നാഷണല്‍ കെഎംസിസി കരിയര്‍ ഫസ്റ്റ് ഒരുക്കുന്നു; അക്കാദമിക് മേഖലകളില്‍ തൊഴില്‍ തേടുന്നവര്‍ക്ക് അവസരം
Thu, 21 Aug 2025
റിയാദ്: ‘സ്വത്വം,സമന്വയം,അതിജീവനം’ പ്രമേയത്തില്‍ റിയാദ് മലപ്പുറം ജില്ലാ കെഎംസിസി സംഘടിപ്പിക്കുന്ന ‘ദ വോയേജ്’ സംഘടനാ ശക്തീകരണ കാമ്പയിനിന്റെ ഭാഗമായി ‘കാലിഫ്’ കലയുടെ കാഴ്ചകള്‍ എന്ന ശീര്‍ഷകത്തില്‍ മാപ്പിള കലോത്സവം സംഘടിപ്പിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഇന്ന് ഉദ്ഘാടനം ചെയ്യുന്ന കലോത്സവം മൂന്ന് മാസം നീണ്ടുനില്‍ക്കും. മലപ്പുറത്തിന്റെ വൈവിധ്യങ്ങളെ അനാവരണം ചെയ്യുന്ന ലിറ്ററേച്ചര്‍ ആന്റ് കള്‍ച്ചറല്‍ ഫെസ്റ്റ് റിയാദിന്റെ ചരിത്രത്തിലെ വേറിട്ട പരിപാടിയായി മാറും. മലപ്പുറത്തിന്റെ പൈതൃകം,കല,സാഹിത്യം,സൗഹാര്‍ദം തുടങ്ങിയ വിഷയങ്ങള്‍ പ്രവാസികള്‍ക്കിടയില്‍ ചര്‍ച്ചക്കെടുക്കുകയാണ് ഫെസ്റ്റിന്റെ ഉദ്ദേശ്യം.
അന്യംനിന്ന് പോകുന്ന മാപ്പിള കലകളുടെ അത്യപൂര്‍വ സൗരഭ്യം പ്രവാസലോകത്ത് പരത്തുക എന്ന ലക്ഷ്യത്തോടെ സംഘടിപ്പിക്കുന്ന മാപ്പിള കലോത്സവത്തില്‍ തനത് മാപ്പിളപ്പാട്ടുകള്‍, പ്രവാചക മദ്ഹ് ഗാനങ്ങള്‍,ഒപ്പന, കുട്ടികള്‍ക്കായുള്ള നേതൃസ്മൃതി കഥപറച്ചില്‍, മുദ്രാവാക്യം വിളി,പ്രസംഗം,മാപ്പിളപ്പാട്ട് രചന,ഉപന്യാസ രചന,അറബി മലയാളം കയ്യെഴുത്ത്,ചിത്രരചന,കളറിങ്,മെഹന്തി ഫെസ്റ്റ് തുടങ്ങി വിവിധ ഇനം മത്സരങ്ങള്‍ നടക്കും. മലപ്പുറം ജില്ലയിലെ 16 മണ്ഡലം കെഎംസിസി കമ്മിറ്റികളുടെ ബാനറില്‍ നൂറ് കണക്കിന് പ്രവാസികള്‍ വിവിധ ദിവസങ്ങളില്‍ വിവിധ വേദികളില്‍ നടക്കുന്ന മത്സരങ്ങളില്‍ മാറ്റുരക്കും. ആദ്യ റൗണ്ട് മത്സരങ്ങള്‍ക്ക് ശേഷം നടക്കുന്ന ഗ്രാന്‍ഡ് ഫിനാലെയില്‍
ബുക്ക് ഫെസ്റ്റ്,പാനല്‍ ചര്‍ച്ചകള്‍,ഓദേഴ്‌സ് ഇവന്റുകള്‍,സാംസ്‌കാരിക പരിപാടികള്‍,മാപ്പിള കലകളുടെ പ്രദര്‍ശനം,എക്‌സിബിഷന്‍ തുടങ്ങി വര്‍ണാഭമായ പരിപാടികള്‍ അരങ്ങേറും.
ഒരു വര്‍ഷം നീണ്ടുനില്‍ക്കുന്ന ‘ദി വോയേജ്’ സംഘടനാ കാമ്പയിനിന്റെ ഭാഗമായി കഴിഞ്ഞ ദിവസങ്ങളിലായി വിവിധ പരിപാടികള്‍ നടന്നിരുന്നു. ചന്ദ്രിക വാര്‍ഷിക വരിക്കാരെ ചേര്‍ക്കുന്ന കാമ്പയിനില്‍ അഞ്ഞൂറിലധികം ആളുകളെയാണ് ചേര്‍ത്തത്. നോര്‍ക്ക കാമ്പയിനിന്റെ ഭാഗമായി നൂറുകണക്കിന് പ്രവാസികളെ നോര്‍ക്കയില്‍ അംഗത്വമെടുപ്പിക്കുകയും ക്ഷേമനിധി,പ്രവാസി ഇന്‍ഷൂറന്‍സ് എന്നിവയില്‍ ചേര്‍ക്കുകയും ചെയ്തു. കെഎംസിസി കമ്മിറ്റികളുടെ വിവിധ ഘടകങ്ങളില്‍ പ്രവര്‍ത്തിക്കുന്നവരുടെ മക്കളില്‍ ഉന്നത വിജയം നേടിയ കുട്ടികളെ ആദരിച്ചു. സാമൂഹ്യ സേവന പ്രവര്‍ത്തനം നടത്തുന്ന മലപ്പുറം ജില്ലാ വെല്‍ഫെയര്‍ വിങ്ങിലെ വളണ്ടിയര്‍മാര്‍ക്ക് പരിശീലനം സംഘടിപ്പിച്ചു. സോഷ്യല്‍ മീഡിയയില്‍ സജീവമായ പ്രവര്‍ത്തകര്‍ക്ക് പുതിയ കാലത്തെ സാങ്കേതിക വിദ്യകള്‍ ഉപയോഗിക്കുന്നത് പരിചയപ്പെടുത്തുന്ന ശില്‍പശാല നടത്തി. സാംസ്‌കാരിക വിഭാഗമായ സംസ്‌കൃതിയുടെ നേതൃത്തില്‍ മാഗസിന്‍ പുറത്തിറക്കുന്നതിനുള്ള പ്രവര്‍ത്തനങ്ങള്‍ക്ക് തുടക്കം കുറിച്ചു. മലപ്പുറം ജില്ലയിലെ 32 പഞ്ചായത്ത് കെഎംസിസി കമ്മിറ്റികളെ പങ്കെടുപ്പിച്ച് ‘ബെസ്റ്റ് 32’ എന്ന പേരില്‍ മലപ്പുറം ജില്ലാ കെഎംസിസിയുടെ കായിക വിഭാഗമായ ‘സ്‌കോര്‍’ ഫൈവ്‌സ് ടൂര്‍ണമെന്റ് സംഘടിപ്പിച്ചു.ജില്ലാ കെഎംസിസി പ്രസിഡന്റ് ഷൗക്കത്ത് കടമ്പോട്ട്,ജനറല്‍ സെക്രട്ടറി സഫീര്‍ മുഹമ്മദ്, ‘കാലിഫ്’ ഡയരക്ടര്‍ ഷാഫി മാസ്റ്റര്‍ തുവ്വൂര്‍,ട്രഷറര്‍ മുനീര്‍ വാഴക്കാട്,ഓര്‍ഗനൈസിങ് സെക്രട്ടറി മുനീര്‍ മക്കാനി,’കാലിഫ്’ ടെക്‌നിക്കല്‍ സമിതി അംഗം നവാസ് കുറുങ്കാട്ടില്‍ വാര്‍ത്താസമ്മേളനത്തില്‍പങ്കെടുത്തു
