അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Sun, 11 Jan 2026
ദുബൈ: യുഎഇ നാല് പുതിയ വിസിറ്റ് വിസകള് പ്രഖ്യാപിച്ചു. വിസ ചട്ടങ്ങളില് ചില പ്രധാന ഭേദഗതികളും കൂട്ടിച്ചേര്ക്കലുകളും വരുത്തിയിട്ടുണ്ട്.
ആര്ട്ടിഫിഷ്യല് ഇന്റലിജന്സ്, വിനോദം, ഇവന്റുകള്, ക്രൂയിസ് ഷിപ്പുകള്, യാച്ചുകള് എന്നിവയിലെ സ്പെഷ്യലിസ്റ്റുകള്ക്കാണ് നാല് പുതിയ വിസിറ്റ് വിസ അനുവദിച്ചിട്ടുള്ളത്. ഫെഡറല് അതോറിറ്റി ഫോര് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്ഡ് പോര്ട്ട് സെക്യൂരിറ്റി (ഐസിപി) പുറത്തിറക്കിയ എന്ട്രി വിസ ചട്ടങ്ങളിലെ ചില പ്രധാന ഭേദഗതികളുടെയും കൂട്ടിച്ചേര്ക്കലുകളുടെയും ഭാഗമാണ് ഇത്. സാങ്കേതികവിദ്യ പ്രത്യേകിച്ച് ആര്ട്ടിഫിഷ്യല് ഇന്റലിജന്സ് വിനോദം, ടൂറിസം എന്നീ മേഖലകളിലെ പ്രതിഭകളെയും സംരംഭകരെയും രാജ്യത്തേക്ക് ആകര്ഷിക്കുകയാണ് യുഎഇ ലക്ഷ്യമാക്കുന്നത്. എഐയിലെ സ്പെഷ്യലിസ്റ്റുകള്ക്കുള്ള വിസ ഒരു സിംഗിള് അല്ലെങ്കില് മള്ട്ടിപ്പിള് എന്ട്രി പെര്മിറ്റും ഒരു പ്രത്യേക കാലയളവിലേക്കുള്ളതുമാണ്. ഇത്തരം വിസ അനുവദിക്കുന്നതിന്, സാങ്കേതിക മേഖലയില് വൈദഗ്ദ്ധ്യമുള്ള ഒരു സ്പോണ്സറിംഗ് അല്ലെങ്കില് ഹോസ്റ്റിംഗ് സ്ഥാപനത്തില് നിന്നുള്ള കത്ത് സമര്പ്പിക്കണം. വിനോദ ആവശ്യങ്ങള്ക്കായി താല്ക്കാലികമായി വരുന്ന വിദേശികള്ക്ക് ഈ തരത്തിലുള്ള വിസകള് അനുവദിക്കും. ഉത്സവം, പ്രദര്ശനം, സമ്മേളനം, സെമിനാര്, അല്ലെങ്കില് സാമ്പത്തിക, സാംസ്കാരിക, കായികം, മത, കമ്മ്യൂണിറ്റി, വിദ്യാഭ്യാസ പ്രവര്ത്തനങ്ങള് അല്ലെങ്കില് സമാനമായ പരിപാടികളില് പങ്കെടുക്കുന്നതിന് വിദേശികള്ക്ക് താല്ക്കാലിക കാലയളവിലേക്ക് വിസ അനുവദിക്കും. പൊതുമേഖലയില് നിന്നോ സ്വകാര്യ മേഖലയില് നിന്നോ ഉള്ള ഒരു സ്ഥാപനം ഇത്തരം വിസകള് സ്പോണ്സര് ചെയ്യണം. കൂടാതെ പരിപാടിയുടെ വിശദാംശങ്ങളും അതിന്റെ ദൈര്ഘ്യവും ഉള്പ്പെടെ ഹോസ്റ്റിംഗ് സ്ഥാപനത്തില് നിന്നുള്ള ഒരു കത്ത് സമര്പ്പിക്കണം. ടൂറിസം ആവശ്യത്തിന് വരുന്ന വിദേശികള്ക്ക് താല്ക്കാലിക കാലയളവിലേക്ക് ക്രൂയിസ് കപ്പലുകളിലൂടെയും വിനോദ ബോട്ടുകളിലൂടെയും ടൂറിസം ആവശ്യങ്ങള്ക്കായി മള്ട്ടിപ്പിള് എന്ട്രി വിസ ലഭിക്കും. മാനുഷിക പരിഗണനയുടെ ഭാഗമായുള്ള വിസയുമുണ്ട്. പ്രത്യേക സാഹചര്യത്തില് ഒരു വര്ഷത്തേക്ക് മാനുഷിക താമസാനുമതി നല്കും, നിര്ദ്ദിഷ്ട വ്യവസ്ഥകള്ക്കനുസൃതമായി, ഐസിപിയുടെ തീരുമാനപ്രകാരമായിരിക്കും ഇത് നല്കുക. യുദ്ധങ്ങള്, ദുരന്തങ്ങള് എന്നിവയാല് ബുദ്ധിമുട്ടുന്ന രാജ്യങ്ങളിലെ വിദേശികള്ക്ക് ഒരു ഗ്യാരണ്ടറുടെയോ ഹോസ്റ്റിന്റെയോ ആവശ്യമില്ലാതെ വിസ നല്കുന്നത് തുടരാന് ഐസിപിക്ക് അധികാരമുണ്ട്. വിദേശ വിധവയ്ക്കോ വിവാഹമോചിതയ്ക്കോ ഒരു വര്ഷത്തേക്ക് താമസാനുമതി നല്കുന്നതും സമാനമായ കാലയളവിലേക്ക് പുതുക്കാനും അനുമതി ലഭിക്കും. സുഹൃത്തുക്കള്ക്കും ബന്ധുക്കള്ക്കും സന്ദര്ശന വിസ സ്പോണ്സറുടെ വരുമാനത്തെ അടിസ്ഥാനമാക്കി അവരുടെ സ്പോണ്സര്ഷിപ്പില് അനുവദിക്കും. യുഎഇയില് ബിസിനസോ കമ്പനിയോ സ്ഥാപിക്കുന്നതിന് സാമ്പത്തിക സോള്വന്സി, രാജ്യത്തിന് പുറത്തുള്ള നിലവിലുള്ള ഒരു കമ്പനിയില് ഒരു ഓഹരിയുടെ ഉടമസ്ഥാവകാശവും പ്രൊഫഷണല് പ്രാക്ടീസ് ഉള്ളവര്ക്കും വിസ ലഭിക്കും. ട്രക്ക് ഡ്രൈവര് വിസകള്ക്ക് ഒരു സ്പോണ്സര്, ആരോഗ്യ, സാമ്പത്തിക ഗ്യാരണ്ടികള് എന്നിവ ആവശ്യമാണ്. ഓരോ വിസക്കും അംഗീകൃത താമസ കാലയളവ് വ്യക്തമാക്കുന്നതും വിപുലീകരണത്തിനുമുള്ള വ്യവസ്ഥകള് വിശദീകരിക്കുന്ന വ്യക്തമായ ഷെഡ്യൂളുകള് പുറപ്പെടുവിച്ചിട്ടുണ്ട്.
