അബുദാബി ചേംബര് ഡയറക്ടറായി എം.എ. യൂസഫലിയെ വീണ്ടും നിയമിച്ചു
Fri, 06 Feb 2026
ദോഹ : കെഎംസിസി ഖത്തര് മലപ്പുറം ജില്ലാ കമ്മിറ്റിക്ക് കീഴില് നടക്കുന്ന ‘അകം’ കാമ്പയിനിന്റെ ഭാഗമായുള്ള തിരൂരങ്ങാടി മണ്ഡലം സമ്മേളനം തുമാമ കെഎംസിസി ഓഫീസില് സമാപിച്ചു. മണ്ഡലം പ്രസിഡന്റ് സൈനുദ്ദീന് ചെമ്മഞ്ചേരി അധ്യക്ഷനായി. ഖത്തര് കെഎംസിസി സംസ്ഥാന ജനറല് സെക്രട്ടറി സലിം നാലകത്ത് ഉദ്ഘാടനം ചെയ്തു. വൈദേശിക ആധിപത്യത്തെ വെല്ലുവിളിച്ച തിരൂരങ്ങാടിയുടെ ചരിത്രം ഓര്മപ്പെടുത്തിയ അദ്ദേഹം മത,സാമൂഹിക,സാംസ്കാരിക രംഗങ്ങളില് തിരൂരങ്ങാടി വേറിട്ടുനില്ക്കുന്ന മണ്ണാണെന്നും അഭിപ്രായപ്പെട്ടു.
മലപ്പുറം ജില്ലാ കെഎംസിസി പ്രസിഡന്റ് സവാദ് വെളിയങ്കോട്,ജില്ലാ സെക്രട്ടറി ഷംസീര് മാനു പ്രസംഗിച്ചു. കോഴിക്കോട് ജില്ലാ ജനറല് സെക്രട്ടറി അത്തീഖ് റഹ്മാന് ‘സമൂഹം,സംസ്കാരം,ആദര്ശം’ പ്രമേയ പ്രഭാഷണം നടത്തി. വര്ത്തമാന സാഹചര്യത്തില് മുസ്്ലിംലീഗിന്റെ പ്രസക്തിയും സമുദായ ഐക്യത്തിന്റെ അനിവാര്യതയും അദ്ദേഹം ബോധ്യപ്പെടുത്തി. ജില്ലാ എസ്എസ്പി കണ്വീനര് അനസ് വേങ്ങര ഖത്തര് കെഎംസിസി സ്നേഹ സുരക്ഷാ പദ്ധതിയെ കുറിച്ച് വിശദീകരിച്ചു.
ഖത്തറില് 30 വര്ഷം പ്രവാസജീവിതം പൂര്ത്തീകരിച്ച മണ്ഡലത്തിലെ 32 കെഎംസിസി മെമ്പര്മാരെ ആദരിച്ചു. എസ്എസ്പി സീറോ ബാലന്സ് ആക്കിയ മണ്ഡലത്തിലെ പഞ്ചായത്ത്,മുനിസിപ്പാലിറ്റികളില് നിന്നുള്ള ഓരോരുത്തര്ക്ക് വീതം നറുക്കെടുപ്പിലൂടെ സമ്മാനം നല്കി. അയ്യൂബ് തൂമ്പത്ത് ഷംസീര് യുകെ നറുക്കെടുപ്പിന് നേതൃത്വം നല്കി.
സിദ്ദീഖ് വാഴക്കാട്,അലി മൊറയൂര്,അക്ബര് വെങ്ങശ്ശേരി, റഫീഖ് കൊണ്ടോട്ടി,സൈനുദ്ദീന് തങ്ങള്,ജലീല് മാസ്റ്റര് ഒഴൂര്,ജില്ലാ നേതാക്കള് പങ്കെടുത്തു. സ്വാലിഹ് വാഫി,റിയാസ് പി,ഹസീബ് ടികെ,സലീം പിടി നേതൃത്വം നല്കി. മണ്ഡലം ജനറല് സെക്രട്ടറി അഹമ്മദ് സലീം ഏലായി സ്വാഗതവും ജംഷീര് പുതുപ്പറക്കാട്ട് നന്ദിയും പറഞ്ഞു.
