ഷാര്‍ജ വ്യവസായ മേഖലയില്‍ തീപിടിത്തം; വന്‍ നാശനഷ്ടം, ആളപായമില്ല
Wed, 27 Aug 2025
ദുബൈ : ദുബൈ കെഎംസിസി ഈദ് അല്‍ ഇതിഹാദിന്റെ ഭാഗമായി ഡിസംബര്‍ ഒന്നിന് അല്‍ നാസര്‍ ലൈസര്‍ ലാന്‍ഡില്‍ നടത്തുന്ന ആഘോഷ പരിപാടി ചരിത്ര സംഭവമാക്കാന്‍ ദുബൈ കെഎംസിസി കാസര്‍കോട് ജില്ലാ കമ്മിറ്റി പദ്ധതികള്‍ ആവിഷ്‌ക്കരിച്ചു. സോഷ്യല്‍ മീഡിയ പ്രചാരണം ശക്തമാകാനും ദെയ്‌റ,ബര്‍ദുബൈ,കറാമ ഉള്‍പ്പെടയുള്ള പ്രധാന സ്ഥലങ്ങളില്‍ പര്യടനം നടത്താനും പോസ്റ്റര്‍ വിതരണം ചെയ്യാനും തീരുമാനിച്ചു. ഈദ് അല്‍ ഇതിഹാദ് ദേശീയ ദിനാഘോഷം വേറിട്ടതാകാന്‍ ജില്ലയിലെ അഞ്ചു മണ്ഡലം കമ്മിറ്റികളും മുനിസിപ്പല്‍,പഞ്ചായത്ത് കമ്മിറ്റികളും സജീവമായി രംഗത്തുണ്ട്. അബു ഹൈല്‍ കെഎംസിസി ആസ്ഥാനത്തെ പിഎ ഇബ്രാഹിം ഹാജി ഓഡിറ്റോറിയത്തില്‍ നടന്ന പ്രചാരണ കണ്‍വന്‍ഷന്‍ ജില്ലാ മുന്‍ പ്രസിഡന്റ് അബ്ദുല്ല ആറങ്ങാടി ഉദ്ഘാടനം ചെയ്തു. ജില്ലാ പ്രസിഡന്റ് സലാം കന്യപ്പാടി അധ്യക്ഷനായി. ആക്ടിങ് ജനറല്‍ സെക്രട്ടറി അഷ്‌റഫ് ബായാര്‍ സ്വാഗതം പറഞ്ഞു. മുന്‍ ജില്ലാ ഭാരവാഹികളായ അഫ്‌സല്‍ മൊട്ടമല്‍, റാഫി പള്ളിപ്പുറം, റഷീദ് ഹാജി കല്ലിങ്കാല്‍, ജില്ല ഭാരവാഹികളായ സിഎച്ച് നൂറുദ്ദീന്‍,റഫീഖ് പടന്ന,ഹസൈനാര്‍ ബീജന്തടുക്ക,കെപി അബ്ബാസ്,മൊയ്തീന് ബാവ,ബഷീര്‍ സിഎ,ഫൈസല്‍ മുഹ്‌സിന്‍,പിഡി നൂറുദ്ദീന്‍,റഫീഖ് എസി,ബഷീര്‍ പാറപ്പള്ളി,മണ്ഡലം ഭാരവാഹികളായ ഫൈസല്‍ പട്ടേല്‍,റഫീഖ് മാങ്ങാട്,അഷ്‌കര്‍ ചൂരി,ഹനീഫ് കട്ടക്കാല്‍,മന്‍സൂര്‍ മര്‍ത്ത്യ,സത്താര്‍ ആലമ്പാടി,സുഹൈല്‍ കോപ്പ,സഫ്്‌വാന്‍ അണങ്കൂര്‍, പങ്കെടുത്തു. ട്രഷറര്‍ ഡോ.ഇസ്മായീല്‍ മൊഗ്രാല്‍ നന്ദി പറഞ്ഞു.
