സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
റിയാദ്: മുസ്‌ലിംലീഗിന്റെയും പോഷക ഘടകങ്ങളുടെയും രാഷ്ട്രീയ,ജീവകാരണ്യ പ്രവര്‍ത്തനങ്ങള്‍ സമാനതകളില്ലാത്തതാണെന്ന് മുസ്‌ലിംലീഗ് ദേശീയ സെക്രട്ടറിയും മുസ്്‌ലിം യൂത്ത്‌ലീഗ് സംസാഥാന പ്രസിഡന്റുമായ പാണക്കാട് സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. റിയാദ് കാസര്‍കോട് ജില്ലാ കെഎംസിസി ‘കൈസെന്‍’ കാമ്പയിനിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. കെഎംസിസിയുടെ വൈവിധ്യമാര്‍ന്ന പ്രവര്‍ത്തനങ്ങളെ മുക്തകണ്ഠം പ്രശംസിച്ച തങ്ങള്‍,ജീവകാരുണ്യ പ്രവര്‍ത്തന മേഖലയില്‍ സംഘടന വേറിട്ട മാതൃകയാണെന്നും അഭിപ്രായപ്പെട്ടു. രാഷ്ട്രീയ കാഴ്ചപ്പാടുകളോടൊപ്പം സമൂഹിക,ജീവകാരുണ്യ പ്രവര്‍ത്തന രംഗത്ത് മുസ്‌ലിംലീഗ് പ്രസ്ഥാനവും പോഷക ഘടകങ്ങളും
നടത്തിവരുന്ന പദ്ധതികളും സംവിധാനങ്ങളും മാതൃകാപരമാണ്. മത,ജാതി വ്യത്യാസങ്ങളില്ലാതെ ലോകത്തിന്റെ വിവിധ ഭാഗങ്ങളില്‍ അശരണരുടെ കണ്ണീരൊപ്പാന്‍ നിരന്തരം പ്രവര്‍ത്തിക്കുന്ന കെഎംസിസി ഘടകങ്ങള്‍ അത്ഭുതമാണെന്നും തങ്ങള്‍ കൂട്ടിച്ചേര്‍ത്തു. റിയാദിലെ ഡ്യൂണ്‍സ് ഇന്റര്‍നാഷണല്‍ സ്‌കൂള്‍ ഓഡിറ്റോറിയത്തില്‍ നടന്ന സമ്മേളനത്തില്‍ ജില്ലാ പ്രസിഡന്റ് ഷാഫി സെഞ്ച്വറി അധ്യക്ഷനായി. എംഎല്‍എമാരായ എന്‍എ നെല്ലിക്കുന്ന്,എകെഎം അഷ്‌റഫ്,മുസ്‌ലിംലീഗ് കാസര്‍കോട് ജില്ലാ പ്രസിഡന്റ് കല്ലട്ര മാഹിന്‍ ഹാജി,ജനറല്‍ സെക്രട്ടറി എ.അബ്ദുറഹ്മാന്‍,മുസ്‌ലിം യൂത്ത്‌ലീഗ് സംസ്ഥാന ട്രഷറര്‍ ഇസ്മായീല്‍ വയനാട്,കെഎംസിസി ഭാരവാഹികളായ അഷ്‌റഫ് വേങ്ങാട്ട്,സിപി മുസ്തഫ,ഉസ്മാനലി പാലത്തിങ്ങല്‍, വികെ മുഹമ്മദ്,അസീസ് അടുക്ക,ജലാല്‍ ചെങ്കള,സത്താര്‍ താമരത്ത്,ഷാഫി മാസ്റ്റര്‍ തുവ്വൂര്‍,അബ്ദുസ്സലാം തൃക്കരിപ്പൂര്‍,ഷംസു പെരുമ്പട്ട,റഹീം സോങ്കാല്‍,ഖാദര്‍ അണങ്ങൂര്‍, അറഫാത്ത് ശംനാട്,മഷൂദ് തളങ്കര,മുജീബ് ഉപ്പട,മുഹമ്മദ് വേങ്ങര,മുഷ്താഖ് മുഹമ്മദലി,മജീദ് സോങ്കാല്‍,മുഹമ്മദ് നെല്ലിക്കട്ട,ജമാല്‍ വള്‍വക്കാട്,സലാം ചട്ടഞ്ചാല്‍ പ്രസംഗിച്ചു.
മുസ്‌ലിംലീഗ് ദേശീയ സെക്രട്ടറിയായി തിരഞ്ഞെടുക്കപ്പെട്ട മുനവ്വറലി തങ്ങള്‍ക്ക് ജില്ലാ കെഎംസിസിയുടെ സ്‌നേഹോപഹാരം പ്രസിഡന്റ് ഷാഫി സെഞ്ച്വറി കൈമാറി. ‘തുടര്‍ച്ചയായ മെച്ചപ്പെടുത്തല്‍’ എന്ന ജാപ്പാനീസ് അര്‍ത്ഥം വരുന്ന ‘കൈസെന്‍’ കാമ്പയിനിന്റെ ഭാഗമായി സംഘടനയെ പുതിയ ഉയരങ്ങളിലെത്തിക്കുകയായിരുന്നു കെഎംസിസിയുടെ ലക്ഷ്യം. കഴിഞ്ഞ വര്‍ഷം നവംബര്‍ 15ന് ആരംഭിച്ച കാമ്പയിനിന്റെ ഭാഗമായി
കാസര്‍കോട് പ്രീമിയര്‍ ലീഗ് ക്രിക്കറ്റ് സീസണ്‍ 2,എക്‌സിക്യൂട്ടീവ് ക്യാമ്പ്,ആരോഗ്യ ബോധവത്കരണ ക്യാമ്പ്,ചെര്‍ക്കളം അബ്ദുല്ല സാഹിബ് മെമ്മോറിയല്‍ സംസ്ഥാനതല ഫുട്‌ബോള്‍ ടൂര്‍ണമെന്റ്,സൂപ്പര്‍ സിങ്ങര്‍ മാപ്പിളപ്പാട്ട് റിയാലിറ്റി ഷോ, ഫാമിലി മീറ്റ്,ഗ്രാന്‍ഡ് ഇഫ്താര്‍ മീറ്റ് തുടങ്ങിയ വിവിധ പരിപാടികള്‍ സംഘടിപ്പിച്ചു. വെല്‍ഫെയര്‍,സ്‌പോര്‍ട്‌സ്,വനിതാ വിങ്ങുകള്‍ രൂപീകരിക്കുകയും ചെയ്തു. കൂടാതെ ജില്ലയിലെ സിഎച്ച് സെന്ററുകള്‍ക്കുള്ള സഹായങ്ങള്‍ ഉള്‍പ്പെടെ നിരവധി ജീവകാരുണ്യ പ്രവര്‍ത്തനങ്ങളും കാമ്പയിന്‍ കാലയളവില്‍ നടത്തി. ജില്ലാ ജനറല്‍ സെക്രട്ടറി അഷ്‌റഫ് മീപ്പിരി സ്വാഗതവും ട്രഷറര്‍ ഇസ്മായീല്‍ കാരോളം നന്ദിയും പറഞ്ഞു. ഓര്‍ഗനൈസിങ് സെക്രട്ടറി അബ്ദുറഹ്മാന്‍ പള്ളം ഖിറാഅത്ത് നടത്തി.
