ദുബൈയില്‍ വന്‍ വിസ തട്ടിപ്പ്: 161 പേര്‍ക്ക് പിഴയും നാടുകടത്തലും
Thu, 25 Sep 2025
അബുദാബി: അബുദാബി ഫാമിലി വെല്‍ബീയിംഗ് സ്ട്രാറ്റജിയുടെയും എമിറാത്തി ഫാമിലി ഗ്രോത്ത് പ്രോഗ്രാമിന്റെയും ഭാഗമായി അബുദാബി സോഷ്യല്‍ സപ്പോര്‍ട്ട് അതോറിറ്റി പൗരന്മാര്‍ക്ക് വിവാഹ ലോണ്‍ സംരംഭം ആരംഭിച്ചു. പുതുതായി വിവാഹിതരായ യുഎഇ പൗരന്മാര്‍ക്ക് ഈ സംരംഭം 150,000 ദിര്‍ഹം വരെ പലിശ രഹിത വായ്പ വാഗ്ദാനം ചെയ്യുന്നു. അബുദാബിയിലെ പൗരന്മാരെ അവരുടെ വിവാഹങ്ങള്‍ക്ക് സുരക്ഷിതമായ സാമ്പത്തിക അടിത്തറ കെട്ടിപ്പടുക്കുന്നതിനും ശക്തവും സുസ്ഥിരവുമായ കുടുംബങ്ങളെ പ്രോത്സാഹിപ്പിക്കുന്നതിനുമാണ് ഈ സംരംഭം ലക്ഷ്യമിടുന്നത്. കുടുംബ ഐക്യം ശക്തിപ്പെടുത്തുന്നതിനും ജനസംഖ്യാ വളര്‍ച്ച പ്രോത്സാഹിപ്പിക്കുന്നതിനും സ്ഥിരതയുള്ള കുടുംബങ്ങള്‍ക്ക് സൗകര്യമൊരുക്കുന്നതിനുമുള്ള അബുദാബി സര്‍ക്കാരിന്റെ സമര്‍പ്പണത്തെയാണ് ഇത് വ്യക്തമാക്കുന്നത്. എമിറാത്തി കുടുംബ സ്ഥിരത ശക്തിപ്പെടുത്തുന്നതിനും നല്ല സാമൂഹിക സ്വാധീനം വര്‍ദ്ധിപ്പിക്കുന്നതിനുമുള്ള എസ്എസ്എയുടെ പദ്ധതിയാണിതെന്ന് അബുദാബി സോഷ്യല്‍ സപ്പോര്‍ട്ട് അതോറിറ്റിയുടെ ഡയറക്ടര്‍ ജനറല്‍ അബ്ദുല്ല അല്‍ അമേരി പറഞ്ഞു. യുഎഇയുടെ പൈതൃകത്തിനും വിവാഹ പാരമ്പര്യത്തിനും അനുസൃതമായി വിവാഹം കഴിക്കാന്‍ യുവാക്കളെ ഈ സംരംഭം പ്രോത്സാഹിപ്പിക്കുന്നു. ഇത് ശക്തവും സ്ഥിരതയുള്ളതും കെട്ടുറപ്പുള്ളതുമായ ഒരു കുടുംബ നിര്‍മ്മാണത്തെ പരിപോഷിപ്പിക്കുന്നു. വിവാഹസമയത്ത് സ്ത്രീക്ക് കുറഞ്ഞത് 18 വയസ്സും, പുരുഷന് 21 വയസ്സും പ്രായമാവണം.
