വീടുകളിലെ പൂന്തോട്ടങ്ങള്‍ക്ക് സമ്മാനങ്ങള്‍ പ്രഖ്യാപിച്ച് ദുബൈ മുനിസിപ്പാലിറ്റി
Tue, 04 Nov 2025
ന്യൂഡല്‍ഹി: വോട്ടുകൊള്ള വിഷയത്തില്‍ പ്രതിപക്ഷ എം.പിമാര്‍ നടത്തിയ തെരഞ്ഞെടുപ്പ് കമ്മീഷന്‍ ഓഫീസിലേക്ക് നടത്തിയ മാര്‍ച്ച് പൊലീസ് തടഞ്ഞു.
നേതാക്കളെ പൊലീസ് അറസ്റ്റ് ചെയ്ത് നീക്കി. കൂടിക്കാഴ്ചക്ക് തെരഞ്ഞെടുപ്പ് കമ്മീഷന്‍ സമയം അനുവദിച്ചുവെങ്കിലും കാണുന്നില്ലെന്ന് പ്രതിപക്ഷ തീരുമാനിച്ചു. തെരഞ്ഞെടുപ്പ് കമ്മീഷന്‍ ഓഫീസിലേക്ക് പ്രതിപക്ഷം നടത്തിയ മാര്‍ച്ച് പൊലീസ് തടഞ്ഞതോടെയാണ് പ്രശ്‌നങ്ങള്‍ സങ്കീര്‍ണമായത്. പൊലീസ് ബലം പ്രയോഗിച്ചതോടെ ചില എം.പിമാര്‍ക്ക് ശാരീരിക അസ്വസ്ഥതയുണ്ടായി. എം.പി മാരെ ബസ്സുകളില്‍ കയറ്റി എം.പിമാരെ മറ്റൊരു സ്ഥലത്തേക്ക് മാറ്റി. രാഹുല്‍ഗാന്ധി, പ്രിയങ്ക ഗാന്ധിയടക്കമുള്ള നേതാക്കളെയും പൊലീസ് ബസ്സില്‍ കയറ്റി പൊലീസ് സ്റ്റേഷനിലേക്ക് കൊണ്ടുപോയെന്നാണ് റിപ്പോര്‍ട്ട്. ഇത് ഭരണഘടന സംരക്ഷണത്തിന് വേണ്ടിയുള്ള പോരാട്ടമെന്ന് രാഹുല്‍ഗാന്ധി. വോട്ടുകൊള്ള ആരോപണത്തില്‍ പ്രതിപക്ഷ എംപിമാര്‍ക്ക് കൂടിക്കാഴ്ചക്ക് സമയം അനുവദിച്ചിരുന്നു. ഇന്ന് ഉച്ചക്ക് 12 മണിക്കാണ് കേന്ദ്ര തെരഞ്ഞെടുപ്പ് കമ്മീഷന്‍ ഓഫീസില്‍ എത്താന്‍ നിര്‍ദേശം നല്‍കി. കൂടിക്കാഴ്ചയ്ക്ക് 30 പേര്‍ക്ക് പങ്കെടുക്കാമെന്നാണ് അറിയിപ്പുണ്ടായത്. കോണ്‍ഗ്രസ് എം പി ജയറാം രമേശിന് ആണ് തെരഞ്ഞെടുപ്പ് കമ്മീഷന്‍ അറിയിപ്പ് നല്‍കിയത്. അതേസമയം എല്ലാ എംപിമാരെയും കാണണമെന്നാണ് തങ്ങളുടെ ആവശ്യമെന്ന് കെസി വേണുഗോപാല്‍ പറഞ്ഞു. പതിനൊന്നരയോടെ കേന്ദ്ര തിരഞ്ഞെടുപ്പ് കമ്മീഷന്‍ ആസ്ഥാനത്തേയ്ക്കുള്ള പ്രതിഷേധമാര്‍ച്ചില്‍ മുന്നൂറോളം പാര്‍ലമെന്റംഗങ്ങള്‍ പങ്കെടുത്തു. പ്രതിപക്ഷനേതാവ് രാഹുല്‍ ഗാന്ധിയുടെ നേതൃത്വത്തിലാണ് മാര്‍ച്ച്. ഇന്ന് പാര്‍ലമെന്റിലും പ്രതിപക്ഷം വിഷയം ഉന്നയിക്കും. കൂടാതെ വോട്ടര്‍ പട്ടികയില്‍ ക്രമക്കേടുണ്ടെന്ന വാദത്തിലെ തുടര്‍ നടപടികള്‍ ചര്‍ച്ചചെയ്യാന്‍ കോണ്‍ഗ്രസ് ഇന്ന് പ്രത്യേക യോഗം ചേരും. വൈകിട്ട് 4 മണിക്ക് എഐസിസിയില്‍ ചേരുന്ന യോഗത്തില്‍ ജനറല്‍ സെക്രട്ടറിമാരും സംസ്ഥാനത്തിന്റെ ചുമതലയുള്ള നേതാക്കളും പങ്കെടുക്കും. വോട്ടര്‍പട്ടിക ക്രമക്കേടില്‍ സംസ്ഥാനവ്യാപകമായി ക്യാമ്പയിന്‍ ആരംഭിക്കാനാണ് തീരുമാനം. വൈകിട്ട് 7 മണിക്ക് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെയുടെ വസതിയില്‍ ഇന്ത്യ മുന്നണി നേതാക്കള്‍ക്കായി അത്താഴവിരുന്നും ഒരുക്കിയിട്ടുണ്ട്.
