ദുബൈയില്‍ വന്‍ വിസ തട്ടിപ്പ്: 161 പേര്‍ക്ക് പിഴയും നാടുകടത്തലും
Thu, 25 Sep 2025
ആര്‍ട്ടിഫിഷ്യല്‍ ഇന്റലിജന്‍സും ഊര്‍ജവും
അബുദാബി: യുഎഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍, കൃത്രിമ ബുദ്ധി, ഊര്‍ജം എന്നിവയെക്കുറിച്ചുള്ള ജി-7 ഉച്ചകോടിയില്‍ പങ്കെടുക്കാന്‍ ഇറ്റലിയിലെത്തി. ഉച്ചകോടിക്ക് ആതിഥേയത്വം വഹിക്കുന്ന ഇറ്റാലിയന്‍ റിപ്പബ്ലിക്കിന്റെ പ്രധാനമന്ത്രി ജോര്‍ജിയ മെലോണിയുടെ ക്ഷണത്തെ തുടര്‍ന്നാണ് യുഎഇ പ്രസിഡന്റ് സ്ഥലത്തെത്തിയത്. വര്‍ത്തമാനകാല ആഗോള വെല്ലുവിളികളെക്കുറിച്ചും അന്താരാഷ്ട്ര സഹകരണം ശക്തിപ്പെടുത്തുന്നതിന് ലക്ഷ്യമിടുന്ന ശ്രമങ്ങളെക്കുറിച്ച് ഇരുനേതാക്കളും ചര്‍ച്ച ചെയ്യും. ആത്യന്തികമായി വരും തലമുറകള്‍ക്ക് മികച്ചതും കൂടുതല്‍ സമ്പന്നവുമായ ഭാവിക്കായി ഇരു രാഷ്ട്രങ്ങളും പ്രവര്‍ത്തിക്കുന്നതില്‍ ഊന്നല്‍ നല്‍കും. അബുദാബി ഡെപ്യൂട്ടി ഭരണാധികാരിയും ദേശീയ സുരക്ഷാ ഉപദേഷ്ടാവുമായ ശൈഖ് തഹ്നൂന് ബിന്‍ സായിദ് അല്‍ നഹ്യാന്‍ ഉള്‍പ്പെടുന്ന ഒരു പ്രതിനിധി സംഘവും പ്രസിഡന്റിനൊപ്പമുണ്ട്. ശൈഖ് ഹംദാന്‍ ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍; പ്രസിഡന്‍ഷ്യല്‍ കോടതിയിലെ പ്രത്യേക കാര്യ ഉപദേഷ്ടാവ് ശൈഖ് മുഹമ്മദ് ബിന്‍ ഹമദ് ബിന്‍ തഹ്നൂന് അല്‍ നഹ്യാന്‍; ദേശീയ സുരക്ഷാ സുപ്രീം കൗണ്‍സില്‍ സെക്രട്ടറി ജനറല്‍ അലി ബിന്‍ ഹമ്മദ് അല്‍ ഷംസി, റീം ബിന്‍ത് ഇബ്രാഹിം അല്‍ ഹാഷിമി, രാജ്യാന്തര സഹകരണ സഹമന്ത്രി ഡോ. ഡോ സുല്‍ത്താന്‍ ബിന്‍ അഹമ്മദ് അല്‍ ജാബര്‍, വ്യവസായ അഡ്വാന്‍സ്ഡ് ടെക്‌നോളജി മന്ത്രി; ഒമര്‍ ബിന്‍ സുല്‍ത്താന്‍ അല്‍ ഒലാമ, ആര്‍ട്ടിഫിഷ്യല്‍ ഇന്റലിജന്‍സ്, ഡിജിറ്റല്‍ ഇക്കോണമി, റിമോട്ട് വര്‍ക്ക് ആപ്ലിക്കേഷനുകള്‍ എന്നിവയുടെ സഹമന്ത്രി; എക്‌സിക്യൂട്ടീവ് അഫയേഴ്‌സ് അതോറിറ്റി ചെയര്‍മാന്‍ ഖല്‍ദൂന്‍ ഖലീഫ അല്‍ മുബാറക്, സ്ട്രാറ്റജിക് റിസര്‍ച്ച് ആന്‍ഡ് അഡ്വാന്‍സ്ഡ് ടെക്‌നോളജി അഫയേഴ്‌സ് യു.എ.ഇ പ്രസിഡന്റിന്റെ ഉപദേഷ്ടാവ് ഫൈസല്‍ അബ്ദുല്‍ അസീസ് അല്‍ ബന്നായി; യുഎസിലെ യു എ ഇ അംബാസഡര്‍ യൂസഫ് അല്‍ ഒതൈബ, റിപ്പബ്ലിക് ഓഫ് ഇറ്റലിയിലെ യുഎഇ അംബാസഡര്‍ അബ്ദുല്ല അലി അല്‍ സുബൂസി എന്നിവര്‍ സന്നിഹിതരാണ്.
