ഓര്‍മകളിലെ സ്‌കൂള്‍ ദിനങ്ങള്‍ പങ്കുവെച്ച് ശൈഖ് ഹംദാന്‍
Tue, 26 Aug 2025
അബുദാബി : തൊഴിലാളികള്‍ക്ക് ആശ്വാസമേകാന്‍ യുഎഇയിലെ അഞ്ചു എമിറേറ്റുകളില്‍കൂടി നാളെ മുതല്‍ ആരോഗ്യ ഇന്‍ഷുറന്‍സ് പദ്ധതി പ്രാബല്യത്തില്‍ വരുന്നു. ഷാര്‍ജ,അജ്മാന്‍,ഉമ്മുല്‍ഖുവൈന്‍,റാസല്‍ഖൈമ,ഫുജൈറ എന്നീ എമിറേറ്റുകളിലാണ് നാളെ മുതല്‍ ആരോഗ്യ ഇന്‍ഷുറന്‍സ് നടപ്പാക്കുന്നത്. അബുദാബിയിലാണ് ആദ്യമായി എല്ലാവര്‍ക്കും ആരോഗ്യഇന്‍ഷുറന്‍സ് നിര്‍ബന്ധമാക്കി 2007ല്‍ നിയമം കൊണ്ടുവന്നത്. തുടര്‍ന്ന് 2016ല്‍ ദുബൈയിലും നിര്‍ബന്ധമാക്കി. യുഎഇയില്‍ അവശേഷിക്കുന്ന അഞ്ച് എമിറേറ്റുകളിലാണ് നാളെ മുതല്‍ ആരോഗ്യ പരിരക്ഷാ ഇന്‍ഷുറന്‍സ് ആരംഭിക്കുന്നത്.
യുഎഇയിലുടനീളമുള്ള സ്വകാര്യ മേഖലയിലെ ജീവനക്കാര്‍ക്കും വീട്ടുജോലിക്കാര്‍ക്കും ആരോഗ്യ ഇന്‍ഷുറന്‍സ് നിര്‍ബന്ധമാക്കി മാനവ വിഭവശേഷി,എമിററ്റൈസേഷന്‍ മന്ത്രാലയമാണ് ഈയിടെ ഉത്തരവിറക്കിയത്. യുഎഇ മന്ത്രിസഭ അംഗീകരിച്ച ആരോഗ്യ ഇന്‍ഷുറന്‍സ് നിലവില്‍ ഇന്‍ഷുറന്‍സ് പരിരക്ഷയില്ലാത്ത യുഎഇയിലെ സ്വകാര്യ മേഖലയിലെ ജീവനക്കാര്‍ക്കും ഗാര്‍ഹിക തൊഴിലാളികള്‍ക്കുമാണ് നാളെ മുതല്‍ നിര്‍ബന്ധമാക്കിയട്ടുള്ളത്. ഫെഡറല്‍ അതോറിറ്റി ഫോര്‍ ഐഡന്റിറ്റി,സിറ്റിസണ്‍ഷിപ്പ്,കസ്റ്റംസ്,പോര്‍ട്ട് സെക്യൂരിറ്റി,ആരോഗ്യ-പ്രതിരോധ മന്ത്രാലയം എന്നിവയുടെ സഹകരണത്തോടെ നിരവധി ഇന്‍ഷുറന്‍സ് കമ്പനികളെ ഏകോപിപ്പിച്ചാണ് ആരോഗ്യ ഇന്‍ഷുറന്‍സ് ആരംഭിക്കുന്നത്. അഞ്ച് എമിറേറ്റുകളിലെ പ്രവാസി തൊഴിലാളികള്‍ക്ക് പുതുവര്‍ഷത്തില്‍ കിട്ടുന്ന സമ്മാനമാണ് ആരോഗ്യ ഇന്‍ഷുറന്‍സ് പരിരക്ഷ.
പുതിയ വിസ ലഭിക്കുന്നതിനും നിലവിലുള്ള വിസ പുതുക്കുന്നതിനും ഇന്‍ഷുറന്‍സ് നിര്‍ബന്ധമാണെന്ന് ലേബര്‍ മാര്‍ക്കറ്റ് ആന്റ് എമിററ്റൈസേഷന്‍ ഓപ്പറേഷന്‍സ് അണ്ടര്‍ സെക്രട്ടറി ഖലീല്‍ അല്‍ഖൂരി പറഞ്ഞു: ‘തൊഴില്‍ മേഖലയിലെ എല്ലാ തൊഴിലാളികള്‍ക്കും ആരോഗ്യ സംരക്ഷണ സംവിധാനം നടപ്പാക്കുന്നതിനുള്ള യുഎഇയുടെ പ്രതിബദ്ധതയാണ് ആരോഗ്യ ഇന്‍ഷുറന്‍സ് സ്‌കീമിലൂടെ നടപ്പാക്കുന്നത്. തൊഴിലാളികള്‍ക്ക് മെച്ചപ്പെട്ട ആരോഗ്യസംവിധാനവും ചികിത്സയും ഉറപ്പുവരുത്തുകയെന്ന ലക്ഷ്യത്തോടെയാണ് പുതിയ പദ്ധതി നടപ്പാക്കുന്നത്. ചികിത്സയുമായി ബന്ധപ്പെട്ട സാമ്പത്തിക ചെലവുകള്‍ കുറക്കുന്നതിനും ഇത് സഹായകമാകും.
ആരോഗ്യ ഇന്‍ഷുറന്‍സ് പ്രവാസികള്‍ക്ക് വലിയ ആശ്വാസമാണ് നല്‍കുന്നത്. പലരും രോഗം വ ന്നാലും സാമ്പത്തിക പ്രയാസംമൂലം ചികിത്സ തേടാത്ത അവസ്ഥ നിലനില്‍ക്കുന്നുണ്ട്. ആരോഗ്യ ഇന്‍ഷുറന്‍സ് പ്രാബല്യത്തില്‍ വരുന്നതോടെ എത്രയും വേഗം ചികിത്സ ലഭിക്കാനും രോഗമുക്തി നേടാനും കഴിയുമെന്നത് പ്രവാസികളെ വിശിഷ്യാ ചെറിയ വേതനത്തിന് ജോലി ചെയ്യുന്നവര്‍ക്ക് വലിയ ആശ്വാസമായി മാറും. ആരോഗ്യ ഇന്‍ഷുറന്‍സ് പരിരക്ഷക്ക് നിശ്ചിത മാനദണ്ഡങ്ങളുണ്ടെങ്കിലും രോഗിയായാല്‍ ചികിത്സ തേടുമെന്നതില്‍ സംശയമില്ല. പലരും ഡോക്ടറെ കാണാതെയും രോഗ നിര്‍ണയം നടത്താതെയും മരുന്നു വാങ്ങിക്കഴിക്കുന്ന അവസ്ഥയുമുണ്ട്. പല മരുന്നുകളും ലഭിക്കുന്നതിന് കര്‍ശനമായ നിബന്ധനകളുണ്ടെങ്കിലും സാധാരണ മരുന്നുകള്‍ വാങ്ങി കഴിക്കുന്നവര്‍ ഏറെയാണ്. ഇന്‍ഷുറന്‍സ് ലഭിക്കുന്നതോടെ തുടക്കത്തില്‍ തന്നെ മെച്ചപ്പെട്ട ചികിത്സ ലഭ്യമാക്കാന്‍ സാധിക്കും.
പ്രീമയവും ആനുകൂല്യങ്ങളും
സ്വകാര്യ മേഖലയിലെ തൊഴിലാളികളെയും വീട്ടുജോലിക്കാരെയും ലക്ഷ്യമിട്ട് പുതുതായി അവതരിപ്പിച്ച ഇന്‍ഷുറന്‍സ് പാക്കേജ് ദുബൈ കെയര്‍ നെറ്റ്വര്‍ക്കിലൂടെ ലഭ്യമാണ്. തൊഴില്‍ ദാതാക്കള്‍ തങ്ങളുടെ തൊഴിലാളികള്‍ക്ക് ചുരുങ്ങിയ ചെലവില്‍ നല്‍കുന്ന ആനുകൂല്യമാണിത്. മാത്രമല്ല, തങ്ങളുടെ തൊഴിലാളികള്‍ക്കുവേണ്ടി വഹിക്കാവുന്ന ചികിത്സാ ചെലവുകളേക്കാള്‍ ഈ തുക വളരെ കുറവാണെന്ന് മന്ത്രാലയം തന്നെ വ്യക്തമാക്കുന്നുണ്ട്. ഇന്‍ഷുറന്‍സ് പോളിസിക്ക് രണ്ടുവര്‍ഷത്തെ കാലാവധിയുണ്ടായിരിക്കും. ഇടയ്ക്ക് വിസ റദ്ദാക്കി യാല്‍ രണ്ടാം വര്‍ഷ പ്രീമിയം തുക തിരികെ ലഭിക്കും. അടിസ്ഥാന ഇന്‍ഷുറന്‍സ് പാക്കേജിന് പ്രതിവര്‍ഷം 320 ദിര്‍ഹമാണ് ഈടാക്കുക. ഒരു വയസ് മുതല്‍ 64 വയസ് വരെ പ്രായമുള്ളവരെ ഇതില്‍ ഉള്‍ പ്പെടുത്തിയിട്ടുണ്ട്. എന്നാല്‍ തങ്ങളുടെ നിലവിലുള്ള രോഗവിവരങ്ങളെക്കുറിച്ച് പ്രത്യേകം ഫോറത്തില്‍ പൂരിപ്പിച്ചു അനുബന്ധ മെഡിക്കല്‍ റിപ്പോര്‍ട്ടും നല്‍കേണ്ടതാണ്. കിടത്തിചികിത്സക്ക് 20 ശതമാനം തുക കോ പെയിമെന്റ് നടത്തേണ്ടതാണ്. ഔട്ട്പേഷ്യന്റ്,ഡയഗ്നോസ്റ്റിക് പരിശോധനകള്‍ അല്ലെങ്കില്‍ ആശുപത്രിയിലെ ചെറിയ നടപടിക്രമങ്ങള്‍ ആവശ്യമുള്ള രോഗികള്‍ എന്നിവര്‍ കോ-പേയ്മെന്റ് 25ശതമാനം നല്‍കണം. ഏഴുദിവസത്തിനകമുള്ള രണ്ടാം സന്ദര്‍ശനത്തിന് വീണ്ടും കോ പെയ്‌മെന്റ് നല്‍കേണ്ടതില്ല. മരുന്നുകള്‍ക്ക് 30ശതമാനം പണം നല്‍കണം. മരുന്നുകളുടെ വാര്‍ഷിക പരിധി 1500 ദിര്‍ഹമായിരിക്കും. ഏഴ് ആശുപത്രികളും 46 ക്ലിനിക്കുകളും മെഡിക്കല്‍ സെന്ററുകളും 45 ഫാര്‍മസികളുമാണ് ഇതില്‍ പങ്കാളികളാകുന്നത്. തൊഴിലാളിയുടെ കുടുംബത്തില്‍നിന്നുള്ള ആശ്രിതരെ ഇന്‍ഷുറന്‍സ് പോളിസിയില്‍ വ്യക്തമാക്കിയിട്ടുള്ള അതേ ആനുകൂല്യങ്ങള്‍ ലഭിക്കുന്നതിന് അധികം പണം നല്‍കി ചേര്‍ക്കാന്‍ ക ഴിയുമെന്നതും ആശ്വാസകരമാണ്. നാളെ മുതല്‍ തൊഴിലുടമകള്‍ക്ക് പുതിയ ഇന്‍ഷുറന്‍സ് പാക്കേജ് ദുബൈ കെയര്‍ നെറ്റ്വര്‍ക്ക് വഴിയോ അംഗീകൃത ഇന്‍ഷുറന്‍സ് കമ്പനികളില്‍ നിന്ന് ഇന്‍ഷുറന്‍സ് പൂള്‍ വെബ്സൈറ്റും സ്മാര്‍ട്ട് ആപ്ലിക്കേഷനും വഴിയോ പോളിസി എടുക്കാം.
പ്രായംചെന്ന പ്രവാസികള്‍ക്ക് ആശ്വാസം
പുതിയ ആരോഗ്യ ഇന്‍ഷുറന്‍സ് പദ്ധതിയില്‍ 64 വയസുവരെയുള്ളവര്‍ക്ക് ആനുകൂ ല്യം ലഭിക്കുമെന്നത് പ്രായംചെന്ന പ്രവാസികള്‍ക്ക് നല്‍കുന്ന ആശ്വാസം ചെറുതല്ല. നിലവില്‍ അബുദാബിയില്‍ 60 വയസിനുമുകളിലുള്ളവര്‍ ഉയര്‍ന്ന പ്രീമിയം നല്‍കണമെന്നതാണ് വ്യവസ്ഥ. എന്നാല്‍ ഷാര്‍ജ,അജ്മാന്‍,ഉമ്മുല്‍ഖുവൈന്‍,റാസല്‍ഖൈമ, ഫുജൈറ എന്നീ അഞ്ചു എമിറേറ്റുകളിലുള്ളവര്‍ക്ക് വേണ്ടി ആരംഭിക്കുന്ന ഇന്‍ഷുറന്‍സ് പരിരക്ഷ 64 വയസുവരെയുള്ളവര്‍ക്ക് വരെ അധികം പണം നല്‍കാതെ ലഭിക്കും.
