്റും പരിശോധന നടപടികളും അപ്പപ്പോള്‍ ചീത്രികരിക്കാന്‍ അബുദാബി പൊലീസില്‍ സംവിധാനം. പൊലീസിന്റെ നടപടിക്രമങ്ങളില്‍ സുതാര്യത ഉറപ്പുവരുത്തുന്നതിനായി കൃത്യനിര്‍വഹണ വേളയില്‍ ഉദ്യോഗസ്ഥര്‍ക്ക് കാമറ ഉപയോഗിക്കാന്‍ അനുമതി നല്‍കി അബുദാബി പൊലീസ്. നിയമപരമായ അനുമതിയോടെയുള്ള തിരച്ചിലുകള്‍, അറസ്റ്റ് നീക്കങ്ങള്‍ എന്നിവക്ക് പൊതു ഇടങ്ങളിലും സ്വകാര്യ ഇടങ്ങളിലും ദൃശ്യങ്ങള്‍ പകര്‍ത്താന്‍ പൊലീസ് ഉദ്യോഗസ്ഥര്‍ക്ക് അനുമതി നല്‍കി. ഈ കാമറ അറസ്റ്റിന് വിധേയമാകുന്നവരോ പരിശോധന നടത്തപ്പെടുന്ന ഇടത്തെ ഉടമകളോ വ്യക്തമായി ദൃശ്യമാവുന്ന രീതിയിലാവണം ഉപയോഗിക്കേണ്ടത്.
പൊലീസ് ഉദ്യോഗസ്ഥന്റെ യൂണിഫോമിലാണ് കാമറകള്‍ ഘടിപ്പിക്കേണ്ടത്. ദൃശ്യങ്ങള്‍ പകര്‍ത്തുന്ന വിവരം കസ്റ്റഡിയിലെടുക്കുന്നവരെ അറിയിക്കുകയും വേണം. റെക്കോഡ് ചെയ്യുന്ന ദൃശ്യങ്ങള്‍ സുരക്ഷിതമായി കൈകാര്യം ചെയ്യാനും പുതിയ നയം വ്യവസ്ഥ ചെയ്യുന്നു. പകര്‍ത്തപ്പെടുന്ന ദൃശ്യങ്ങളുടെ ദുരുപയോഗം തടയുന്നതിനായി പ്രത്യേക ശേഖരണ സംവിധാനങ്ങള്‍ പൊലീസ് ഏര്‍പ്പെടുത്തും. റെക്കോഡ് ചെയ്ത ദൃശ്യങ്ങള്‍ ഔദ്യോഗിക ആവശ്യത്തിനല്ലാതെ പരസ്യപ്പെടുത്തുകയോ പങ്കുവെക്കുകയോ ചെയ്യുന്നതില്‍നിന്ന് ഉദ്യോഗസ്ഥരെ തടയുകയും ചെയ്യുന്നുണ്ട്.
ബന്ധപ്പെട്ട അതോറിറ്റിയുടെ മുന്‍കൂര്‍ അനുമതിയോടെ മാത്രമേ ദൃശ്യങ്ങള്‍ പങ്കുവെക്കാവൂ. പകര്‍ത്തിയ ദൃശ്യങ്ങളുടെ സമഗ്രത കാത്തുസൂക്ഷിക്കുന്നതിനായി കൃത്രിമം തടയുന്നതിനും മാറ്റങ്ങള്‍ വരുത്തുന്നത് ഇല്ലാതാക്കുന്നതിനുമായി സുരക്ഷിതമായ ശേഖരണ രീതികളും സ്വീകരിക്കും.
