അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Sun, 11 Jan 2026
കൊച്ചി : മാവോയിസ്റ്റ് നേതാവ് മുരളീധരൻ കണ്ണമ്പള്ളിയുടെ തേവക്കലിലെ വീട്ടിൽ ദേശീയ അന്വേഷണ ഏജൻസി (എൻഐഎ) ചൊവ്വാഴ്ച റെയ്ഡ് നടത്തി. മകൻ്റേതാണ് വീട്. എട്ട് ഉദ്യോഗസ്ഥരടങ്ങുന്ന എൻഐഎ സംഘം പൂട്ട് തകർത്താണ് വീടിൻ്റെ അകത്ത് കടന്നത്. ഹൈദരാബാദിലെ ഒരു കേസുമായി ബന്ധപ്പെട്ടാണ് റെയ്ഡ് എന്നാണ് റിപ്പോർട്ടുകൾ.
ഹൃദ്രോഗബാധിതനായ മുരളീധരൻ വീട്ടിൽ ഒറ്റയ്ക്കാണ് താമസിക്കുന്നത്. തിരച്ചിൽ തുടരുകയാണ്. നാല് വർഷത്തെ തടവിന് ശേഷം 2019ലാണ് മുരളീധരൻ കണ്ണമ്പിള്ളി പൂനെയിലെ യേർവാഡ ജയിലിൽ നിന്ന് പുറത്തിറങ്ങിയത്.
കൊച്ചി ഇരുമ്പനം സ്വദേശി മുരളീധരൻ 1976ലെ കായണ്ണ പൊലീസ് സ്റ്റേഷൻ ആക്രമണക്കേസിൽ പ്രതിയായിരുന്നു. 1976ൽ രാജ്യവ്യാപകമായി അടിയന്തരാവസ്ഥക്കാലത്ത് കോഴിക്കോട് റീജിയണൽ എഞ്ചിനീയറിംഗ് കോളേജിൽ വെച്ച് പോലീസ് പീഡിപ്പിക്കുകയും കൊലപ്പെടുത്തുകയും ചെയ്ത പി രാജൻ്റെ സമകാലികനായിരുന്നു അദ്ദേഹം. 40 വർഷത്തെ ഒളിവിൽ കഴിഞ്ഞിരുന്ന ഇയാളെ 2015ൽ പൂനെയിൽ വച്ച് മഹാരാഷ്ട്ര തീവ്രവാദ വിരുദ്ധ സ്ക്വാഡ് പിടികൂടിയിരുന്നു. അന്തരിച്ച ഐഎഫ്എസ് ഉദ്യോഗസ്ഥൻ കണ്ണമ്പള്ളിയുടെ മകനാണ് മുരളീധരൻ
കരുണാകര മേനോൻ.
