വീടുകളിലെ പൂന്തോട്ടങ്ങള്‍ക്ക് സമ്മാനങ്ങള്‍ പ്രഖ്യാപിച്ച് ദുബൈ മുനിസിപ്പാലിറ്റി
Wed, 05 Nov 2025
അബുദാബി: ഡ്രൈവര്‍മാര്‍ക്ക് നാല് ബ്ലാക്ക് പോയിന്റുകള്‍ റിവാര്‍ഡ് നല്‍കുന്ന അപകടരഹിത ദിനം യുഎഇ പ്രഖ്യാപിച്ചു. വിദ്യാലയങ്ങള്‍ വേനല്‍ക്കാല അവധി കഴിഞ്ഞ് രണ്ട് മാസത്തെ ഇടവേളയ്ക്ക് ശേഷം റോഡിലെ ഗതാഗതം വര്‍ദ്ധിക്കുന്നതിനാല്‍ സുരക്ഷ ഉറപ്പാക്കുക എന്നതാണ് ഈ സംരംഭത്തിന്റെ ലക്ഷ്യം. വേനല്‍ക്കാല അവധിക്കാലം അവസാനിക്കുകയും യുഎഇ വീണ്ടും സ്‌കൂളുകളിലേക്ക് മടങ്ങാന്‍ ഒരുങ്ങുകയും ചെയ്യുന്ന വേളയിലാണ് ആഭ്യന്തര മന്ത്രാലയം ആഗസ്ത് 25ന് അപകടങ്ങളില്ലാത്ത ഒരു ദിനം ആയി തീരുമാനിച്ചിട്ടുള്ളത്. രാജ്യത്തുടനീളമുള്ള എല്ലാ പൊലീസ് വകുപ്പുകളുമായും ഏകോപിപ്പിച്ച് ആഭ്യന്തര മന്ത്രാലയം ഈ സംരംഭം നടത്തും. രാജ്യത്ത് വാഹനമോടിക്കുന്നവരെ പ്രോത്സാഹിപ്പിക്കുന്നതിനായി, ഈ ദിവസം ഗതാഗത നിയമങ്ങള്‍ ലംഘിക്കാത്തവര്‍ക്കായി മന്ത്രാലയം ഒരു റിവാര്‍ഡ് സംവിധാനം ഏര്‍പ്പെടുത്തിയിട്ടുണ്ട്. ആഭ്യന്തര മന്ത്രാലയത്തിന്റെ ഔദ്യോഗിക വെബ്‌സൈറ്റില്‍ നിങ്ങള്‍ ഒരു പ്രതിജ്ഞ സമര്‍പ്പിക്കുകയും ആഗസ്ത് 25 ന് നിയമലംഘനങ്ങള്‍ രജിസ്റ്റര്‍ ചെയ്യാതിരിക്കുകയും ചെയ്താല്‍, നിങ്ങളുടെ ഡ്രൈവിംഗ് ലൈസന്‍സില്‍ നിന്ന് നാല് ബ്ലാക്ക് പോയിന്റുകള്‍ കുറയ്ക്കും. നിയമം കൃത്യമായി പാലിച്ചവര്‍ക്ക് സെപ്തംബര്‍ 15 നകം കിഴിവ് ഇലക്ട്രോണിക് രീതിയില്‍ ലഭ്യമാകും. ഇതിനായി ഏതെങ്കിലും കേന്ദ്രങ്ങള്‍ സന്ദര്‍ശിക്കേണ്ടതിന്റെ ആവശ്യകത ഇല്ല. കുട്ടികള്‍ സ്‌കൂളില്‍ പോകുന്ന ദിവസം സുരക്ഷ വര്‍ദ്ധിപ്പിക്കുക മാത്രമല്ല, ആവര്‍ത്തിച്ചുള്ള ഗതാഗത ലംഘനങ്ങളെക്കുറിച്ച് അവബോധം വളര്‍ത്തുക കൂടിയാണ് ഈ സംരംഭത്തിന്റെ ലക്ഷ്യമെന്ന് ഫെഡറല്‍ ട്രാഫിക് കൗണ്‍സില്‍ ചെയര്‍മാന്‍ ബ്രിഗേഡിയര്‍ ഹുസൈന്‍ അഹമ്മദ് അല്‍ ഹരിതി പറഞ്ഞു. വാഹനമോടിക്കുന്നവര്‍ സീറ്റ് ബെല്‍റ്റ് ധരിക്കാനും, റോഡിലെ വേഗത പരിധി പാലിക്കാനും, മറ്റ് വാഹനങ്ങളില്‍ നിന്ന് സുരക്ഷിതമായ അകലം പാലിക്കാനും, മൊബൈല്‍ ഫോണ്‍ പോലുള്ള ശ്രദ്ധ തിരിക്കാതെ വാഹനമോടിക്കാനും, അടിയന്തര വാഹനങ്ങള്‍ക്കും ഔദ്യോഗിക വാഹനങ്ങള്‍ക്കും വഴിമാറാനും നിര്‍ദേശമുണ്ട്.
