സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Wed, 20 Aug 2025
എന്‍സിഎം ലോകത്തെ മികച്ച കാലാവസ്ഥാ കേന്ദ്രം: ശൈഖ് മന്‍സൂര്‍ ബന്‍ സായിദ് അല്‍ നഹ്യാന്‍
അബുദാബി: കാലാവസ്ഥാ വ്യതിയാന വെല്ലുവിളികളെ നേരിടുന്നതില്‍ യുഎഇയുടെ സ്ഥാനം ലോകത്ത് ശക്തിപ്പെട്ടുവെന്നും നിരവധി അന്താരാഷ്ട്ര സംരംഭങ്ങളില്‍ ഇതിന്റെ ഗുണം അനുഭവിക്കുന്നുവെന്നും യുഎഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡന്‍ഷ്യല്‍ കോടതി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍ പറഞ്ഞു. നാഷണല്‍ സെന്റര്‍ ഓഫ് മെറ്റീരിയോളജി (എന്‍സിഎം) ആസ്ഥാനത്ത് നടത്തിയ സന്ദര്‍ശനത്തിലാണ് ശൈഖ് മന്‍സൂര്‍ ഇക്കാര്യം വ്യക്തമാക്കിയത്. സുസ്ഥിരത,കാലാവസ്ഥാ സന്നദ്ധത എന്നിവയുമായി ബന്ധപ്പെട്ട ദേശീയ നയങ്ങളെ പിന്തുണയ്ക്കുന്നതില്‍ എന്‍സിഎം നിര്‍ണായക പങ്കുവഹിക്കുന്നു. ഈ മേഖലയിലെ മുന്‍നിര സ്ഥാപനങ്ങളിലൊന്നായി നാഷണല്‍ സെന്റര്‍ ഓഫ് മെറ്റീരിയോളജി മാറിയിട്ടുണ്ടെന്നും അദ്ദേഹം അഭിപ്രായപ്പെട്ടു.
മികവും നവീകരണവും കൈവരിക്കുന്നതിനുള്ള എന്‍സിഎമ്മിന്റെ പരിശ്രമത്തില്‍ നേതൃത്വത്തിന്റെ പിന്തുണ പ്രധാന ചാലക ശക്തിയാണ്. ജീവനും സ്വത്തും സംരക്ഷിക്കുന്നതിലും ദേശീയ വൈദഗ്ധ്യവും യോഗ്യതയുള്ള ശാസ്ത്ര പ്രതിഭയും ഉപയോഗിച്ച് കാലാവസ്ഥാ വെല്ലുവിളികളെ അഭിസംബോധന ചെയ്യുന്നതിലും എന്‍സിഎം വഹിക്കുന്ന ദേശീയ പങ്കിന്റെ പ്രാധാന്യം പ്രതിഫലിപ്പിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു.ശൈഖ് മന്‍സൂര്‍ ബിന്‍ സായിദിനെ സെന്റര്‍ ഡയരക്ടര്‍ ജനറലും ലോക കാലാവസ്ഥാ സംഘടനയുടെ (ഡിഎംഒ) പ്രസിഡന്റുമായ ഡോ. അബ്ദുല്ല അല്‍ മന്‍ദൂസും നിരവധി മുതിര്‍ന്ന ഉദ്യോഗസ്ഥരും സ്വീകരിച്ചു. എന്‍സിഎമ്മിന്റെ നൂതന അടിസ്ഥാന സൗകര്യങ്ങളെയും ആധുനിക കാലാവസ്ഥാ സാങ്കേതിക വിദ്യകളെയും കുറിച്ച് ശൈഖ് മന്‍സൂറിന് ഉദ്യോഗസ്ഥര്‍ വിശദീകരിച്ചു നല്‍കി. ഓപ്പറേഷന്‍സ് സെന്റര്‍,കാലാവസ്ഥാ പ്രവചന യൂണിറ്റുകള്‍,ക്ലൗഡ് സീഡിങ് സിസ്റ്റങ്ങള്‍, മറൈന്‍ മോണിറ്ററിങ് യൂണിറ്റുകള്‍,പുനരുപയോഗ ഊര്‍ജ കാലാവസ്ഥാ പ്രവചന വിഭാഗങ്ങള്‍ എന്നിവ അദ്ദേഹം സന്ദര്‍ശിച്ചു. അന്റാര്‍ട്ടിക്കയുമായി ബന്ധപ്പെട്ട അന്താരാഷ്ട്ര സംയുക്ത ഗവേഷണത്തിലെ ഏറ്റവും പുതിയ സംഭവവികാസങ്ങളെക്കുറിച്ചും അദ്ദേഹം മനസിലാക്കി.
മേഖലയിലെ ഏറ്റവും നൂതനമായ സൂപ്പര്‍ കമ്പ്യൂട്ടറുകളിലൊന്നായ പ്രവചന കൃത്യത വര്‍ധിപ്പിക്കുന്നതിനും നേരത്തെയുള്ള മുന്നറിയിപ്പ് സന്നദ്ധത മെച്ചപ്പെടുത്തുന്നതിനും കാലാവസ്ഥാ ഡാറ്റ വിശകലനത്തിനായി ഉപയോഗിക്കുന്ന സംഖ്യാ കാലാവസ്ഥാ പ്രവചന സംവിധാനങ്ങളുടെ പ്രവര്‍ത്തനങ്ങളെ കുറിച്ചും ശൈഖ് മന്‍സൂര്‍ ചോദിച്ചറിഞ്ഞു. എന്‍സിഎമ്മിന്റെ മീഡിയ അഫയേഴ്‌സ് യൂണിറ്റ് സന്ദര്‍ശിച്ച ശൈഖ് മന്‍സൂര്‍ പ്രാദേശിക,അന്തര്‍ദേശീയ സമൂഹങ്ങളെ സേവിക്കുന്നതിനായി എന്‍സിഎം വികസിപ്പിച്ചെടുത്ത നിരവധി ഡിജിറ്റല്‍ ആപ്ലിക്കേഷനുകളെയും പ്ലാറ്റ്‌ഫോമുകളെയും പരിചയപ്പെട്ടു. കാലാവസ്ഥാ സംഭവങ്ങള്‍ക്കിടെ നേരിട്ടുള്ള മുന്നറിയിപ്പ് സംവിധാനങ്ങള്‍, സംവേദനാത്മക മാപ്പുകള്‍,സമൂഹത്തിലെ വിവിധ വിഭാഗങ്ങള്‍ക്ക് തത്സമയ കാലാവസ്ഥാ വിവരങ്ങള്‍ നല്‍കുന്ന സ്മാര്‍ട്ട് ആപ്ലിക്കേഷനുകള്‍ എന്നിവ യുടെ പ്രവര്‍ത്തനങ്ങള്‍ അദ്ദേഹം വിലയിരുത്തി. വിദേശകാര്യ മന്ത്രാലയവുമായി സഹകരിച്ച് വികസിപ്പിച്ചെടുത്ത ‘എല്ലാവര്‍ക്കും നേരത്തെ മുന്നറിയിപ്പ്’ എന്ന പ്ലാറ്റ്‌ഫോമിനെക്കുറിച്ചും ശൈഖ് മന്‍സൂറിന് വിശദീകരിച്ചു നല്‍കി. കാലാവസ്ഥ വ്യതിയാനമുണ്ടായാല്‍ വിദേശത്തുള്ള യുഎഇ പൗരന്മാര്‍ക്ക് കൃത്യവും തല്‍ക്ഷണവുമായ മുന്നറിയിപ്പുകള്‍ നല്‍കുന്ന ഈ പ്ലാറ്റ്‌ഫോം അവരുടെ സുരക്ഷ ഉറപ്പാക്കുകയും കാലാവസ്ഥാ അപകടസാധ്യത മാനേജ്‌മെന്റില്‍ ദേശീയവും അന്തര്‍ദേശീയവുമായ ഏകോപനം വര്‍ധിപ്പിക്കുകയും ചെയ്യുന്നു. സ്‌കൂള്‍,യൂണിവേഴ്‌സിറ്റി വിദ്യാര്‍ഥികളിലും പൊതുജനങ്ങളിലും പരിസ്ഥിതി,കാലാവസ്ഥാ അവബോധം വളര്‍ത്താന്‍ ലക്ഷ്യമിട്ടുള്ള നൂതന വിദ്യാഭ്യാസ പ്ലാറ്റ്‌ഫോമായ എന്‍സിഎമ്മിന്റെ സയന്‍സ് ഡോമും അദ്ദേഹം സന്ദര്‍ശിച്ചു. കാലാവസ്ഥാ സാക്ഷരത വളര്‍ത്തുന്നതിനും പുതിയ തലമുറയെ പരിസ്ഥിതി ശാസ്ത്രത്തില്‍ ഏര്‍പ്പെടാന്‍ പ്രചോദിപ്പിക്കുന്നതിനും സഹായിക്കുന്ന ഡോം വാഗ്ദാനം ചെയ്യുന്ന സംവേദനാത്മക അവതരണങ്ങളും പ്രത്യേക വര്‍ക്ക്‌ഷോപ്പുകളും ശൈഖ് മന്‍സൂര്‍ അവലോകനം ചെയ്തു. ശൈഖ് മന്‍സൂറിന്റെ സന്ദര്‍ശനത്തിന് ഡോ. അബ്ദുല്ല അല്‍ മന്‍സൂറിന് നന്ദിയും കടപ്പാടും അറിയിച്ചു.
