അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Mon, 12 Jan 2026
എഐ വീക്കില് ശൈഖ് ഹംദാനാണ് അക്കാദമി ഉദ്ഘാടനം ചെയ്തത്
ദുബൈ: ആര്ട്ടിഫിഷ്യല് ഇന്റലിജന്സ് (എഐ) വിദ്യാഭ്യാസം മുഖ്യധാരയിലേക്ക് കൊണ്ടുവരുന്നതിനും യുഎഇ സമ്പദ്വ്യവസ്ഥയുടെ സുപ്രധാന മേഖലകളില് എഐ സാന്നിധ്യം ശക്തമാക്കുന്നതിനും സഹായകമാകുന്ന എഐ അക്കാദമിക്ക് ദുബൈയില് തുടക്കം കുറിച്ചു. യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബായ് കിരീടാവകാശിയും ഫ്യൂച്ചര് ഫൗണ്ടേഷന് ബോര്ഡ് ഓഫ് ട്രസ്റ്റീസ് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം എഐ അക്കാദമി ഉദ്ഘാടനം ചെയ്തു. ശൈഖ് ഹംദാന്റെ നേതൃത്വത്തിലുള്ള ദുബൈ ഫ്യൂച്ചര് ഫൗണ്ടേഷന്റെ സംരംഭമായ ദുബൈ സെന്റര് ഫോര് ആര്ട്ടിഫിഷ്യല് ഇന്റലിജന്സ് (ഡിസിഎഐ) 21 മുതല് 25 വരെ എമിറേറ്റ്സ് ടവേഴ്സ് 2071ലെ മ്യൂസിയം ഓഫ് ദി ഫ്യൂച്ചറിലും ദുബൈയിലെ വ്യത്യസ ഇടങ്ങളിലുമായി സംഘടിപ്പിച്ച ദുബൈ എഐ വീക്കിന്റെ സമാപനത്തിലാണ് അക്കാദമി രാജ്യത്തിന് സമര്പിച്ചത്.
‘കൃത്രിമ ബുദ്ധിയുടെ ഭാവിയെ നയിക്കാന് ആഗ്രഹിക്കുന്നവര്ക്ക് ദുബൈ തിരഞ്ഞെടുക്കാവുന്ന ഇടമാണെന്നും എഐയുടെ വാഗ്ദാനവും വൈവിധ്യപൂര്ണവുമായ പ്രയോഗങ്ങളും സര്ക്കാര്,വിദ്യാഭ്യാസം,സമൂഹം എന്നിവയിലുടനീളം സാമ്പത്തിക വളര്ച്ച ത്വരിതപ്പെടുത്തുന്നതിനും പുരോഗതി കൈവരിക്കുന്നതിനും അത് വാഗ്ദാനം അവസരങ്ങളൊരുക്കുമെന്നും ശൈഖ് ഹംദാന് പറഞ്ഞു. ഇത്തരം ഫലപ്രദവുമായ സംരംഭങ്ങളെ തങ്ങള് തുടര്ന്നും പിന്തുണയ്ക്കുമെന്നും ശൈഖ് ഹംദാന് ബിന് മുഹമ്മദ് പറഞ്ഞു.
ഡിഐഎഫ്സി ഇന്നൊവേഷന് ഹബ്ബില് മേഖലയിലെ ഏറ്റവും വലിയ എഐ നൂതന സാങ്കേതിക കമ്പനികളുടെ ക്ലസ്റ്ററായ ദുബൈ എഐ കാമ്പസിന്റെ ഭാഗമാണ് എഐ അക്കാദമി. 10,000 വളര്ന്നുവരുന്ന പരിചയസമ്പന്നരായ പ്രതിഭകളെ ബോധവത്കരിക്കുക,എഐ പരിശീലനത്തിന്റെയും സര്ട്ടിഫിക്കേഷന് പ്രോഗ്രാമുകളുടെയും മുന്നിര ദാതാവായി സ്വയം ഇടമൊരുക്കുക എന്നിവയാണ് സംരംഭത്തിന്റെ ലക്ഷ്യം.ഓക്സ്ഫോര്ഡ് യൂണിവേഴ്സിറ്റിയിലെ സായിദ് ബിസിനസ് സ്കൂള്,ഉഡാസിറ്റി,മിനര്വ പ്രോജക്റ്റ് എന്നിവയുള്പ്പെടെ ആഗോളതലത്തില് പ്രശസ്തരായ അക്കാദമിക് സ്ഥാപനങ്ങളുമായി അക്കാദമി സഹകരിക്കും, എഐ പ്രാപ്തമാക്കിയ ലോകത്ത് നയിക്കാന് ആവശ്യമായ കഴിവുകള് പങ്കാളികള്ക്ക് നല്കുന്ന പ്രത്യേക പ്രോഗ്രാമുകളും ഇതിന്റെ ഭാഗമായി കൈമാറ്റം ചെയ്യും. സര്ക്കാര് ജീവനക്കാരെ ലക്ഷ്യം വച്ചുള്ള ‘സിവില് സര്വീസിനുള്ള എഐ,സങ്കീര്ണമായ, സാങ്കേതിക വിദ്യാധിഷ്ഠിത പരിതസ്ഥിതികളില് തന്ത്രപരമായ തീരുമാനമെടുക്കല്,ധാര്മികത, പൊരുത്തപ്പെടുത്തല് എന്നിവയില് ശ്രദ്ധ കേന്ദ്രീകരിച്ചുള്ള എഐ ‘കാലഘട്ടത്തിലെ നേതൃത്വം’ എന്നിവ പ്രാരംഭ ഓഫറുകളില് ഉള്പ്പെടും.
