വോട്ടര്‍ പട്ടിക: ആധാറും പരിഗണിക്കേണ്ടിവരുമെന്ന് സുപ്രീം കോടതി
Fri, 22 Aug 2025
റിയാദ്: ഉംറ ബസ് ഡ്രൈവര്‍ യാത്രക്കിടെ കുഴഞ്ഞു വീണു മരിച്ചു. റിയാദിലെ വാദിനൂര്‍ ഉംറ ഗ്രൂപ്പിന്റെ ബസ് ഡ്രൈവര്‍ തിരുവമ്പാടി നസീമാണ്(50) മരിച്ചത്. ഡ്രൈവ് ചെയ്തു കൊണ്ടിരിക്കെ അവശത നേരിട്ട ഡ്രൈവര്‍ക്ക് വാഹനത്തിന്റെ നിയന്ത്രണം നഷ്ട്ടപ്പെടുന്നത് കണ്ട സഹ ഡ്രൈവറുടെ സമയോചിത ഇടപെടലാണ് വലിയൊരു ദുരന്തം ഒഴിവാക്കിയത്. ഉംറയും മദീന സന്ദര്‍ശനവും കഴിഞ്ഞ് ബുധനാഴ്ച റിയാദിലേക്ക് മടങ്ങി വരുമ്പോള്‍ 560 കിലോമീറ്റര്‍ അകലെ ഉഖ്‌ലതുസ്സുഖൂറില്‍ വെച്ച് ഉച്ചയോടെയാണ് സംഭവം. നാല്‍പതിലധികം ഉംറ തീര്‍ത്ഥാടകരുമായി കഴിഞ്ഞ ദിവസം റിയാദില്‍ നിന്നും പുറപ്പെട്ട ബസിലാണ് മടക്കയാത്രക്കിടെ ഡ്രൈവര്‍ക്ക് ശാരീരിക അസ്വാസ്ഥ്യം അനുഭവപ്പെട്ടത്. സാഹചര്യം തിരിച്ചറിഞ്ഞ സഹഡ്രൈവര്‍ ഉടനെ തന്നെ സാഹസികമായി നസീമിനെ ഡ്രൈവര്‍ സീറ്റില്‍ നിന്നും മാറ്റി വാഹനത്തിന്റെ നിയന്ത്രണം ഏറ്റെടുക്കുകയായിരുന്നു. ബസ് സൈഡിലേക്ക് മാറ്റി നിര്‍ത്തിയതിന് ശേഷം ഉടനെ തന്നെ ഡ്രൈവറെ ഉഖതുസ്സുഖൂര്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മൃതദേഹം ഉഖതുസ്സുഖൂര്‍ ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്.
