യൂത്ത് ഒളിമ്പിക്‌സില്‍ യുഎഇക്ക് ചരിത്രത്തിലെ ആദ്യ സ്വര്‍ണം: റിയാന്‍ മല്‍ഹാന് ബാഡ്മിന്റണില്‍ വിജയം
Sat, 07 Nov 2026
അബുദാബി:ഒക്ടോബര്‍ 13ന് കൊച്ചിയിലെ അന്താരാഷ്ട്ര വിമാനത്താവളത്തില്‍ നിന്ന് അബുദാബിയിലേക്കുള്ള എയര്‍ അറേബ്യ 3L 128 വിമാനത്തിലേറിയ യുവ നേഴ്‌സുമാരായ വയനാട്ടുകാരന്‍ അഭിജിത്ത് ജീസിന്റെയുംചെങ്ങന്നൂര്‍ സ്വദേശി അജീഷ് നെല്‍സന്റെയും മനസ്സ് നിറയെ യുഎഇയിലെ പുതിയ തുടക്കത്തെക്കുറിച്ചുള്ള പ്രതീക്ഷകളും ആശങ്കകളുമായിരുന്നു. ഇരുവരുടെയും ആദ്യ അന്താരാഷ്ട്ര വിമാനയാത്ര. യുഎഇ യിലെറെസ്‌പോണ്‍സ് പ്ലസ് ഹോള്‍ഡിങ്ങിന്റെ ഭാഗമായ റെസ്‌പോണ്‍സ് പ്ലസ് മെഡിക്കലില്‍ (ആര്‍പിഎം) രജിസ്റ്റേര്‍ഡ് നേഴ്‌സായി ജോലി തുടങ്ങാനുള്ള യാത്ര. എന്നാല്‍, ആദ്യ യാത്ര തന്നെ അഭിമാന യാത്രയായ കഥയാണ് ഇരുവര്‍ക്കും പറയാനുള്ളത്. പ്രമുഖ ആരോഗ്യ സംരംഭകന്‍ ഡോ. ഷംഷീര്‍ വയലില്‍ സ്ഥാപകനും ബോര്‍ഡ് മെമ്പറുമായ റെസ്‌പോണ്‍സ് പ്ലസ് ഹോള്‍ഡിങ് യുഎഇയിലെ ഏറ്റവും വലിയ അടിയന്തര, ഓണ്‍സൈറ്റ് മെഡിക്കല്‍ സേവനദാതാവാണ്.
പുലര്‍ച്ചെ 5:30 നായിരുന്നു ഫ്‌ലൈറ്റ്. വിമാനം അറബിക്കടലിന് മുകളിലൂടെ പറക്കുമ്പോള്‍, ഏകദേശം 5:50 ആയപ്പോള്‍, അടുത്തുള്ള സീറ്റില്‍ ആരോ ശ്വാസമെടുക്കാന്‍ ബുദ്ധിമുട്ടുന്നതായി തോന്നിയാണ് അഭിജിത്ത് തിരിഞ്ഞു നോക്കിയത്. ‘ഒരു മനുഷ്യന്‍ ചലനമില്ലാതെ കിടക്കുന്നതാണ് കണ്ടത്. പള്‍സ് നോക്കി കിട്ടാതെ വന്നപ്പോള്‍ തന്നെ മനസിലായി അദ്ദേഹത്തിന് ഹൃദയാഘാതം സംഭവിച്ചതാണെന്ന്,’ അഭിജിത്ത് പറയുന്നു.
മുപ്പത്തിനാലുകാരനായ തൃശൂര്‍ സ്വദേശിക്കാണ് ഹൃദയാഘാതം സംഭവിച്ചത്. വിമാന ജീവനക്കാരെ അറിയിച്ചതോടൊപ്പം ഒട്ടും സമയം പാഴാക്കാതെ രോഗിക്ക് അഭിജിത്ത്സിപിആര്‍ നല്‍കാന്‍ തുടങ്ങി. സഹായത്തിനായി അജീഷും ചേര്‍ന്നു. ഇരുവരും ചേര്‍ന്ന് രണ്ട് റൗണ്ട് സിപിആര്‍ നല്‍കിയതോടെ രോഗിക്ക് പള്‍സ് തിരിച്ച് കിട്ടി. ശ്വാസമെടുക്കാനും തുടങ്ങി. ഇവരോടൊപ്പം വിമാനത്തിലുണ്ടായിരുന്ന ഡോ. ആരിഫ് അബ്ദുല്‍ ഖാദറും ചേര്‍ന്ന് രോഗിക്ക് ഐവി ഫ്‌ലൂയിഡുകള്‍ നല്‍കി, വിമാനം അബുദാബിയില്‍ സുരക്ഷിതമായി ഇറങ്ങുന്നത് വരെ അദ്ദേഹത്തിന്റെ അവസ്ഥ വഷളാകാതിരിക്കാന്‍ ശ്രമിച്ചു.
‘ഞങ്ങളുടെ ആദ്യത്തെ വിദേശ യാത്രയായിരുന്നു. പുതിയ ജോലിയിലേക്ക് പ്രവേശിക്കുന്നതിന് മുന്നേ ഒരു ജീവന്‍ രക്ഷിക്കാന്‍ കഴിഞ്ഞത് വലിയൊരനുഗ്രഹമായി തോന്നി,’ അജീഷ് പറയുന്നു. എയര്‍പോര്‍ട്ടിലെ ചികിത്സക്ക് ശേഷം അടിയന്തരനില തരണം ചെയ്ത രോഗിയുടെ കുടുംബവും ഇരുവരോടും നന്ദി പറഞ്ഞു.
