യുഎഇയിലേക്ക് മരുന്നുമായി വരുന്നവര്‍ സൂക്ഷിക്കുക..
Tue, 06 May 2025
ഡിജിറ്റല്‍ സംഭരണ സംവിധാനങ്ങള്‍ക്കായി ലുലുവിന്റെ പുതിയ ഇ കൊമേഴ്‌സ് പ്ലാറ്റ്‌ഫോമാണിത്
ദുബൈ: യുഎഇയിലെ 28 മന്ത്രാലയങ്ങളുമായി ഡിജിറ്റല്‍ സംഭരണ സഹകരണത്തിനുള്ള കരാറില്‍ ലുലു ഒപ്പുവച്ച് ലുലു ഹോള്‍ഡിങ്‌സ്. സര്‍ക്കാരിന്റെ ഡിജിറ്റല്‍ സംഭരണ സിസ്റ്റം പഞ്ച്ഔട്ട് പ്ലാറ്റ്‌ഫോമുമായി ചേര്‍ന്ന് ലുലുവിന്റെ പുതിയ ഇ കൊമേഴ്‌സ് പ്ലാറ്റ്‌ഫോം LuluOn പ്രവര്‍ത്തിക്കും. യുഎഇ ധനകാര്യ സഹമന്ത്രി മുഹമ്മദ് ബിന്‍ ഹാദി അല്‍ ഹുസൈനി ലുലു ഗ്രൂപ്പ് ചെയര്‍മാന്‍ എംഎ യൂസഫലി എന്നിവരുടെ സാന്നിധ്യത്തില്‍ യുഎഇ ഫിനാന്‍ഷ്യല്‍ മാനേജ്‌മെന്റ് സെക്ടര്‍ അണ്ടര്‍ സെക്രട്ടറി മറിയം മുഹമ്മദ് അല്‍ അമീരി ലുലു ഗ്ലോബല്‍ ഓപ്പറേഷന്‍സ് ഡയരക്ടര്‍ സലിം എംഎ എന്നിവര്‍ ഇതുസംബന്ധിച്ച് ധാരണാപത്രത്തില്‍ ഒപ്പുവച്ചു.
ബി ടു ബി ബിസിനസ് ഇ കൊമേഴ്‌സ് പ്ലാറ്റ്‌ഫോമാണ് LuluOn സര്‍ക്കാരിന്റെ ഇ കൊമേഴ്‌സ് പ്ലാറ്റ്‌ഫോമായ പഞ്ച് ഔട്ട് സംഭരണ സംവിധാനത്തില്‍ സ്ട്രീംലൈന്‍ ചെയ്തുതന്നെ ലുലുവിന്റെ ഇ കൊമേഴ്‌സ് പ്ലാറ്റ്‌ഫോമില്‍ നിന്ന് എളുപ്പത്തില്‍ ഓര്‍ഡര്‍ ചെയ്യാനാകും. സ്‌പ്ലൈയര്‍ ഇടപാടുകളും സര്‍ക്കാര്‍ സംവിധാനങ്ങളുടെ സംഭരണ പ്രവര്‍ത്തനം കൂടുതല്‍ സുതാര്യമാക്കുക എന്ന സര്‍ക്കാര്‍ ലക്ഷ്യത്തിന് കരുത്ത് പകരുന്നത് കൂടിയാണ് ലുലുഓണ്‍ പ്ലാറ്റ്‌ഫോം.
യുഎഇയുടെ സാമ്പത്തിക വികസനത്തില്‍ സ്വകാര്യ സ്ഥാപനങ്ങളുടെ മികച്ച പങ്കാളിത്വം വര്‍ധിപ്പിക്കുന്നതിന്റെ ഭാഗമായി കൂടിയാണ് ശക്തവും സുതാര്യവുമായ ഫിനാന്‍ഷ്യല്‍ സിസ്റ്റം ഉറപ്പാക്കുന്നതിന് കരുത്ത് പകരുന്നതാണ് ലുലുവുമായുള്ള സഹകരണമെന്ന് യുഎഇ മന്ത്രി മുഹമ്മദ് ബിന്‍ ഹാദി അല്‍ ഹുസൈനി പറഞ്ഞു.
സര്‍ക്കാര്‍-സ്വകാര്യ പങ്കാളിത്തം യുഎഇയുടെ വികസനത്തിന് കരുത്തേകുമെന്നും യുഎഇ മന്ത്രാലയങ്ങളുമായി സഹകരിക്കുന്നതില്‍ ഏറെ അഭിമാനമുണ്ടെന്നും ലുലു ഗ്രൂപ്പ് ചെയര്‍മാന്‍ എംഎ യൂസഫലി വ്യക്തമാക്കി.
ഫുഡ് ഗ്രോസറി,ഇലക്ട്രോണിക്‌സ്,അക്‌സസറീസ്, ഓഫീസ് ഉപകരണങ്ങള്‍ അടക്കം ലുലുവിന്റെ വൈവിധ്യമാര്‍ന്ന ഉത്പന്നങ്ങള്‍ ഏറ്റവും മികച്ച നിരക്കിലാണ് ‘ലുലുഓണ്‍’ പ്ലാറ്റ്‌ഫോമില്‍ യുഎഇ മന്ത്രാലയങ്ങള്‍ക്കായി ഉറപ്പാക്കിയിരിക്കുന്നത്. യുഎഇ മന്ത്രാലയങ്ങളിലെ പ്രതിനിധികള്‍ക്കും ജീവനകാര്‍ക്ക് മികച്ച നിരക്കില്‍ ആഗോള ഉത്പന്നങ്ങള്‍ ഓര്‍ഡര്‍ ചെയ്യാനാകും. ഓര്‍ഡര്‍ ചെയ്താല്‍ എത്രയും വേഗം പ്രൊഡക്ടുകള്‍ ഡെലിവര്‍ ചെയ്യും. 35 വിഭാഗങ്ങളിലായി ഒന്നേകാല്‍ ലക്ഷത്തോളം ഉത്പന്നങ്ങള്‍ ലുലുഓണ്‍ പ്ലാറ്റ്‌ഫോമിലൂടെ ഓര്‍ഡര്‍ചെയ്യാനാകും.
