കോണ്‍ഗ്രസിനെ ഉപദേശിക്കുന്ന മുഖ്യമന്ത്രി സ്വയം കണ്ണാടിയില്‍ നോക്കട്ടെ-വിഡി സതീശന്‍
Wed, 27 Aug 2025
ദുബൈ : യുഎഇ രാഷ്ട്രപതി ശൈഖ് മുഹമ്മദ് ബിന്‍ സായിദ് അല്‍ നഹ്യാന്റെ നേതൃത്വത്തില്‍ യുഎഇ എണ്ണ ഇതര വിദേശ വ്യാപാരത്തില്‍ അഭൂതപൂര്‍വമായ വളര്‍ച്ച കൈവരിച്ചതായി ഉപരാഷ്ട്രപതിയും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം പറഞ്ഞു. എണ്ണ ഇതര കയറ്റുമതിയില്‍ 25% വളര്‍ച്ചയോടെ 2024 ന്റെ ആദ്യ പകുതിയില്‍ രാജ്യത്തിന്റെ വിദേശ വ്യാപാരം 1.4 ട്രില്യണ്‍ ദിര്‍ഹത്തിലെത്തി. ഈ വര്‍ഷം അവസാനത്തോടെ 3 ട്രില്യണ്‍ ദിര്‍ഹം കൈവരിക്കുകയാണ് രാജ്യത്തിന്റെ ലക്ഷ്യം. ഇന്ത്യയുമായി 10%, തുര്‍ക്കിയുമായി 15%, ഇറാഖുമായി 41% വ്യാപാരം വര്‍ധിച്ചുകൊണ്ട് വിവിധ രാജ്യങ്ങളുമായുള്ള യുഎഇയുടെ സാമ്പത്തിക ബന്ധം ശക്തിപ്പെട്ടു. വിദേശ വ്യാപാരത്തിന്റെ ആഗോള വളര്‍ച്ചാ നിരക്ക് ഏകദേശം 1.5 ശതമാനമാണെങ്കിലും, യുഎഇയുടെ വിദേശ വ്യാപാരം പ്രതിവര്‍ഷം 11.2% വര്‍ദ്ധിച്ചു. 2024ന്റെ ആദ്യ പകുതിയില്‍ യുഎഇയുടെ ഏറ്റവും മികച്ച 10 വ്യാപാര പങ്കാളികളിലേക്കുള്ള എണ്ണ ഇതര കയറ്റുമതി 28.7% വര്‍ദ്ധിച്ചപ്പോള്‍ മറ്റെല്ലാ രാജ്യങ്ങളും വ്യാപാരത്തില്‍ 12.6% വര്‍ധനവ് രേഖപ്പെടുത്തി. സ്വര്‍ണം, ആഭരണങ്ങള്‍, സിഗരറ്റുകള്‍, എണ്ണകള്‍, അലുമിനിയം, ചെമ്പ് വയറുകള്‍, അച്ചടിച്ച വസ്തുക്കള്‍, വെള്ളി, ഇരുമ്പ് വ്യവസായങ്ങള്‍, പെര്‍ഫ്യൂമുകള്‍ എന്നിവ യുഎഇയുടെ ഏറ്റവും പ്രധാനപ്പെട്ട കയറ്റുമതി വിഭാഗങ്ങളുടെ പട്ടികയില്‍ ഒന്നാം സ്ഥാനത്തെത്തി. 2023 ലെ ഇതേ കാലയളവിനെ അപേക്ഷിച്ച് 36.8% വര്‍ധിച്ചു. 2024ന്റെ ആദ്യ പകുതിയില്‍ റീഎക്‌സ്‌പോര്‍ട്ട് 345.1 ബില്യണ്‍ ദിര്‍ഹത്തിലെത്തി. മുന്‍വര്‍ഷം ഇതേ കാലയളവിനെ അപേക്ഷിച്ച് 2.7 ശതമാനം വര്‍ധിച്ചു. 2022ലെ ഇതേ കാലയളവിനെ അപേക്ഷിച്ച് 11.2 ശതമാനം വര്‍ദ്ധിച്ചു. പ്രധാന വ്യാപാര പങ്കാളികളുമായുള്ള റീഎക്‌സ്‌പോര്‍ട്ട് വളര്‍ച്ച നേടി. പ്രത്യേകിച്ച് സൗദി അറേബ്യ, ഇറാഖ്, ഇന്ത്യ, അമേരിക്ക, കുവൈറ്റ്, ഖത്തര്‍ എന്നീ രാജ്യങ്ങളുമായി മികച്ച വളര്‍ച്ച രേഖപ്പെടുത്തി. ടെലിഫോണ്‍ ഉപകരണങ്ങളുടെ വര്‍ധിച്ച റീഎക്‌സ്‌പോര്‍ട്ട് കാരണം കസാക്കിസ്ഥാന്‍ അതിന്റെ വളര്‍ച്ച ഏകദേശം ഇരട്ടിയായി. മൊത്തത്തില്‍, മികച്ച പത്ത് വ്യാപാര പങ്കാളികളുമായി റീകയറ്റുമതി 7.6 ശതമാനം വര്‍ദ്ധിച്ചു. വിമാന ഭാഗങ്ങള്‍, കാറുകള്‍, ചരക്ക് ഗതാഗത വാഹനങ്ങള്‍ എന്നിവയുടെ പുനര്‍ കയറ്റുമതിയില്‍ ഏറ്റവും കൂടുതല്‍ വളര്‍ച്ച രേഖപ്പെടുത്തിയത് ടെലിഫോണുകളും വജ്രങ്ങളുമാണ്. യുഎഇയുടെ എണ്ണ ഇതര ഇറക്കുമതി 2024ന്റെ ആദ്യ പകുതിയില്‍ 800 ബില്യണ്‍ ദിര്‍ഹത്തിന് അടുത്തെത്തി, 2023ലെ ഇതേ കാലയളവിനെ അപേക്ഷിച്ച് 11.3 ശതമാനം വളര്‍ച്ചയും 2022ലെ ഇതേ കാലയളവിനെ അപേക്ഷിച്ച് 34.6 ശതമാനം വര്‍ധനയും ഉണ്ടായി. ഈ ഇറക്കുമതിയുടെ ഒരു പ്രധാന ഭാഗം വീണ്ടും കയറ്റുമതി ചെയ്യുന്നു. ആദ്യ പത്ത് വിപണികളില്‍ നിന്നുള്ള ഇറക്കുമതി 7.2 ശതമാനം വര്‍ധിച്ചു, മൊത്തം ഇറക്കുമതിയുടെ 48.7 ശതമാനത്തിലധികം വരും.
ഡോ.മന്‍മോഹന്‍ സിങ് : ഇന്ത്യയുടെ സാമ്പത്തിക അടിത്തറ ശക്തമാക്കിയ കരുത്തനായ ഭരണാധികാരി : അഹമ്മദ് റയീസ്‌
