നിക്ഷേപ തട്ടിപ്പ്: മുന്നറിയിപ്പുമായി ദുബൈ പൊലീസ്
Wed, 26 Nov 2025
സി.എച്ച് രാഷ്ട്രസേവ പുരസ്‌കാരം പ്രൊഫ.കെ.എം ഖാദര്‍ മൊയ്തീന് സമര്‍പിച്ചു
ദുബൈ: കേരളത്തിലുണ്ടായ സാമൂഹിക-വിദ്യാഭ്യാസ പുരോഗതിയില്‍ സി.എച്ച് മുഹമ്മദ് കോയയുടെ പങ്ക് നിസ്തുലമാണെന്ന് മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ അഭിപ്രായപ്പെട്ടു. സി.എച്ച് എല്ലാവരുടെയും നേതാവായി പരിഗണിക്കപ്പെട്ടു. ജാതി, മത വ്യത്യാസമില്ലാതെ അദ്ദേഹം നടത്തിയ പ്രവര്‍ത്തനങ്ങളാണ് അതിന് കാരണമായത്. ബാഫഖി തങ്ങള്‍ സി.എച്ചില്‍ മികച്ചൊരു ഭാവി നേതാവിനെയും ഭരണകര്‍ത്താവിനെയും കാണുകയും, ചന്ദ്രികയില്‍ പത്രാധിപ സമിതിയില്‍ ഉള്‍പ്പെടുത്തുകയും ചെയ്തു. സാഹിത്യവും സാംസ്‌കാരികവുമായ മേഖലകളിലും സി.എച്ച് തിളങ്ങി. മുസ്ലിം ലീഗിന്റെ ഐഡിയോളജികല്‍ പൊളിറ്റിക്‌സിനെ പ്രാക്ടിക്കല്‍ പൊളിറ്റിക്‌സിലേക്ക് കൊണ്ടുവന്നത് സി.എച്ചാണ്. ചരിത്രവും പാരമ്പര്യവും മറക്കരുതെന്ന് ഓരോ പ്രസംഗത്തിലും അദ്ദേഹം ഓര്‍മപ്പെടുത്തിയിരുന്നുവെന്ന് സാദിഖലി തങ്ങള്‍ പറഞ്ഞു. ദുബൈ കെഎംസിസി കോഴിക്കോട് ജില്ലാ കമ്മിറ്റി സംഘടിപ്പിച്ച സി.എച്ച് ഇന്റര്‍നാഷണല്‍ സമ്മിറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സി.എച്ച് രാഷ്ട്ര സേവാ പുരസ്‌കാരത്തിന് തെരഞ്ഞെടുത്ത പ്രഫ.കെ.എം ഖാദര്‍ മൊയ്തീന് തമിഴ് ജനത ഒന്നടങ്കം ആദരിക്കുന്ന വ്യക്തിയായി ‘തകൈസാല്‍ തമിഴര്‍’ ബഹുമതിക്കര്‍ഹനായ നേതാവാണെന്നത് അഭിമാനമുളവാക്കുന്നുവെന്നും, മഹാനായ നേതാവിന്റെ പേരിലുള്ള അവാര്‍ഡ് മഹാനായ മറ്റൊരു നേതാവിന് സമ്മാനിക്കുന്നുവെന്ന പ്രത്യേകതയുണ്ടെന്നും സാദിഖലി തങ്ങള്‍ പറഞ്ഞു. ജില്ലാ പ്രസിഡന്റ്് കെ.പി മുഹമ്മദ് അധ്യക്ഷനായി. സയ്യിദ് സാദിഖലി ശിഹാബ് തങ്ങളും സ്മാര്‍ട്ട് സിറ്റി മുന്‍ സി.ഇ.ഒ അബ്ദുല്ലത്തീഫ് മുഹമ്മദ് അല്‍ മുല്ലയും ചേര്‍ന്ന് സി.എച്ച് രാഷ്ട്ര സേവാ പുരസ്‌കാരം പ്രഫ. ഖാദര്‍ മൊയ്തീന് കൈമാറി. ജൂറി അംഗങ്ങളായ പൊയില്‍ അബ്ദുല്ല പ്രശംസാപത്രം സമ്മാനിച്ചു. പി.എ സല്‍മാന്‍ ഇബ്രാഹിം പൊന്നാടയണിയിച്ചു. മുസ്ലിം ലീഗ് അഖിലേന്ത്യ ജനറല്‍ സെക്രട്ടറി പി.കെ കുഞ്ഞാലിക്കുട്ടി ഓണ്‍ലൈനില്‍ ആശംസകള്‍ നേര്‍ന്ന . മുസ്ലിം ലീഗ് സംസ്ഥാന സെക്രട്ടറി കെ.എം ഷാജി, കോണ്‍ഗ്രസ് നേതാവ് അഡ്വ. ടി.സിദ്ദീഖ് എം.എല്‍.എ, മുഹമ്മദ് അഹമ്മദ് അല്‍ ഉമൈരി (സഊദി അറേബ്യ), ഡോ. പുത്തൂര്‍ റഹ്‌മാന്‍, പി.കെ അന്‍വര്‍ നഹ, നിസാര്‍ തളങ്കര, ശംസുദ്ദീന്‍ ബിന്‍ മുഹ്യിദ്ദീന്‍, യഹ്യ തളങ്കര, ഇസ്മായില്‍ ഏറാമല, ഇബ്രാഹിം മുറിച്ചാണ്ടി, അഹമ്മദ് ബിച്ചി; ജില്ലാ ഭാരവാഹികളായ നജീബ് തച്ചംപൊയില്‍, ഇസ്മായില്‍ ചെരുപ്പേരി, തെക്കയില്‍ മുഹമ്മദ്, ടി.എന്‍ അഷ്റഫ്, എ.പി മൊയ്തീന് കോയ ഹാജി, മൊയ്ദു അരൂര്‍, മജീദ് കൂനഞ്ചേരി, മജീദ് കുയ്യോടി, ഹക്കീം മാങ്കാവ്, വി.കെ.കെ റിയാസ്, മൂസ കൊയമ്പ്രം, ഷംസു മാത്തോട്ടം, യു.പി സിദ്ദിഖ്, ഷെറീജ് ചീക്കിലോട്, ജസീല്‍ കായണ്ണ, സുഫൈദ് ഇരിങ്ങണ്ണൂര്‍; ബ്രസീലിയ ശംസുദ്ദീന്‍, സഫിയ മൊയ്തീന്, നജ്മ സാജിദ്, ഡോ. ഹാഷിമ, ഹഫ്‌സ ഷമീര്‍, താഹിറ അബ്ദുറഹിമാന്‍, അഡ്വ. റസീന അന്‍സാര്‍, ഖൈറുന്നിസ, സൈത്തൂന്‍, ഹാഷിം നൂഞ്ഞേരി, അഡ്വ. സാജിദ് അബൂബക്കര്‍, മുഹമ്മദ് താഹ, ബര്‍ക്കത്ത് അലി, അബ്ദുറഹ്‌മാന്‍ റബ്ബാനി തുടങ്ങിയവര്‍ സംബന്ധിച്ചു.
മുസ്തഫ നിസാമി (അറബ് എക്‌സ്പ്രസ്), മുഹമ്മദ് ദില്‍ഷാദ് (മതാജര്‍ ഗ്രൂപ്), മുഹമ്മദ് ശുഐബ് (യൂണീക് വേള്‍ഡ്), സിറാജ് (ആജല്‍), അയ്യൂബ് കല്ലട (വൈസ് വെഞ്ചേഴ്സ്), അഷര്‍ അബ്ദുല്ല (ഈറ്റ് ആന്‍ഡ് ഡ്രിങ്ക്), അലി മുബഷിര്‍ (കമ്മിറ്റഡ് റിയല്‍ എസ്റ്റേറ്റ്), ഷബീര്‍ അലി (അല്‍ അസ്രി സ്‌പോര്‍ട്‌സ്), ബാബു തിരുന്നാവായ (ലിങ്കണ്‍ ഗ്രൂപ്), സുബൈര്‍ (ഫുഡ്യാര്‍ഡ്), ബഷീര്‍ (ബ്ലൂ മാര്‍ട്ട്), ഒ.പി ഷൗക്കത്തലി (സെവന്‍ റോസസ്), ഹമീദ് നരിക്കോളി (സീ ഷെല്‍), അഹമ്മദ് സിയാദ് (ഏഷ്യ ലൈവ്) എന്നിവര്‍ ബിസിനസ് എക്‌സലന്‍സ് അവാര്‍ഡുകള്‍ സ്വീകരിച്ചു. കോഴിക്കോട് സി.എച്ച് സെന്റര്‍ കാമ്പയിനില്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടിയ കുറ്റ്യാടി, പേരാമ്പ്ര, ബാലുശ്ശേരി മണ്ഡലങ്ങളും; വെല്‍ഫെയര്‍ കാമ്പയിന്‍ വിജയികളായ പേരാമ്പ്ര, എലത്തൂര്‍ മണ്ഡലം കമ്മിറ്റികളും ഉപഹാരങ്ങള്‍ ഏറ്റുവാങ്ങി. മുഹമ്മദ് അന്‍സാര്‍ ഖിറാഅത്ത് നടത്തി. സുല്‍ത്താന്‍ പാഷ, അനീസ്, ബെന്‍സീറ എന്നിവരുടെ നേതൃത്വത്തില്‍ സി.എച്ച് അനുസ്മരണ ഗസലും നടന്നു. ജില്ലാ ജന.സെക്രട്ടറി സയ്യിദ് ജലീല്‍ മഷ്ഹൂര്‍ തങ്ങള്‍ സ്വാഗതവും ട്രഷറര്‍ ഹംസ കാവില്‍ നന്ദിയും പറഞ്ഞു.
