തലമുറകളെ കോര്‍ത്തിണക്കി ജിഡിആര്‍എഫ്എ ദുബൈ ലോക വയോജന ദിനം ആഘോഷിച്ചു
Sat, 04 Oct 2025
കുവൈത്ത് സിറ്റി: കുവൈത്ത് കെഎംസിസി തൃശൂര്‍ ജില്ലാ സമ്മേളനം ഒക്ടോബര്‍ മൂന്ന് വെള്ളിയാഴ്ച വൈകുന്നേരം ആറു മണി മുതല്‍ അബ്ബാസിയ ഇന്റഗ്രേറ്റഡ് ഇന്ത്യന്‍ സ്‌കൂള്‍ ഓപ്പണ്‍ ഓഡിറ്റോറിയത്തില്‍ നടക്കും. മുസ്‌ലിം യൂത്ത് ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍, സംസ്ഥാന മുസ്‌ലിം ലീഗ് ഉപാധ്യക്ഷന്‍ സി.എച്ച് റഷീദ്, തൃശൂര്‍ ജില്ലാ പ്രസിഡന്റ് സി.എ മുഹമ്മദ് റഷീദ്, ജനറല്‍ സെക്രട്ടറി പി.എം അമീര്‍, മസ്‌ലിം യൂത്ത് ലീഗ് ദേശീയ ഒര്‍ഗനൈസിംഗ് സെക്രട്ടറി അഡ്വ: ഷിബു മീരാന്‍ തുടങ്ങിയ നേതാക്കള്‍ സമ്മേളനത്തില്‍ പങ്കെടുക്കും. പ്രശസ്ത ഗായകന്‍ ഉസ്താദ് അഷ്‌റഫ് പാലപ്പെട്ടി നയിക്കുന്ന സൂഫീ സംഗീതനിശയും സമ്മേളനത്തിന്റെ ഭാഗമായി നടക്കും. കുവൈത്ത് കെഎംസിസി തൃശ്ശൂര്‍ ജില്ലാ കമ്മിറ്റി പ്രഖ്യാപിച്ച കേരള നിയമസഭ മുന്‍ സ്പീക്കര്‍ കെ.എം സീതി സാഹിബിന്റെ പേരിലുള്ള രണ്ടാമത് അവാര്‍ഡുകള്‍ ഡോ: മുസ്തഫ സയ്യിദ് അഹ്മദ് അല്‍ മൗസവി (ആരോഗ്യം), ഡോ. ബോബി ചെമ്മണ്ണൂര്‍ (ജീവ കാരുണ്യം), സിഷോര്‍ മുഹമ്മദ് അലി (ബിസ്സിനസ്സ്) എന്നിവര്‍ക്ക് ചടങ്ങില്‍ വെച്ച് പാണക്കാട് സയ്യിദ് മുനവ്വറലി ശിഹാബ് തങ്ങള്‍ കൈമാറും. സമ്മേളനത്തോടനുബന്ധിച്ച് സംഘടിപ്പിക്കുന്ന ‘തൃശൂര്‍ സി.എച്ച് സെന്റര്‍ മീറ്റപ്പ്’ വെള്ളിയാഴ്ച ഉച്ചക്ക് 1 മണിക്ക് കുവൈത്ത് സിറ്റിയിലെ പാര്‍ക്ക് അവന്യുസ് ഹോട്ടലില്‍ നടക്കും. മെഡിക്കല്‍ ക്യാമ്പ്, വിദ്യാഭ്യാസ അവാര്‍ഡ് ദാനം, മാപ്പിളപ്പാട്ട് മത്സരം, ക്വിസ് മത്സരം, പാചക മത്സരം തുടങ്ങീ വ്യത്യസ്തമായ പരിപാടികളാണ് സമ്മേളനത്തിന്റെ ഭാഗമായി കഴിഞ്ഞ ദിവസങ്ങളില്‍ തൃശൂര്‍ ജില്ലാ കമ്മിറ്റി സംഘടിപ്പിച്ചിരുന്നത്. അതില്‍ വിജയികളായവര്‍ക്കുള്ള സമ്മാനദാനവും സമ്മേളനത്തില്‍ വിതരണം ചെയ്യും. തൃശൂര്‍ ജില്ലാ സമ്മേളനത്തിന്റെ ഭാഗമായി വിളിച്ചു ചേര്‍ത്ത പത്ര സമ്മേളനത്തില്‍ കുവൈത്ത് കെഎംസിസി തൃശൂര്‍ ജില്ലാ പ്രസിഡന്റ് ഹബീബുള്ള മുറ്റിച്ചൂര്‍, ജനറല്‍ സെക്രട്ടറി മുഹമ്മദലി ചെറുതുരുത്തി ട്രഷറര്‍ അസീസ് പാടൂര്‍ എന്നിവര്‍ പങ്കെടുത്തു.
