ദുബൈയില്‍ വന്‍ വിസ തട്ടിപ്പ്: 161 പേര്‍ക്ക് പിഴയും നാടുകടത്തലും
Thu, 25 Sep 2025
അബുദാബി: ജൂണ്‍ 15 മുതല്‍ ജൂണ്‍ 18 വരെയുള്ള പെരുന്നാള്‍ അവധി ദിവസങ്ങളില്‍ അബുദാബിയില്‍ ടോളും പാർക്കിംഗും സൗജന്യമായിരിക്കുമെന്ന് അബുദാബി മൊബിലിറ്റി അറിയിച്ചു. അബുദാബി എമിറേറ്റിലുടനീളമുള്ള കസ്റ്റമേഴ്‌സ് ഹാപ്പിനസ് സെന്ററുകള്‍ അവധിക്കാലത്ത് അടച്ചിടുമെന്നും ജൂണ്‍ 19 ബുധനാഴ്ച പ്രവര്‍ത്തനം പുനരാരംഭിക്കുമെന്നും എഡി മൊബിലിറ്റിയുടെ അറിയിപ്പില്‍ പറയുന്നു. എന്നാല്‍ സേവനങ്ങള്‍ക്കായി വെബ്‌സൈറ്റ് വഴി ഓണ്‍ലൈനായി അപേക്ഷിക്കാം- https://admobiltiy.gov.ae, Darbi, Darb വെബ്‌സൈറ്റുകള്‍, ആപ്പുകള്‍, കൂടാതെ അബുദാബിയിലെ ഡിജിറ്റല്‍ സര്‍ക്കാര്‍ സേവനങ്ങള്‍ക്കായുള്ള ‘TAMM’ പ്ലാറ്റ്‌ഫോം വഴിയും. കൂടാതെ, ഉപഭോക്താക്കള്‍ 24/7 സേവനങ്ങള്‍ അഭ്യര്‍ത്ഥിക്കുന്നതിന് മുനിസിപ്പാലിറ്റി ആന്റ് ട്രാന്‍സ്‌പോര്‍ട്ട് വകുപ്പിന്റെ ഏകീകൃത സേവന പിന്തുണാ കേന്ദ്രവുമായി 800850 എന്ന നമ്പറിലോ ടാക്‌സി കോള്‍ സെന്റര്‍: 600535353 എന്ന നമ്പറിലോ ബന്ധപ്പെടാം. മവാഖിഫ് ഉപരിതല പാര്‍ക്കിംഗ് ഫീസ് ജൂണ്‍ 15 ശനിയാഴ്ച മുതല്‍ 2024 ജൂണ്‍ 19 ബുധനാഴ്ച രാവിലെ 7:59 വരെ സൗജന്യമായിരിക്കും. കൂടാതെ, മുസഫ എം-18 ട്രക്ക് പാര്‍ക്കിംഗ് ലോട്ടിലെ പാര്‍ക്കിംഗ് ഫീസും സൗജന്യമായിരിക്കും. നിരോധിത സ്ഥലങ്ങളില്‍ വാഹനങ്ങള്‍ പാര്‍ക്ക് ചെയ്യുന്നത് ഒഴിവാക്കാനും ഗതാഗതം തടയാനും ഡ്രൈവര്‍മാരോട് ആവശ്യപ്പെട്ടു. കൂടാതെ നിയുക്ത സ്ഥലങ്ങളില്‍ കൃത്യമായി പാര്‍ക്ക് ചെയ്യാനും രാത്രി 9:00 മുതല്‍ 8:00 AM വരെ പാര്‍പ്പിട പാര്‍ക്കിംഗ് സ്ഥലങ്ങളില്‍ പാര്‍ക്കിംഗ് ഒഴിവാക്കാനും നിര്‍ദ്ദേശമുണ്ട്. ജൂണ്‍ 15 ശനിയാഴ്ച മുതല്‍ ഈദ് അവധിക്കാലത്ത് ഡാര്‍ബ് ടോള്‍ ഗേറ്റ് സംവിധാനം സൗജന്യമായിരിക്കും. ടോള്‍ ഗേറ്റ് ഫീസ് ജൂണ്‍ 19 ബുധനാഴ്ച വീണ്ടും തുടങ്ങും.
എമിറേറ്റിലെ ലോക്കല്‍, റീജിയണല്‍ ബസ് സര്‍വീസുകള്‍ ഉള്‍പ്പെടെയുള്ള പൊതു ബസ് സര്‍വീസുകള്‍ വാരാന്ത്യങ്ങളില്‍ പിന്തുടരുന്ന പതിവ് ഷെഡ്യൂള്‍ അനുസരിച്ച് പ്രവര്‍ത്തിക്കും. ഈദിലെ തിരക്ക് പരിഗണിച്ച് പ്രാദേശിക ബസ് ട്രിപ്പുകളുടെ എണ്ണം വര്‍ദ്ധിപ്പിക്കും. ഇന്റര്‍സിറ്റി ബസ് സര്‍വീസുകളും എമിറേറ്റുകള്‍ക്കിടയിലുള്ള ബസുകളും ആവശ്യാനുസരണം വര്‍ധിപ്പിക്കും. അവധിക്കാലത്ത് അബുദാബി എക്‌സ്പ്രസും ‘അബുദാബി ലിങ്ക്’ ബസ് ഓണ്‍ ഡിമാന്‍ഡ് സര്‍വീസുകളും രാവിലെ 6:00 മുതല്‍ രാത്രി 11:00 വരെ പ്രവര്‍ത്തിക്കും.
