സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
റിയാദ്. കെഎംസിസി റിയാദ് സെന്‍ട്രല്‍ കമ്മിറ്റി വെല്‍ഫെയര്‍ വിങ്ങിന്റെ പ്രവര്‍ത്തനങ്ങള്‍ മാതൃകാപരമാണെന്ന് സഊദി കെഎംസിസി നാഷണല്‍ കമ്മിറ്റി ജനറല്‍ സെക്രട്ടറി അഷ്‌റഫ് വേങ്ങാട്ട് പറഞ്ഞു. എക്‌സിറ്റ് പതിനെട്ടിലെ താജുല്‍ മഹ ഓഡിറ്റോറിയത്തില്‍ നടന്ന വെല്‍ഫെയര്‍ വിങ് ശില്‍പശാല ഉദ്ഘാടനം ചെയ്ത് സംസാരിക്കുകയായിരുന്നു. പ്രവാസികള്‍ നേരിടുന്ന നിയമപരവും തൊഴില്‍പരവുമായ വിഷയങ്ങളില്‍ പരിശീലനം നേടിയ നൂറുകണക്കിന് വളണ്ടിയര്‍മാരാണ് സേവന രംഗത്തുള്ളത്. പ്രവാസികളുടെ മയ്യത്ത് പരിപാലനം നടത്തുന്നതില്‍ വെല്‍ഫെയര്‍ വിങ്ങിന്റെ ഇടപെടല്‍ ശ്രദ്ധേയമാണ്. നിയമ ബോധവത്കരണമുള്‍പ്പടെയുള്ള പ്രവര്‍ത്തനങ്ങളില്‍ വെല്‍ഫെയര്‍ വിങ് ശ്രദ്ധ കേന്ദ്രീകരിക്കണമെന്നും അദ്ദേഹം കൂട്ടിച്ചേര്‍ത്തു.
ചെയര്‍മാന്‍ റഫീഖ് മഞ്ചേരി അദ്ധ്യക്ഷനായി. മൂന്ന് സെഷനുകളിലായി നടന്ന ശില്‍പശാലയില്‍ ‘വളണ്ടിയര്‍ സേവനവും സാമൂഹ്യ പ്രതിബദ്ധതയും’ വിഷയത്തില്‍ റിയാദ് കെഎംസിസി ആക്ടിങ് സെക്രട്ടറി ഷാഫി മാസ്റ്റര്‍ തുവ്വൂര്‍ ക്ലാസെടുത്തു. ‘തൊഴില്‍ പ്രശ്‌നങ്ങളും സന്നദ്ധ പ്രവര്‍ത്തകരും’ വിഷയത്തില്‍ റഫീഖ് മഞ്ചേരിയും ‘നിയമവ്യവസ്ഥയും പ്രവാസികളും’ വിഷയത്തില്‍ ഷറഫു സഹറയും ക്ലാസെടുത്തു. വെല്‍ഫയര്‍ വിങ്ങിന്റെ ലോഗോ നാഷണല്‍ കമ്മിറ്റി വൈസ് പ്രസിഡന്റ് ഉസ്മാന്‍ അലി പാലത്തിങ്ങല്‍ എറണാകുളം ജില്ല കെഎംസിസി ജനറല്‍ സെക്രട്ടറി മുജീബ് മൂലയിലിന് കൈമാറി പ്രകാശനം ചെയ്തു. സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ,നാഷണല്‍ കമ്മിറ്റി സെക്രട്ടറിയേറ്റംഗങ്ങളായ മുജീബ് ഉപ്പട,മുഹമ്മദ് വേങ്ങര,മൊയ്തീന്‍കുട്ടി തെന്നല,മൊയ്തീന്‍കുട്ടി പൊന്മള,സെന്‍ട്രല്‍ കമ്മിറ്റി ഓര്‍ഗനൈസിങ് സെക്രട്ടറി സത്താര്‍ താമരത്ത്,അബ്ദുറഹ്മാന്‍ ഫറൂഖ്,പിസി അലി വയനാട്,ഷംസു പെരുമ്പട്ട,ഷൗക്കത്ത് കടമ്പോട്ട്,അഷ്‌റഫ് മീപ്പീരി,ഉസ്മാന്‍ പരീത്,ഷബീര്‍ മണ്ണാര്‍ക്കാട്,സുഹൈല്‍ കൊടുവള്ളി,ജാഫര്‍ പുത്തൂര്‍മഠം,സഫീര്‍ കരുവാരക്കുണ്ട്,നവാസ് ബീമാപ്പള്ളി പ്രസംഗിച്ചു. ബഷീര്‍ താമരശ്ശേരി,സലീം സിയാങ്കണ്ടം,തഖ്‌വാന്‍ വയനാട്,റിയാസ് തിരൂര്‍ക്കാട്,റഫീഖ് ചെറുമുക്ക്,റാഷിദ് കൂരാച്ചുകുണ്ട്,ഫസലുറഹ്മാന്‍ പടന്ന,നൂറുല്‍ അമീന്‍ തിരുവന്തനപുരം,മുഹമ്മദ് കുട്ടി തൃത്താല നേതൃത്വം നല്‍കി. അബ്ദുറഷീദ് കാസര്‍കോട് ഖിറാഅത്ത് നടത്തി.
കണ്‍വീനര്‍ അലി അക്ബര്‍ ചെറൂപ്പ സ്വാഗതവും ഷറഫു പുളിക്കല്‍ നന്ദിയും പറഞ്ഞു.
