യുദ്ധ വിരാമത്തിനുള്ള കരാര് അമേരിക്കയുടെ പരാജയ പ്രഖ്യാപനമെന്ന് ഇറാന്; സുരക്ഷ ഉറപ്പുവരുത്തണമെന്ന് ഗള്ഫ് രാജ്യങ്ങള്
Wed, 24 Jun 2026
ദുബൈ : 2024ലെ ദുബൈയിലെ ഏറ്റവും മികച്ച സര്ക്കാര് സ്ഥാപനങ്ങളുടെ പട്ടിക പ്രസിദ്ധീകരിച്ചു. ഉപഭോക്താക്കളുടെയും ജീവനക്കാരുടെയും സന്തോഷ സൂചികയില് 95.7% നേടി മുഹമ്മദ് ബിന് റാഷിദ് ഹൗസിങ് എസ്റ്റാബ്ലിഷ്മെന്റ് ഒന്നാമതെത്തി. ദുബൈയിലെ എല്ലാ സര്ക്കാര് സ്ഥാപനങ്ങളുടെയും ശരാശരി ഉപഭോക്തൃ സന്തോഷ റേറ്റിങ് 90 ശതമാനമോ അതില് കൂടുതലോ ആണ്. ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമാണ് 2024 ലെ മികച്ച സര്ക്കാര് സ്ഥാപനങ്ങളുടെ വിവരങ്ങള് വെളിപ്പെടുത്തിയത്.
രണ്ടാമത്തെ മികച്ച സ്ഥാപനം 97.01 ശതമാനം റേറ്റിങ്ങുമായി ദുബൈ ഇലക്ട്രിസിറ്റി ആന്റ് വാട്ടര് അതോറിറ്റി (ദീവ) ആണ്. ഇസ്ലാമിക് അഫയേഴ്സ് ആന്റ് ചാരിറ്റബിള് ആക്ടിവിറ്റീസ് ഡിപ്പാര്ട്ട്മെന്റ് 96.99 ശതമാനം റേറ്റിങ്ങുമായി മൂന്നാം സ്ഥാനത്താണ്. 2024ലെ ജീവനക്കാരുടെ സന്തോഷത്തിന്റെ കാര്യത്തില് 96.2 ശതമാനം റേറ്റിങ്ങുമായി ഔഖാഫ് ദുബൈ രണ്ടാം സ്ഥാനത്തും, 95.3 ശതമാനം റേറ്റിംഗുമായി ജനറല് ഡയറക്ടറേറ്റ് ഓഫ് റസിഡന്സി ആന്റ്് ഫോറിനേഴ്സ് അഫയേഴ്സ് ജിഡിആര്എഫ്എ മൂന്നാം സ്ഥാനത്തും തുടരുന്നു. ദുബൈ ഗവണ്മെന്റ് എക്സലന്സ് പ്രോഗ്രാം വര്ഷം തോറും പുറത്തിറക്കുന്ന റിപ്പോ ര്ട്ട് പ്രകാരം, 93.8 ശതമാനം ദുബൈ ഗവണ്മെന്റിന്റെ ഉപഭോക്താക്കളുടെ ശരാശരി സന്തോഷ സൂചികയാണ്. 86.7 ശതമാനം ദുബൈ ഗവണ്മെന്റ് ജീവനക്കാരുടെ ശരാശരി സന്തോഷ സൂചികയാണെന്നും 95.8 ശതമാനം ശരാശരി ഡെയ്ലി മിസ്റ്ററി ഷോപ്പര് സൂചികയാണെന്നും വെളിപ്പെടുത്തി. 95.8 ശതമാനം ശരാശരി സന്തോഷ സ്കോര് രേഖപ്പെടുത്തിയ 2024 മിസ്റ്ററി ഷോപ്പര് സര്വേ,സേവന കേന്ദ്രങ്ങള്,കോള് സെന്ററുക ള്,വെബ്സൈറ്റുകള്,മൊബൈല് ആപ്ലിക്കേഷനുകള് എന്നിവയുള്പ്പെടെ ഒന്നിലധികം ടച്ച് പോയിന്റുകളിലുടനീളം സര്ക്കാര് സേവനങ്ങളുടെ ഗുണനിലവാരം വിലയിരുത്തുന്നതില് അടിസ്ഥാനപരമായ പങ്കുവഹിച്ചു. പ്രവര്ത്തനങ്ങളും പ്രകടനങ്ങള് ട്രാക്ക് ചെയ്യുകയും താരതമ്യം ചെയ്യുകയും ചെയ്യുന്ന ഒരു നൂതന ഓണ്ലൈന് പ്ലാറ്റ്ഫോം ഉപയോഗിച്ചാണ് ഉപഭോക്തൃ,ജീവനക്കാരുടെ സന്തോഷ സൂചികകള് സമാഹരിച്ചത്.
ദുബൈ ഗവണ്മെന്റ് എക്സലന്സ് പ്രോഗ്രാം ടീമിനോട് ജീവനക്കാരുടെയും ഉപഭോക്തൃ സന്തോഷ പഠനങ്ങളുടെയും സ്ഥാപനപരമായ വിലയിരുത്തലിന്റെ സംയോജനം ഉറപ്പാക്കുന്ന ഒരു സമഗ്ര സംവിധാനം ഉടനടി രൂപകല്പ്പന ചെയ്ത് നടപ്പിലാക്കാന് നിര്ദ്ദേശിച്ചിട്ടുണ്ടെന്നും ദുബൈ കിരീടാവകാശി പറഞ്ഞു. സന്തോഷ സൂചികകളില് ഏറ്റവും ഉയര്ന്ന സ്കോറുകള് നേടിയതിന് മുഹമ്മദ് ബിന് റാഷിദ് ഹൗസിങ് എസ്റ്റാബ്ലിഷ്മെന്റിനെ ശൈഖ് ഹംദാന് അഭിനന്ദിച്ചു. ‘തുടര്ച്ചയായി മൂന്ന് വര്ഷത്തേക്ക് ആദ്യ മൂന്ന് സ്ഥാനങ്ങളില് സ്ഥിരമായി സ്ഥാനം നേടാനുള്ള ടീമിന്റെ കഴിവ്,ജീവനക്കാര്ക്കും ഉപഭോക്താക്ക ള്ക്കും വിലയുണ്ടെന്ന് തോന്നുന്ന അന്തരീക്ഷം വളര്ത്തിയെടുക്കുന്നതിനൊപ്പം ഉയര്ന്ന നിലവാരമുള്ള സേവനങ്ങള് നല്കുന്നതിനുള്ള അതിന്റെ സുസ്ഥിരമായ പ്രതിബദ്ധതയെ പ്രതിഫലിപ്പിക്കുന്നതായും ശൈഖ് ഹംദാന് പറഞ്ഞു. ദീവ,ദുബൈ ഔഖാഫ്,ജിഡിആര്എഫ്എ തുടങ്ങിയ സ്ഥാപനങ്ങളെയും ശൈഖ് ഹംദാന് അഭിനന്ദിച്ചു.
പ്രവാസിക്ക് കണ്ണീരില് കുതിര്ന്ന യാത്രാമൊഴി; യൂസഫിന്റെ മൃതദേഹം നാളെ നാട്ടിലെത്തിക്കും
