ചെറിയ അപകടങ്ങളില്‍ വാഹനം ഉടന്‍ മാറ്റിയില്ലെങ്കില്‍ 1000 ദിര്‍ഹം പിഴ
Tue, 06 May 2025
അബുദാബി: ലോകത്തെ എല്ലാ മനുഷ്യരെയും സ്‌നേഹത്തിന്റെ സവിശേഷ കണ്ണിലൂടെ നോക്കിക്കണ്ട വിശുദ്ധ നേതൃത്വമായിരുന്നു ഫ്രാന്‍സിസ് മാര്‍പാപ്പയെന്നും അദ്ദേഹത്തിന്റെ വിയോഗത്തിലൂടെ ലോക ജനതയ്ക്ക് സമാധാന നായകനെയാണ് നഷ്ടമായതെന്നും അബുദാബി കെഎംസിസി പ്രസിഡന്റ് ഷുക്കൂറലി കല്ലുങ്ങല്‍,ജനറല്‍ സെക്രട്ടറി സിഎച്ച് യൂസുഫ് മാട്ടൂല്‍,ട്രഷറര്‍ പികെ അഹമ്മദ് ബല്ലാകടപ്പുറം എന്നിവര്‍ അനുശോചന സന്ദേശത്തില്‍ പറഞ്ഞു. വത്തിക്കാനിലെ തന്റെ ശ്രേഷ്ഠ പദവിയിലൂടെ കാരുണ്യവും കരുതലുമാണ് അദ്ദേഹം ലോകത്തിനു പകര്‍ന്നുനല്‍കിയത്. അധികാരത്തിന്റെയും അധീശത്വത്തിന്റെയും പേരില്‍ രക്തച്ചൊരിച്ചിലുകള്‍ നടക്കുന്ന കാലത്ത് അരുതെന്നു സ്‌നേഹത്തോടെ പറയാന്‍ ലോകത്തിന് ഒരു മാര്‍പാപ്പയുണ്ടായിരുന്നു. ഇന്നലെ ആ വിളക്കണഞ്ഞതോടെ ക്രൈസ്തവ സമൂഹം മാത്രമല്ല,സമാധാന ലോകവും ഒരു പകരക്കാരനു വേണ്ടി കാത്തിരിക്കുകയാണെന്നും മാര്‍പാപ്പ കൊളുത്തിവച്ച സ്‌നേഹ വിളക്ക് എന്നും അണയാതെ ജ്വലിച്ചുനില്‍ക്കുമെന്നും നേതാക്കള്‍ അനുസ്മരിച്ചു.
