സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Thu, 21 Aug 2025
അബുദാബി: എഴുത്തുകാരനും പ്രഭാഷകനുമായ ഷരീഫ് സാഗര്‍ രചനയും എഡിറ്റി ങ്ങും നിര്‍വഹിച്ച് അബുദാബി കെഎംസിസി സംസ്ഥന കമ്മിറ്റി പ്രസിദ്ധീകരിക്കുന്ന ‘അന്നൊരു അബുദാബിക്കാലത്ത്’ കെഎംസിസി ചരിത്ര പുസ്തകം ഇന്ന് പ്രകാശിതമാകും. രാത്രി 8.30ന് അബുദാബി ഇന്ത്യന്‍ ഇസ്‌ലാമിക് സെന്ററില്‍ നടക്കുന്ന പ്രകാശന ചടങ്ങില്‍ മുസ്‌ലിംലീഗ് ദേശീയ വൈസ് പ്രസിഡന്റ് കെ.സൈനുല്‍ ആബിദീന്‍, വേള്‍ഡ് കെഎംസിസി ജനറല്‍ സെക്രട്ടറി ഡോ.പുത്തൂര്‍ റഹ്മാന്‍,മുസ്‌ലിം യൂത്ത്‌ലീഗ് ജനറല്‍ സെക്രട്ടറി പികെ ഫിറോസ്,ഗ്രന്ഥകാരന്‍ ഷരീഫ് സാഗര്‍ പങ്കെടുക്കും. അബുദാബി കെഎംസിസി ട്രഷററും ജീവകാരുണ്യ പ്രവര്‍ത്തകനുമായിരുന്ന സിഎച്ച് അസ്‌ലം സ്മരണികയുടെ ഗള്‍ഫ്തല പ്രകാശനവും ചടങ്ങില്‍ നടക്കും. കെഎംസിസിയുടെ ചരിത്രം പറയുന്ന പുസ്തകം ആദ്യമായാണ് പുറത്തിറങ്ങുന്നത്. നിരവധി പേരുടെ ഓര്‍മകളില്‍ നിന്നും വാമൊഴിയില്‍ നിന്നും ലഭിച്ച വിവരങ്ങളുടെ ക്രോഡീകരണം കൂടിയാണ് പുസ്തകം. ചന്ദ്രിക റീഡേഴ്‌സ് ഫോറം മുതല്‍ വര്‍ത്തമാനകാല കെഎംസിസി വരെയുള്ള നാലു പതിറ്റാണ്ടിന്റെ ചരിത്രം വിവരിക്കുന്ന പുസ്തകം വായനക്കാര്‍ക്ക് മുതല്‍ക്കൂട്ടാകും.
