എസ്.എസ്.എല്‍.സി പരീക്ഷ ഫലം യുഎഇ ക്കു മികച്ച നേട്ടം
Sat, 10 May 2025
അബുദാബി : കോഴിക്കോടിന്റെ കലയും സംസ്‌കാരവും രുചി വൈവിധ്യങ്ങളും സമ്മേളിക്കുന്ന കോഴിക്കോടന്‍ ഫെസ്റ്റ് സീസണ്‍ 2 ജനുവരി ആദ്യവാരം അബുദാബി ഇന്ത്യന്‍ ഇസ്‌ലാമിക് സെന്ററില്‍ നടക്കുമെന്ന് കോഴിക്കോട് ജില്ലാ കെഎംസിസി ബി ഭാരവാഹികള്‍ അറിയിച്ചു. സീസണ്‍ 1നു ലഭിച്ച സ്വീകാര്യത അടുത്ത സീസണില്‍ മികച്ച പങ്കാളിത്തം ഉണ്ടാകുമെന്നാണ് പ്രതീക്ഷ. അറബ് നാടുകളുമായി വര്‍ഷങ്ങളുടെ പഴക്കമുള്ള നഗരമാണ് കോഴിക്കോട്. യുനെസ്‌കോ സാഹിത്യ നഗരമായി പ്രഖ്യാപിക്ക പ്പെടുക വഴി കോഴിക്കോടിന്റെ ഖിസ്സകള്‍ക്കു അക്ഷരലോകത്തിന്റെ ആദരമാണ് ലഭിച്ചത്. ടൂറിസം പ്രൊമോഷന്‍, സാംസ്‌കാരികം,ഭക്ഷണ ശാലകള്‍,കലാ പരിപാടികള്‍ തുടങ്ങി വൈവിധ്യങ്ങളോടെ 2025 ജനുവരി 4,5 തിയ്യതികളിലാണ് അബുദാബി ഇന്ത്യന്‍ ഇസ്‌ലാമിക് സെന്ററില്‍ കോഴിക്കോടന്‍ ഫെസ്റ്റ് സീസണ്‍ 2 സംഘടിപ്പിക്കുന്നത്. കേരള സോഷ്യല്‍ സെന്ററില്‍ നടന്ന സ്‌നേഹ സംഗമത്തില്‍ ഫെസ്റ്റ് പ്രഖ്യാപനവും ലോഗോ പ്രകാശനവും സംഘടിപ്പിച്ചു. മുന്‍ എംഎല്‍എയും മുസ്‌ലിംലീഗ് സംസ്ഥാന സെക്രട്ടറിയുമായ പാറക്കല്‍ അബ്ദുല്ല എ.എഫ് ഇന്റര്‍നാഷണല്‍ സിഇഒ മുഹമ്മദ് ഷഹീര്‍ ഫാറൂഖിക്ക് നല്‍കി ലോഗോ പ്രകാശനം ചെയ്തു. വടകര എം.പി ഷാഫി പറമ്പില്‍,പി.കെ ഫിറോസ്,അബ്ദുല്ല ഫാറൂഖി,യൂസുഫ് മാട്ടൂല്‍,അഹമ്മദ് ബല്ല കടപ്പുറം,ശറഫുദ്ദീന്‍ മംഗലാട്, ബഷീര്‍ ഇബ്രാഹിം,ബിബിസി ഗ്രൂപ്പ് എം.ഡി മുഹമ്മദ് സുഹൈല്‍, അബ്ദുല്‍ ബാസിത് കായക്കണ്ടി, അഷ്‌റഫ് സി.പി, അബ്ദുറസാഖ് അബ്ദുല്ല കേളോത്,നൗഷാദ് കൊയിലാണ്ടി,ശറഫുദ്ദീന്‍ കടമേരി,ഫഹീം ബേപ്പൂര്‍,മെഹബൂബ് തച്ചംപൊയില്‍,ഷമീക് കാസിം, സാദത് കൊയിലാണ്ടി,ഷഫീക് കുന്നമംഗലം,അസമര്‍ കോട്ടപ്പള്ളി,സഹദ് പാലോല്‍,ആര്‍.ടി ഷംസീര്‍, ഷബീര്‍ ബാലുശ്ശേരി, സബാഹ് കെ.പി, നവാസ് പയ്യോളി,നൗഫല്‍ പേരാമ്പ്ര,ജംഷീര്‍ ബേപ്പൂര്‍,ശബിനാസ് കുനിങ്ങാട്,റഫീഖ് കെ.കെ പങ്കെടുത്തു. പ്രസിഡന്റ് സിഎച്ച് ജാഫര്‍ തങ്ങള്‍ അധ്യക്ഷനായി. അഷ്‌റഫ് നജാത്ത് സ്വാഗതവും മജീദ് അത്തോളി നന്ദിയും പറഞ്ഞു.
