അബുദാബിയില്‍ ഗര്‍ഭിണി ചികിത്സക്കിടെ മരണപ്പെട്ടു
Tue, 26 Aug 2025
റിയാദ് : ആത്മവിശ്വാസം ആര്‍ജിച്ചെടുത്താല്‍ മാത്രമേ ജീവിതം കൂടുതല്‍ ആരോഗ്യകരമാക്കാന്‍ കഴിയുകയുളളൂവെന്ന് സൈക്കോളജിസ്റ്റും ലൈഫ് കോച്ചുമായ സുഷ്മ ഷാന്‍ പറഞ്ഞു. റിയാദ് ഇന്ത്യന്‍ മീഡിയാ ഫോറം (റിംഫ്) സംഘടിപ്പിച്ച ‘ആരോഗ്യം: മനസ്,ശരീരം,സമൂഹം’ ബോധവത്ക്കരണ പരിപാടിയില്‍ സംസാരിക്കുകയായിരുന്നു. പ്രമേഹം,മൈഗ്രേന്‍,ആര്‍ത്രൈറ്റിസ് തുടങ്ങിയ ആരോഗ്യ പ്രശ്‌നങ്ങള്‍ മനസുമായി ബന്ധപ്പെട്ടതാണെന്ന് അംഗീകരിക്കാനാവില്ല.
എന്നാല്‍ ഇതുള്‍പ്പെടെ പല രോഗങ്ങള്‍ക്കും മാനസികാരോഗ്യം കാരണമാകുന്നുണ്ടെന്നു ശാസ്ത്രീയ പഠനങ്ങള്‍ തെളിയിച്ചിട്ടുണ്ട്. അതുകൊണ്ടാണ് ഒരേ സമയം കോവിഡ് പിടിപെട്ട പത്തുപേര്‍ക്ക് പല തരത്തില്‍ രോഗം പ്രതിഫലിക്കാന്‍ കാരണമെന്നും സുഷ്മ ഷാന്‍ പറഞ്ഞു.അല്‍ റയാന്‍ ഇന്റര്‍നാഷണല്‍ ക്ലിനിക്കിലെ ഡോ. തസ്‌ലിം ആരിഫ് ഉദ്ഘാടനം ചെയ്തു. പ്രവാസികളുടെ ജീവിത ശൈലിയും സ്വയം ചികിത്സയുമാണ് പ്രമേഹം ഉള്‍പ്പെടെയുളള രോഗങ്ങള്‍ നിയന്ത്രിക്കാന്‍ കഴിയാത്ത സാഹചര്യം സൃഷ്ടിക്കുന്നതെന്ന് അദ്ദേഹം പറഞ്ഞു.
റിംഫ് പ്രസിഡന്റ് നസ്‌റുദ്ദീന്‍ വിജെ അധ്യക്ഷനായി. ഹെല്‍ത്തി സലാഡ് തയ്യാറാക്കുന്ന വിധം ഷാദിയ ഷാജഹാന്‍ വിവരിച്ചു. ദൈനംദിന ജീവിതത്തില്‍ അനുവര്‍ത്തിക്കേണ്ട ലളിത വ്യായാമങ്ങളുടെ പ്രകടനം ഫിറ്റ്‌നസ് ട്രെയിനര്‍ ഷാനവാസ് ഹാരിസ് അവതരിപ്പിച്ചു. മാനസിക സമ്മര്‍ദം കുറക്കാന്‍ വ്യായാമം സഹായിച്ചതിന്റെ അനുഭവം സിറ്റി ഫഌവര്‍ ഡയരക്ടര്‍ ഇകെ റഹിം പങ്കുവച്ചു. പരിപാടിയില്‍ പങ്കെടുത്തവര്‍ക്ക് ബത്ഹയിലെ എക്‌സ്ട്രീം ഫിറ്റ്‌നസ് സെന്റര്‍ 10 ദിവസം സൗജന്യ പരിശീലനം നല്‍കും. ഇതിനുപുറമെ തിരഞ്ഞെടുത്ത നാലു പേര്‍ക്ക് സൗജന്യ അംഗത്വവും സമ്മാനവും നല്‍കി.
രക്ഷാധികാരി നജിം കൊച്ചുകലുങ്ക്,വെല്‍ഫെയര്‍ കണ്‍വീനര്‍ ജയന്‍ കൊടുങ്ങല്ലൂര്‍ പ്രസംഗിച്ചു. ജനറല്‍ സെക്രട്ടറി ഷംനാദ് കരുനാഗപ്പളളി സ്വാഗതവും സെക്രട്ടറി നാദിര്‍ഷാ റഹ്മാന്‍ നന്ദിയും പറഞ്ഞു. ജലീല്‍ ആലപ്പുഴ,ഷിബു ഉസ്മാന്‍,സുലൈമാന്‍ ഊരകം,മുജീബ് താഴത്തേതില്‍ നേതൃത്വം നല്‍കി.
