ലുലു ഗ്രൂപ്പ് ലോജിസ്റ്റിക്സ് മാനേജര് ദുബൈയില് നിര്യാതനായി
Thu, 29 Jan 2026
അബുദാബി: ഭക്ഷ്യ സുരക്ഷാ മേഖലയിലെ മാറ്റങ്ങള് ചര്ച്ച ചെയ്തും രാജ്യാന്തര സഹകരണം ശക്തിപ്പെടുത്തിയും ആഗോള ഭക്ഷ്യ വാരത്തിന് അബുദാബി നാഷണല് എക്സിബിഷന് സെന്ററില് തുടക്കമായി. യുഎഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡന്ഷ്യല് കോര്ട്ട് ചെയര്മാനുമായ ശൈഖ് മന്സൂര് ബിന് സായിദ് അല് നഹ്യാന് നേതൃത്വം നല്കുന്ന ഗ്ലോബല് ഫുഡ് വീക്കില് പുതിയ കാലത്തെ ഭക്ഷണ സംസ്കാരം, ഭക്ഷ്യോത്പാദനം, കാര്ഷിക സാങ്കേതികത നയങ്ങള്, വിതരണ ശ്രംഖലകള് തുടങ്ങിയ രംഗത്തെ മാറ്റങ്ങള് ചര്ച്ചയാകുന്നു. ഇന്ത്യ ഉള്പ്പടെയുള്ള 75 രാജ്യങ്ങളിലെ 2070 പ്രദര്ശകരാണ് ഇത്തവണ പങ്കെടുക്കുന്നത്. രാജ്യാന്തര കമ്പനികളാണ് അധികവും. വിദഗ്ധര് നയിക്കുന്ന സമ്മിറ്റുകളുമുണ്ട്. പ്രസിഡന്ഷ്യല് കോര്ട്ട് ഡെപ്യൂട്ടി ചെയര്മാന് (സ്പെഷ്യല് അഫേഴ്സ്) ശൈഖ് ഹംദാന് ബിന് മുഹമ്മദ് ബിന് സായിദ് അല് നഹ്യാന്, യുഎഇ കാലാവസ്ഥാ വ്യതിയാന, പരിസ്ഥിതി മന്ത്രി ഡോ. അംന ബിന്ത് അബ്ദുല്ല അല് ദഹക്, സഊദി പരിസ്ഥിതി ജലവിഭവ കാര്ഷിക വകുപ്പ് വൈസ്മിനിസ്റ്റര് എഞ്ചിനീയര് മന്സൂര് ഹിലാല് അല് മുഷൈതി, അടക്കമുള്ളവര് ആദ്യ ദിനം ഗ്ലോബല് ഫുഡ് വീക്ക് എക്സിബിഷനിലെത്തി.
സാമൂഹിക പ്രതിബദ്ധതയ്ക്ക് പ്രാധാന്യം നല്കുന്ന പദ്ധതികള്ക്ക് പിന്തുണ നല്കി നിര്ണായക കരാറുകളില് ഗ്ലോബല് ഫുഡ് വീക്കിന്റെ ആദ്യ ദിവസം ലുലു ഒപ്പുവെച്ചു. ഭിന്നശേഷിക്കാര്ക്ക് കൈത്താങ്ങേകുന്ന സായിദ് ഹയര് ഓര്ഗാനൈസേഷനുമായി ലുലു കൈകോര്ത്തു. സായിദ് ഹയര് ഓര്ഗനൈസേഷന് ഫാമില് ഭിന്നശേഷിക്കാര് കൃഷി ചെയ്ത് ഉത്പാദിപ്പിക്കുന്ന പഴം പച്ചക്കറികള് ശേഖരിക്കാന് ധാരണയായി. ഇവയ്ക്കു മികച്ച വിപണി ലുലു സ്റ്റോറുകളില് ഉറപ്പാക്കും. ഇത് സംബന്ധിച്ച ധാരണ പത്രത്തില് സായിദ് ഹയര് ഓര്ഗാനൈസേഷന് ഡയറക്ടര് അബ്ദുല്ല അബ്ദുല്ലാലി അല് ഹുമൈദാനും ലുലു ഗ്രൂപ്പ് ചെയര്മാന് എം.എ യൂസഫലിയും ഒപ്പുവച്ചു.
അഫ്ഗാനിസ്ഥാന് അടക്കമുള്ള മേഖലകളിലെ സ്ത്രീകളുടെ മുന്നേറ്റത്തിനായി ശൈഖ ഫാത്തിമ ബിന്ത് മുഹമ്മദ് ബിന് സായിദ് അല് നഹ്യാന് തുടക്കം കുറിച്ച ഫാത്തിമ ബിന്ത് മുഹമ്മദ് ബിന് സായിദ് ഇനീഷ്യേറ്റീവ് പദ്ധതിയ്ക്ക് ലുലു പിന്തുണ അറിയിച്ചു. സ്ത്രീകള് നിര്മിക്കുന്ന ഉത്പന്നങ്ങള്ക്ക് കൂടുതല് വിപണി ലഭ്യമാക്കി മുന്നേറ്റത്തിന് കരുത്തേകുന്നതാണ് പദ്ധതി. ഈ ഉത്പന്നങ്ങള്ക്ക് മികച്ച വിപണി ലുലു സ്റ്റോറുകളിലും ലഭ്യമാക്കും. ലുലു ഗ്രൂപ്പ് ചെയര്മാന് എം.എ യൂസഫലി, സിഇഒ സെയ്ഫി രൂപാവാല, ചീഫ് ഓപ്പറേറ്റിങ്ങ് ആന്ഡ് സ്ട്രാറ്റജി ഓഫീസര് സലിം വി.ഐ എന്നിവരുടെ സാന്നിദ്ധ്യത്തില്, ഫാത്തിമ ബിന്ത് മുഹമ്മദ് ബിന് സായിദ് ഇനീഷ്യേറ്റീവ് സിഇഒ മെയ്വന്ത് ജബര്ഖില് ലുലു പ്രൈവറ്റ് ലേബല് ഡയറക്ടര് ഷമീം സൈനുലാബ്ദീന് എന്നിവര് ചേര്ന്ന് ഇത് സംബന്ധിച്ച ധാരണാപത്രത്തില് ഒപ്പുവച്ചു. പ്രാദേശിക ഉത്പന്നങ്ങള്ക്ക് കൂടുതല് പിന്തുണയുമായി, എമിറാത്തി ഭക്ഷ്യ ഉത്പന്നങ്ങളുടെയും സുഗന്ധ ദ്രവ്യങ്ങളുടെയും സോഴ്സിംഗ് വര്ധിപ്പിക്കാനും തീരുമാനമായി. ഇത് സംബന്ധിച്ച ധാരണാ പത്രത്തില് ബവാബ്ത് ലിവാ ഫുഡ് ഇന്ഡസ്ട്രീസ് സിഇഒ ഹുമൈദ് അലി അല്സാബി അല് തായിബ് ഡയറക്ടര് നൗഷാദ് ടി.കെ എന്നിവര് ഒപ്പുവച്ചു. ഇത് കൂടാതെ, യുഎഇയിലെ വൈവിധ്യമാര്ന്ന തേന് ഉത്പന്നങ്ങള്, ഡേറ്റ്സ് സിറപ്പ്, കോഫി, മീറ്റ് പ്രൊഡക്ട്സ് തുടങ്ങിയവയുടെ പുതിയ ശേഖരവും ഗ്ലോബല് ഫുഡ് വീക്കില് ലുലു അവതരിപ്പിച്ചു. ഈ മാസം 23 വരെയാണ് ഗ്ലോബല് ഫുഡ് വീക്ക്.
