സീതി ഹാജി മെമ്മോറിയല്‍ ഫുട്‌ബോള്‍ ടൂര്‍ണമെന്റ് നവംബര്‍ 9ന്
Wed, 05 Nov 2025
ഗസ്സ: ഗസ്സയിലെ യുഎഇയുടെ ജലവിതരണ പദ്ധതിയുടെ നാലാം ഘട്ടം ആരംഭിച്ചു. മുനിസിപ്പാലിറ്റികളില്‍ കിണറുകളുടെ അറ്റകുറ്റപ്പണികള്‍ക്കായുള്ള യുഎഇയുടെ ‘ഓപ്പറേഷന്‍ ചിവാലറസ് നൈറ്റ് മൂന്നിലൂടെ യുദ്ധ പ്രതിസന്ധിക്കിടയില്‍ പ്രയാസമനുഭവിക്കുന്ന ഫലസ്തീന്‍ ജനതയ്ക്ക് വെള്ളം എത്തിക്കുന്നതിനുള്ള പദ്ധതിയാണിത്. മുനിസിപ്പാലിറ്റികളുടെ ജലവിതരണ ശേഷി വര്‍ധിപ്പിക്കുകയും അടിസ്ഥാന സേവനങ്ങളുടെ തുടര്‍ച്ച ഉറപ്പാക്കുകയും ചെയ്യുക എന്ന ലക്ഷ്യത്തോടെ കോസ്റ്റല്‍ മുനിസിപ്പാലിറ്റി വാട്ടര്‍ യൂട്ടിലിറ്റിയുമായി സഹകരിച്ചാണ് പദ്ധതി നടപ്പാക്കുന്നത്.ഗാസയിലെ വിവിധ ഗവര്‍ണറേറ്റുകളിലായി ഏകദേശം 28 പ്രവര്‍ത്തന രഹിതമായ കിണറുകളുടെ അറ്റകുറ്റപ്പണികള്‍ പദ്ധതിയില്‍ ഉള്‍പ്പെടുന്നു. പദ്ധതിയിലൂടെ ഏകദേശം 700,000 ആളുകള്‍ക്ക് ജലലഭ്യത നല്‍കാന്‍ കഴിയും. അതുവഴി അവരുടെ കഠിനമായ ജീവിത സാഹചര്യങ്ങള്‍ ലഘൂകരിക്കുകയാണ് യുഎഇ ആഗ്രഹിക്കുന്നതെന്ന് ഗസ്സയിലെ ഓപ്പറേഷന്‍ ചിവാലറസ് നൈറ്റ് 3 മീഡിയ ഡയരക്ടര്‍ ഷെരീഫ് അല്‍നയ്‌റാബ് പറഞ്ഞു. എല്ലാ മേഖലകളെയും സ്ഥിരമായി പിന്തുണച്ച യുഎഇ മാനുഷിക സംഘടനകളുടെയും ചാരിറ്റബിള്‍ അസോസിയേഷനുകളുടെയും ശ്രമങ്ങളെ അദ്ദേഹം അഭിനന്ദിച്ചു. ഷാര്‍ജ ചാരിറ്റി ഇന്റര്‍നാഷണല്‍,സഖ്ര്‍ ബിന്‍ മുഹമ്മദ് അല്‍ ഖാസിമി ഫൗണ്ടേഷന്‍,ദാറുല്‍ ബെര്‍ സൊസൈറ്റി എന്നിവരാണ് കിണര്‍ പദ്ധതിയുടെ പ്രധാന സഹകാരികള്‍.
മൂന്ന് ഘട്ടങ്ങള്‍ പൂര്‍ത്തിയാക്കി ഇത് നാലാമത്തെ പദ്ധതിയാണ് പുരോഗമിക്കുന്നതെന്നും ആയിരക്കണക്കിന് പൗരന്മാര്‍ക്ക് ദിവസവും വെള്ളം എത്തിക്കുന്ന വാട്ടര്‍ ടാങ്കറുകളുടെ വിതരണം, തെക്കന്‍ തീരങ്ങളിലെ പ്രാകൃത ‘നസാസ്’ കിണറുകള്‍ കുഴിക്കല്‍, ദിവസേന ദുരിതമനുഭവിക്കുന്ന നിവാസികള്‍ക്ക് ജലലഭ്യത മെച്ചപ്പെടുത്തുന്നതിനായി മുങ്ങിക്കപ്പല്‍ കിണറുകള്‍ കുഴിക്കല്‍ എന്നിവയാണ് ഇതിലൂടെ നടപ്പാക്കുന്നതെന്നും ഗസ്സയിലെ ഓപ്പറേഷന്‍ ചിവാലറസ് നൈറ്റ് 3 സപ്പോര്‍ട്ട് കമ്മിറ്റി ഡെപ്യൂട്ടി ചെയര്‍മാന്‍ മുഹമ്മദ് അര്‍ബായി പറഞ്ഞു.
