ഷാര്‍ജ വ്യവസായ മേഖലയില്‍ തീപിടിത്തം; വന്‍ നാശനഷ്ടം, ആളപായമില്ല
Wed, 27 Aug 2025
റിയാദ് : നമ്മുടെ സ്വപ്‌നം നമ്മുടേത് മാത്രമാകാതെ സമൂഹത്തിന്റേതു കൂടിയാകുമ്പോഴാണ് നമ്മുടെ രാഷ്ട്രീയം സര്‍ഗാത്മകമാവുന്നതെന്നും അതില്‍ നന്മയെ ചേര്‍ത്തു പിടിക്കാന്‍ കഴിയണമെന്നും മുസ്്‌ലിംലീഗ് സംസ്ഥാന സെക്രട്ടറിയേറ്റ് അംഗം എംഎ സമദ് അഭിപ്രായപ്പെട്ടു. റിയാദ് കെഎംസിസി കോഴിക്കോട് ജില്ലാ കമ്മിറ്റി ‘സര്‍ഗാത്മകത, ധാര്‍മികത,രാഷട്രീയം’ എന്ന വിഷയത്തില്‍ സംഘടിപ്പിച്ച പരിപാടിയില്‍ മുഖ്യപ്രഭാഷണം നടത്തുകായിരുന്നു. കെഎംസിസി ജില്ലാ പ്രസിഡന്റ് മുഹമ്മദ് സുഹൈല്‍ അധ്യക്ഷനായി. സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ ഉദ്ഘാടനം ചെയ്തു.
ദൈവികമായ കാഴ്ചപ്പാടിന്റെ സൗന്ദര്യവും ഗൗരവവും തിരിച്ചറിഞ്ഞു അതിലെ ബാധ്യതകളും കടമകളും നിറവേറ്റാതെ പോയാല്‍ സ്വന്തത്തോട് ചെയ്യുന്ന അനീതിയാവും. സ്വാര്‍ത്ഥ താല്‍പര്യത്തോടെ അവനവനിലേക്ക് ചുരുങ്ങാന്‍ പാടില്ലെന്നും കടമകളളെ കുറിച്ച് ബോധ്യമുണ്ടാവണമെന്നും അത് നിറവേറ്റപ്പെടുമ്പോഴാണ് ഏറ്റവും നല്ല വിശ്വാസിയാവുന്നതെന്നും അദ്ദേഹം പറഞ്ഞു. സര്‍ഗാത്മകതയില്ലാത്ത ജീവിതമല്ല സര്‍ഗാത്മകതയെ ചേര്‍ത്തുപിടിക്കാന്‍ കഴിയുന്ന രചനാത്മകമായ ജീവിതമാണ് നമ്മുടെ സംഘബോധത്തിന് ശക്തിപകരുകയെന്നും എംഎ സമദ് ചൂണ്ടിക്കാട്ടി.
കെഎംസിസി സെന്‍ട്രല്‍ കമ്മിറ്റി സാമുഹ്യ സുരക്ഷാ പദ്ധതിയില്‍ കൂടുതല്‍ മെമ്പര്‍മാരെ ചേര്‍ത്തതിനുള്ള ഉപഹാരം കൊടുവള്ളി മണ്ഡലം (ഒന്നാം സ്ഥാനം),ബേപ്പൂര്‍ മണ്ഡലം(രണ്ടാം സ്ഥാനം),കുന്ദമംഗലം മണ്ഡലം(മൂന്നാം സ്ഥാനം) ഭാരവാഹികള്‍ക്ക് എംഎ. സമദ് സമ്മാനിച്ചു. ജില്ലാ കമ്മിറ്റിയുടെ നോര്‍ക്ക അംഗത്വ കാമ്പയിനിന്റെ ലോഗോ പ്രകാശനം ജില്ലാ സെക്രട്ടറി ഫൈസല്‍ പൂനൂരിന് നല്‍കി എംഎ സമദ് നിര്‍വഹിച്ചു. ഡിസംബര്‍ 5,6 തിയ്യതികളില്‍ ജില്ലാ സ്‌പോര്‍ട്‌സ് വിങ് സംഘടിപ്പിക്കുന്ന ഫൈവ്‌സ് ഫുട്‌ബോള്‍ ടൂര്‍ണമെന്റിന്റെ ലോഗോ പ്രകാശനവും സമദ് നിര്‍വഹിച്ചു. സെന്‍ട്രല്‍ കമ്മിറ്റി ജനറല്‍ സെക്രട്ടറി ശുഹൈബ് പനങ്ങാങ്ങര,ഭാരവാഹികളായ അബ്ദുറഹ്്മാന്‍ ഫറോക്ക്,ശമീര്‍ പറമ്പത്ത്,നജീബ് നെല്ലാംങ്കണ്ടി, നാസര്‍ മാങ്കാവ്,ജില്ലാ ഭാരവാഹികളായ റഷീദ് പടിയങ്ങല്‍,കുഞ്ഞോയി കോടമ്പുഴ,ഷൗക്കത്ത് പന്നിയങ്കര,ലത്തീഫ് മടവൂര്‍, ഫൈസല്‍ ബുറൂജ്, ഫൈസല്‍ വടകര പ്രസംഗിച്ചു. ജനറല്‍ സെക്രട്ടറി ജാഫര്‍ സാദിഖ് പുത്തൂര്‍മഠം സ്വാഗതവും ട്രഷറര്‍ റാഷിദ് ദയ നന്ദിയും പറഞ്ഞു. ഭാരവാഹികളായ അബ്ദുല്‍ഗഫൂര്‍ എസ്റ്റേറ്റ്മുക്ക്,സഫറുല്ല കൊയിലാണ്ടി,അബ്ദുല്‍ഖാദര്‍ കാരന്തൂര്‍,മനാഫ് മണ്ണൂര്‍,മുഹമ്മദ് പേരാമ്പ്ര,പ്രമോദ് മലയമ്മ,സൈതു മീഞ്ചന്ത,ബഷീര്‍ കൊളത്തൂര്‍, ശഹീര്‍ കല്ലമ്പാറ നേത്യത്വം നല്‍കി.
