യുഎഇ, സഊദി അടക്കമുള്ള രാജ്യങ്ങളില് ഈദുല്ഫിത്വര് വെള്ളിയാഴ്ച
Sun, 22 Mar 2026
സാദിഖലി ശിഹാബ് തങ്ങളും എംഎ യൂസഫലിയും മുഖ്യാതിഥികള്
ദുബൈ: യുഎഇയുടെ 54ാമത് ദേശീയ ദിനാഘോഷം ദുബൈ കെഎംസിസി യുടെ ആഭിമുഖ്യത്തില് ഈദ് അല് ഇത്തിഹാദ് ഫെസ്റ്റ്- 2025 എന്ന പേരില് ഡിസംബര് 2 ന് ചൊവ്വാഴ്ച ദുബൈ മംസാറിലെ ശബാബ് അല് അഹ്ലി ക്ലബ്ബ് ഓപ്പണ് സ്റ്റേഡിയത്തില് വിപുലമായി സംഘടിപ്പിക്കുമെന്ന് പ്രസിഡന്റ് ഡോ. അന്വര് അമീന്, ജനറല് സെക്രട്ടറി യഹ്യ തളങ്കര, ട്രഷറര് പി.കെ ഇസ്മായില്, റാഷിദ് അസ്ലം എന്നിവര് വാര്ത്താ സമ്മേളനത്തില് അറിയിച്ചു.
യുഎഇ എക്കണോമി & ടൂറിസം വകുപ്പ് മന്ത്രി അബ്ദുല്ല ബിന് തൗഖ് അല് മറി ദേശീയ ദിനാഘോഷ പരിപാടി ഉദ്ഘാടനം ചെയ്യും. പാണക്കാട് സയ്യിദ് സാദിഖലി ശിഹാബ് തങ്ങള്, എം.എ യൂസഫലി മുഖ്യാതിഥികളാവും. അറബ് പ്രമുഖരും നയതന്ത്ര പ്രതിനിധികളും സാമൂഹ്യ, സാംസ്കാരിക മേഖലയിലെ ശ്രദ്ധേയ വ്യക്തിത്വങ്ങളും വ്യവസായ, വാണിജ്യ രംഗത്തെ പ്രമുഖരും പരിപാടിയില് പങ്കെടുക്കും. ദേശീയ ദിനാഘോഷത്തോടനുബന്ധിച്ച് ദുബൈ കെഎംസിസി ഏര്പ്പെടുത്തിയ ‘യുഎഇ നാഷണല് ഡെ എക്സലന്സ് അവാര്ഡിന് അല് മദീന ഗ്രൂപ്പ് ചെയര്മാന് പൊയില് അബ്ദുല്ല, കോണ്ഫിഡണ്ട് ഗ്രൂപ്പ് ചെയര്മാന് ഡോ. സി ജെ റോയ് എന്നിവരെ തെരഞ്ഞെടുത്തതായി ഭാരവാഹികള് അറിയിച്ചു. പ്രവാസലോകത്തും നാട്ടിലും ബിസിനസ് രംഗത്തുണ്ടാക്കിയ വളര്ച്ചയും സാമൂഹ്യസേവന, ജീവകാരുണ്യ മേഖലയില് മാതൃകാപരമായി നടത്തിവരുന്ന ഇടപെടലും മുന്നിര്ത്തിയാണ് അവാര്ഡ് സമ്മാനിക്കുന്നതെന്ന് ഭാരവാഹികള് അറിയിച്ചു. ഡിസംബര് 2 ന് ഉച്ചക്ക് ഒരു മണി മുതല് കുട്ടികള്ക്കുള്ള വിവിധ മത്സരങ്ങള് സ്റ്റേഡിയത്തില് നടക്കും. വൈകുന്നേരം 4 മണിക്ക് സാംസ്കാരിക ഘോഷയാത്രയും പരേഡും സംഘടിപ്പിക്കും. അയ്യാല നൃത്തം, ദഫ്, കോല്ക്കളി, മാര്ഗംകളി, ഒപ്പന തുടങ്ങി വൈവിധ്യമാര്ന്ന അറബ്, ഇന്ത്യന് കലാപ്രകടനങ്ങള്, ബാന്ഡ് മേളം, ചെണ്ടമേളം എന്നിവ ഘോഷയാത്രയെ വര്ണ്ണാഭമാക്കും. ഇന്തോ അറബ് സാംസ്കാരിക വിനിമയത്തിന്റെ ചരിത്രവും പാരമ്പര്യവും എടുത്തുകാട്ടുന്ന വിധമാണ് ഘോഷയാത്ര ഒരുക്കുന്നത്. ജില്ല തിരിച്ച് പ്രത്യേകം ബാനറിന് പിന്നില് അണിനിരന്നാണ് പ്രവര്ത്തകര് പരേഡിന്റെ ഭാഗമാവുക. ദുബൈ കെഎംസിസി ഹാപ്പിനസ് ടീം അംഗങ്ങളായ വളണ്ടിയര്മാര് നടത്തുന്ന മാര്ച്ച്പാസ്റ്റും സല്യൂട്ട് അര്പ്പിക്കലും ഇതിന്റെ ഭാഗമായി നടക്കും. അറബ് പ്രതിനിധികള്, പൊലീസ് ഉദ്യോഗസ്ഥര് തുടങ്ങി പ്രമുഖര് സല്യൂട്ട് സ്വീകരിക്കാനെത്തും. തുടര്ന്ന് രാത്രിയില് നടക്കുന്ന സമാപന സമ്മേളനത്തില് സിത്താര, കണ്ണൂര് ശരീഫ് എന്നിവര് നയിക്കുന്ന ‘പ്രൊജക്റ്റ് മലബാറിക്കസ്’ ബാന്റും ഗാനമേളയും അരങ്ങേറും. റാപ്പ് ഗായകന് ഡെബ്സിയുടെ ഗാനങ്ങളും പരിപാടിയിലുണ്ടാകും. ഇരുപതിനായിരം പേരെയാണ് പരിപാടിയില് പ്രതീക്ഷിക്കുന്നതെന്ന് കെഎംസിസി നേതാക്കള് പറഞ്ഞു. ദേശീയ ദിനാഘോഷങ്ങളുടെ ഭാഗമായി യുഎഇ ജനത ഒരുക്കുന്ന രക്തസാക്ഷി സ്മരണാഞ്ജലി (commemoration day) ദുബൈ കെഎംസിസിയിലും നടക്കും. നവംബര് 30 ഞായറാഴ്ച രാത്രി 7 മണിക്ക് ദുബൈ കെഎംസിസിയില് നടക്കുന്ന ചടങ്ങില് പ്രമുഖര് സംബന്ധിക്കും. ധീരരക്ത സാക്ഷികള്ക്ക് അഭിവാദ്യമര്പ്പിച്ച് തയാറാക്കിയ പ്രത്യേക ഡോക്യുമെന്ററി പ്രദര്ശനവും ഉണ്ടാകും.
വാര്ത്താസമ്മേളനത്തില് സംസ്ഥാന ഭാരവാഹികളായ ഇസ്മായില് ഏറാമല, കെ.പി.എ സലാം, ഇബ്രാഹിം മുറിച്ചാണ്ടി, എ.സി ഇസ്മായില്, അബ്ദുല്ല ആറങ്ങാടി, ഹംസ തൊട്ടിയില്, ഒ.മൊയ്തു, ബാബു എടക്കുളം, പി.വി നാസര്, അഡ്വ.ഇബ്രാഹിം ഖലീല്, അഫ്സല് മെട്ടമ്മല്, റഈസ് തലശ്ശേരി, അഹമ്മദ് ബിച്ചി, നാസ്സര് മുല്ലക്കല്, ഷഫീഖ് സലാഹുദ്ധീന് എന്നിവരും സന്നിഹിതരായിരുന്നു.
പൊയില് അബ്ദുല്ലക്കും ഡോ.സി.ജെ റോയ്ക്കും
യുഎഇ നേഷണല് ഡേ എക്സലന്സ് അവാര്ഡ്
ദുബൈ: ദുബൈ കെഎംസിസി ഏര്പ്പെടുത്തിയ യുഎഇ നേഷണല് ഡേ എക്സലന്സ് അവാര്ഡിന് പൊയില് അബ്ദുല്ലയെയും ഡോ.സി.ജെ റോയിയെയും തെരഞ്ഞെടുത്തതായി പ്രസിഡന്റ് ഡോ.അന്വര് അമീന്, ജനറല് സെക്രട്ടറി യഹ്യ തളങ്കര, ട്രഷറര് പി.കെ ഇസ്മായില്, റാഷിദ് അസ്ലം ബിന് മുഹ്യിദ്ദീന് എന്നിവര് വാര്ത്താസമ്മേളനത്തില് അറിയിച്ചു. യുഎഇ നാഷണല് ഡേ എക്സലന്സ് അവാര്ഡിന് തെരഞ്ഞെടുത്ത പൊയില് അബ്ദുല്ല അല് മദീന ഗ്രൂപ്പ് ചെയര്മാനാണ്. ചന്ദ്രിക ഡരയരക്ടര് കൂടിയായ അദ്ദേഹം നിരവധി ജീവകാരുണ്യ സ്ഥാപനങ്ങളുടെയും സംഘടനകളുടെയും നേതൃത്തിലുണ്ട്. ഡോ. സി ജെ റോയ് കോണ്ഫിഡണ്ട് ഗ്രൂപ്പ് ചെയര്മാനാണ്. പ്രവാസലോകത്തും നാട്ടിലും ബിസിനസ് രംഗത്തുണ്ടാക്കിയ വളര്ച്ചയും സാമൂഹ്യസേവന, ജീവകാരുണ്യ മേഖലയില് മാതൃകാപരമായി നടത്തിവരുന്ന ഇടപെടലും മുന്നിര്ത്തിയാണ് രണ്ടുപേര്ക്കും അവാര്ഡ് സമ്മാനിക്കുന്നതെന്ന് ഭാരവാഹികള് പറഞ്ഞു. ഡിസംബര് 2ന് ഉച്ചക്ക് 1 മണി മുതല് കുട്ടികള്ക്കുള്ള വിവിധ മത്സരങ്ങള് സ്റ്റേഡിയത്തില് നടക്കും. വൈകീട്ട് 4 മണിക്ക് സാംസ്കാരിക ഘോഷയാത്രയും പരേഡും സംഘടിപ്പിക്കും. തുടര്ന്ന് നടക്കുന്ന പൊതുസമ്മേളനത്തില് വെച്ചായിരിക്കും അവാര്ഡ് സമ്മാനിക്കുക. ദുബൈ കെഎംസിസി ഹാപ്പിനസ് ടീം അംഗങ്ങളായ വളണ്ടിയര്മാര് നടത്തുന്ന മാര്ച്ച്പാസ്റ്റും സല്യൂട്ട് അര്പ്പിക്കലും ഇതിന്റെ ഭാഗമായി നടക്കും. അറബ് പ്രതിനിധികള് , പൊലീസ് ഉദ്യോഗസ്ഥര് തുടങ്ങി പ്രമുഖര് സല്യൂട്ട് സ്വീകരിക്കാനെത്തും.
