സീതി ഹാജി മെമ്മോറിയല്‍ ഫുട്‌ബോള്‍ ടൂര്‍ണമെന്റ് നവംബര്‍ 9ന്
Wed, 05 Nov 2025
ദുബൈ: ശിരായയ വിസയും റെസിഡന്‍സി പെര്‍മിറ്റുമായും യുഎഇയില്‍ നിയമപരമായി താമസിക്കുന്നവര്‍ക്ക് ചില രാജ്യങ്ങള്‍ വാഗ്ദാനം ചെയ്യുന്ന പൗരത്വം അടിസ്ഥാനമാക്കിയുള്ള നിക്ഷേപ പദ്ധതികള്‍ക്ക് അപേക്ഷിക്കാന്‍ അര്‍ഹതയുണ്ടെന്ന് ദുബൈ ജനറല്‍ ഡയരക്ടറേറ്റ് ഓഫ് റെസിഡന്‍സി ആന്റ് ഫോറിനേഴ്‌സ് അഫയേഴ്‌സ് (ജിഡിആര്‍എഫ്എ) ഡയരക്ടര്‍ ജനറല്‍ ലഫ്.ജനറല്‍ മുഹമ്മദ് അഹമ്മദ് അല്‍ മര്‍റി പറഞ്ഞു. നിരവധി കരീബിയന്‍ രാജ്യങ്ങള്‍,ഡൊമിനിക്ക,ചില ലാറ്റിന്‍ അമേരിക്കന്‍ രാജ്യങ്ങള്‍ എന്നിവരാണ് ഇത്തരത്തില്‍ താമസ വ്യവസ്ഥകള്‍ക്ക് വിധേയമായി വിദേശ നിക്ഷേപകര്‍ക്ക് പാസ്‌പോര്‍ട്ടോ താമസമോ നല്‍കുന്നത്. നിക്ഷേപാധിഷ്ഠിത പാസ്‌പോര്‍ട്ടുകള്‍ നേടുന്ന ചില വ്യക്തികള്‍ യൂറോപ്പിലേക്കോ വടക്കേ അമേരിക്കയിലേക്കോ കുടിയേറുക എന്ന ഉദ്ദേശ്യത്തോടെയാണ് അങ്ങനെ ചെയ്യുന്നതെന്ന് അല്‍ മര്‍റി പറഞ്ഞു.
എന്നാലും യൂറോപ്യന്‍ യൂണിയന്‍, യുണൈറ്റഡ് സ്റ്റേറ്റ്‌സ്,കാനഡ എന്നിവര്‍ നടപ്പിലാക്കുന്ന നിയമങ്ങള്‍ക്കും ചട്ടങ്ങള്‍ക്കും പ്രവേശന വ്യവസ്ഥകള്‍ക്കും ഇത്തരം വ്യക്തികള്‍ വിധേയരാകേണ്ടി വരുമെന്നും അദ്ദേഹം വ്യക്തമാക്കി. യുഎഇയില്‍ നിയമപരമായ താമസം നിലനിര്‍ത്തുകയും സാധുവായ വിസകള്‍ കൈവശം വയ്ക്കുകയും ഇമിഗ്രേഷന്‍ നിയമങ്ങള്‍ പാലിക്കുകയും ചെയ്യുന്നിടത്തോളം കാലം നിക്ഷേപത്തിലൂടെയോ തൊഴില്‍ വഴിയോ പുതിയ പൗരത്വം നേടിയാലും അവര്‍ക്ക് രാജ്യത്ത് തുടരാമെന്ന് അദ്ദേഹം കൂട്ടിച്ചേര്‍ത്തു.
യൂറോപ്പ്,യുണൈറ്റഡ് സ്റ്റേറ്റ്‌സ്,കാനഡ എന്നിവിടങ്ങളിലേക്കുള്ള കുടിയേറ്റത്തിനായി ഉപയോഗിക്കാന്‍ ഉദ്ദേശിക്കുന്ന പുതുതായി സ്വന്തമാക്കിയ നിക്ഷേപ പാസ്‌പോര്‍ട്ടുകള്‍ കൈവശം വച്ചിരിക്കുന്നവര്‍ക്ക് ദുബൈയിലെ ജിഡിആര്‍എഫ്എ സൗജന്യവും പ്രത്യേകവുമായ സേവനം വാഗ്ദാനം ചെയ്യുന്നുണ്ടെന്നും അല്‍ മര്‍റി അറിയിച്ചു. ജിഡിആര്‍എഫ്എ നടത്തുന്ന സമര്‍പിത ഫോറന്‍സിക് ലബോറട്ടറി വഴി അത്തരം പാസ്‌പോര്‍ട്ടുകളുടെ ആധികാരികതയും യാത്രാ യോഗ്യതയും പരിശോധിക്കുന്നത് ഈ സേവനത്തില്‍ ഉള്‍പ്പെടുന്നു. പാസ്‌പോര്‍ട്ടുകള്‍ യഥാര്‍ത്ഥവും നിയമപരമായി അംഗീകരിക്കപ്പെട്ടതുമാണെന്ന് ഉറപ്പാക്കിക്കൊണ്ട് വ്യാജരേഖകള്‍,വഞ്ചന,ചൂഷണം എന്നിവയില്‍ നിന്ന് വ്യക്തികളെ സംരക്ഷിക്കുന്നതിനാണ് ഈ സംരംഭം രൂപകല്‍പന ചെയ്തിരിക്കുന്നത്.
കുടിയേറ്റവുമായി ബന്ധപ്പെട്ട പുതിയ നിയന്ത്രണങ്ങളും നിയമ ഭേദഗതികളും അടുത്തിടെ അവതരിപ്പിച്ചിരുന്നു. നിക്ഷേപ അധിഷ്ഠിത പാസ്‌പോര്‍ട്ടുകള്‍ കൈവശമുള്ളവര്‍ ഇവ അറിഞ്ഞിരിക്കേണ്ടതാണ്. കാരണം അവര്‍ പുതുക്കിയ യുഎസ്,യൂറോപ്യന്‍ യൂണിയന്‍ നടപടിക്രമങ്ങള്‍ പാലിച്ചില്ലെങ്കില്‍ പുതിയ പൗരത്വം നേടിയ രാജ്യങ്ങളിലെ അധികൃതരുടെ സങ്കീര്‍ണതകള്‍ നേരിടേണ്ടി വന്നേക്കാമെന്നും അദ്ദേഹം പറഞ്ഞു.
കരീബിയന്‍,ഡൊമിനിക്കന്‍,ലാറ്റിന്‍ അമേരിക്കന്‍ രാജ്യങ്ങള്‍ വാഗ്ദാനം ചെയ്യുന്ന പൗരത്വം അടിസ്ഥാനമാക്കിയുള്ള നിക്ഷേപ പദ്ധതികളെക്കുറിച്ച് യുഎസിലും യൂറോപ്യന്‍ യൂണിയനിലും വര്‍ധിച്ചുവരുന്ന ആശങ്കകളാണ് നിയന്ത്രണങ്ങള്‍ കര്‍ശനമാക്കുന്നതിനുള്ള കാരണമെന്നും അദ്ദേഹം പറഞ്ഞു.
