അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Mon, 12 Jan 2026
ഷാര്ജ: നിരവധി അന്താരാഷ്ട്ര റാങ്കിങ്ങുകള് പ്രകാരം, ആഗോളതലത്തില് മികച്ച സര്വ്വകലാശാലകളില് ഷാര്ജ സര്വ്വകലാശാലക്ക് അംഗീകാരം ലഭിച്ചതായി ഷാര്ജ ഡെപ്യൂട്ടി ഭരണാധികാരിയും ഷാര്ജ യൂണിവേഴ്സിറ്റി പ്രസിഡന്റുമായ ശൈഖ് സുല്ത്താന് ബിന് അഹമ്മദ് ബിന് സുല്ത്താന് അല് ഖാസിമി അറിയിച്ചു. യുഎസ് ന്യൂസ് ഗ്ലോബല് റാങ്കിംഗ് പ്രകാരം യുണൈറ്റഡ് അറബ് എമിറേറ്റുകളില് ഷാര്ജ സര്വകലാശാലയെ ഒന്നാം സ്ഥാനത്തും അറബ് ലോകത്തെ സര്വകലാശാലകളില് നാലാമതുമാക്കി. ലോകമെമ്പാടുമുള്ള 2250 സര്വ്വകലാശാലകളിലും സ്ഥാപനങ്ങളിലും ഷാര്ജ സര്വകലാശാല ഏഷ്യയിലെ സര്വ്വകലാശാലകളില് 55ാം സ്ഥാനത്തും ആഗോളതലത്തില് 261ാം സ്ഥാനത്താണെന്നും ശൈഖ് സുല്ത്താന് ബിന് അഹമ്മദ് അഭിപ്രായപ്പെട്ടു. ഷാര്ജ എമിറേറ്റിന് ഈ ശ്രദ്ധേയമായ നേട്ടം കൈവരിക്കുന്നതില് നിര്ണായക പങ്ക് വഹിച്ച സര്വ്വകലാശാലയുടെ ബോര്ഡ് ഓഫ് ട്രസ്റ്റീസ്, അഡ്മിനിസ്ട്രേഷന്, ഫാക്കല്റ്റി, വിദ്യാര്ത്ഥികള് എന്നിവരുടെ ശ്രമങ്ങളെ അദ്ദേഹം പ്രശംസിച്ചു. ഷാര്ജ സര്വകലാശാലയുടെ സ്ഥാപകനും സുപ്രീം കൗണ്സില് അംഗവും ഷാര്ജ ഭരണാധികാരിയുമായ ശൈഖ് ഡോ. സുല്ത്താന് ബിന് മുഹമ്മദ് അല് ഖാസിമിയുടെ ദീര്ഘവീക്ഷണമുള്ള നേതൃത്വത്തിന്റെ ഫലമാണ് ഈ നേട്ടങ്ങളെന്ന് ഷാര്ജ സര്വകലാശാലയുടെ പ്രസിഡന്റ് ഊന്നിപ്പറഞ്ഞു. സുസ്ഥിര ഗ്രീന് സയന്സ് ആന്ഡ് ടെക്നോളജി, എഞ്ചിനീയറിംഗ് സയന്സസ്, എനര്ജി ആന്ഡ് ഫ്യൂവല് സയന്സസ്, ശാസ്ത്ര പ്രസിദ്ധീകരണങ്ങള് എന്നിവയുള്പ്പെടെ വിവിധ മേഖലകളില് ആഗോളതലത്തില് നിരവധി അഭിമാനകരമായ സര്വ്വകലാശാലകളെ മറികടക്കാന് ഈ കാഴ്ചപ്പാട് സര്വ്വകലാശാലയുടെ ടീമിനെ നയിച്ചു.
പണ്ഡിതന്മാരുടെയും ഗവേഷകരുടെയും അഭിപ്രായത്തില് ഷാര്ജ സര്വകലാശാലയുടെ ഗണ്യമായ പുരോഗതിയും സുല്ത്താന് ബിന് അഹമ്മദ് എടുത്തുപറഞ്ഞു. യുഎസ് ന്യൂസ് ഗ്ലോബല് റാങ്കിംഗ് സര്വ്വകലാശാലകളുടെ അക്കാദമിക് വിജയത്തില് ശ്രദ്ധ കേന്ദ്രീകരിക്കുന്ന നിരവധി മാനദണ്ഡങ്ങളെ അടിസ്ഥാനമാക്കിയുള്ളതാണ്. പ്രാദേശികവും അന്തര്ദേശീയവുമായ പ്രശസ്തി, വാര്ഷിക പ്രസിദ്ധീകരിക്കപ്പെട്ട ഗവേഷണവും അതിന്റെ സ്വാധീനവും, മറ്റ് സര്വ്വകലാശാലകളുമായുള്ള അന്താരാഷ്ട്ര സഹകരണം, ഡോക്ടറല് ബിരുദങ്ങള് നല്കല് എന്നിവ ഇതില് ഉള്പ്പെടുന്നു.
