മസ്കത്തിലേക്കുള്ള വിമാന സര്വീസ് തുടരുമെന്ന് എയര് ഇന്ത്യാ എക്സ്പ്രസ്
Sat, 07 Mar 2026
അബുദാബി: സ്വാതന്ത്ര്യദിനാഘോഷത്തോടനുബന്ധിച്ച് ഇന്ത്യയുടെ സംസ്കാരിക വൈവിധ്യവും രുചിപ്പെരുമയും വിളിച്ചോതി ഇന്ത്യ ഉത്സവിന് മിഡില് ഈസ്റ്റിലെ ലുലു ഹൈപ്പര്മാര്ക്കറ്റുകളില് തുടക്കമായി. ലുലു ഗ്രൂപ്പ് ചെയര്മാന് എം.എ യൂസഫലി, ഇന്ത്യന് എംബസി ട്രേഡ് ആന്ഡ് ഇന്വെസ്റ്റ്മെന്റ് കൗണ്സിലര് രോഹിത് മിശ്ര, ഇക്കണോമിക് അഫേഴ്സ് ഫസ്റ്റ് സെക്രട്ടറി ധര്മ്മ് സിംഗ് മീണ എന്നിവരുടെ സാന്നിO്യത്തില് യുഎഇയിലെ ഇന്ത്യന് അംബാസഡര് സഞ്ജയ് സുധീര് ഇന്ത്യ ഉത്സവിന്റെ ഉദ്ഘാടനം നിര്വ്വഹിച്ചു. വൈവിധ്യമാര്ന്ന ഇന്ത്യന് ഉത്പന്നങ്ങളുടെ മികവ് ലോകത്തിന്റെ വിവധ ഭാഘങ്ങളില് എത്തിക്കുന്നതില് ലുലുവും എം.എ യൂസഫലിയും വഹിക്കുന്ന പങ്ക് പ്രശംസനീയമെന്ന് സഞ്ജയ് സുധീര് പറഞ്ഞു. മേക്ക് ഇന് ഇന്ത്യ കാമ്പയിന് അടക്കം കരുത്തുപകരുന്നതാണ് ലുലുവിന്റെ പ്രവര്ത്തനമെന്നും, ഇന്ത്യന് ഉത്പന്നങ്ങള്ക്ക് മികച്ച വിപണിയാണ് ലുലു ലഭ്യമാക്കുന്നതെന്നും അദേഹം വ്യക്തമാക്കി. വൈവിധ്യമാര്ന്ന ഇന്ത്യന് ഉത്പന്നങ്ങളുടെ ഗുണമേന്മ മിഡില് ഈസ്റ്റില് കൂടുതല് ലഭ്യമാക്കുമെന്നും ഇന്ത്യ ഉത്സവിലൂടെ വിപുലമായ ഉത്പന്നങ്ങളുടെ ശേഖരമാണ് ഉറപ്പാക്കിയിട്ടുള്ളതെന്നും ലുലു ഗ്രൂപ്പ് ചെയര്മാന് എം.എ യൂസഫലി പറഞ്ഞു. ഈ വര്ഷം 17000 കോടി രൂപയുടെ ഉത്പന്നങ്ങള് എന്ന ലക്ഷ്യത്തിലാണ് ലുലുവെന്നും എം.എ യൂസഫലി വ്യക്തമാക്കി. ഗ്രോസറി, പഴം പച്ചക്കറി ഉത്പന്നങ്ങള്, സ്പൈസസ്, റെഡി ടു കുക്ക് ഉത്പന്നങ്ങള് എന്നിവയുടെ വൈവിധ്യമാര്ന്ന ശേഖരമാണ് ലുലു സ്റ്റോറുകളില് ഇന്ത്യ ഉത്സവിന്റെ ഭാഗമായി ഉള്ളത്. ഓര്ഗാനിക് പ്രൊഡക്ടുകള്, മില്ലറ്റ്സ്, മധുരപലഹാരങ്ങള്, ജ്യൂസുകള് തുടങ്ങിയവയും ഉത്സവിലുണ്ട്. ലുലു സിഇഒ സെയ്ഫി രൂപാവാല, എക്സിക്യൂട്ടീവ് ഡയറക്ടര് അഷറഫ് അലി എം.എ, ചീഫ് ഓപ്പറേറ്റിങ്ങ് ആന്ഡ് സ്ട്രാറ്റജി ഓഫീസര് സലിം വി.ഐ, മാര്ക്കറ്റിങ്ങ് ആന്ഡ് കമ്മ്യൂണിക്കേഷന്സ് ഡയറ്ക്ടര് വി നന്ദകുമാര്, ലുലു ഇന്റര്നാഷണല് ഹോള്ഡിങ്ങ്സ് ഡയറക്ടര് ആനന്ദ് എ.വി തുടങ്ങിയവരും ചടങ്ങില് സംബന്ധിച്ചു.
