സി എച്ച് രാഷ്ട്രസേവാ പുരസ്‌കാരം പ്രൊഫ. ഖാദര്‍ മൊയ്തീന്; പുരസ്‌കാര സമര്‍പണം ഒക്ടോബര്‍ 4ന് ദുബൈയില്‍
Sun, 21 Sep 2025
കാസര്‍കോട് സിഎച്ച് സെന്റര്‍ മുഖേന മണ്ഡലം കെഎംസിസി നടപ്പാക്കുന്ന '365 ഡയാലിസിസ് ചികിത്സ' പദ്ധതിക്കുള്ള ധനസഹായം കൈമാറി
അബുദാബി: കെഎംസിസി കാസര്‍കോട് മണ്ഡലം കമ്മിറ്റി സംഘടിപ്പിച്ച ‘കാസറഗോഡ് ഫെസ്റ്റ്’ മികച്ച സംഘാടനവും പരിപാടികളുടെ വൈവിധ്യവും പങ്കാളിത്തം കൊണ്ടും ശ്രദ്ധേയമായി. അബുദാബി ബാഹിയ സ്റ്റേഡിയത്തില്‍ നടന്ന സംഗമത്തില്‍ കലാ,കായിക,സാംസ്‌കാരിക പരിപാടികള്‍ അരങ്ങേറി. കുട്ടികള്‍ക്കും വനിതകള്‍ക്കുമായി ഒരുക്കിയ വിവിധ മത്സരങ്ങള്‍, സോക്കര്‍ ഫെസ്റ്റ്,അവാര്‍ഡ്ദാന ചടങ്ങ് എന്നിവ ഫെസ്റ്റിനെ വര്‍ണാഭമാക്കി.
ആയിരക്കണക്കിന് ആളുകളെ ആകര്‍ഷിച്ച ഫെസ്റ്റ് യുഎഇയുടെ വിവിധ എമിറേറ്റുകളില്‍ നിന്നുള്ള കാസറഗോഡ് സ്വദേശികളും കെഎംസിസി പ്രവര്‍ത്തകരും സമ്മേളിച്ച മഹാസംഗമമായി മാറി. വേള്‍ഡ് കെഎംസിസി വൈസ് പ്രസിഡന്റ് യു.അബ്ദുല്ല ഫാറൂഖി ഫെസ്റ്റ് ഉദ്ഘാടനം ചെയ്തു. മണ്ഡലം കെഎംസിസി പ്രസിഡന്റ് അസീസ് ആറാട്ട്കടവ് അധ്യക്ഷനായി. ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ് നിസാര്‍ തളങ്കര,മണ്ഡലം മുസ്‌ലിലിഗ് പ്രസിഡന്റ് മാഹിന്‍ കേളോട്ട്,എംഎസ്എഫ് സംസ്ഥാന സെക്രട്ടറി അഡ്വ.നജാഫ്,അബുദാബി കെഎംസിസി സംസ്ഥാന പ്രസിഡന്റ് ഷൂക്കൂര്‍ അലി കല്ലുങ്ങല്‍,ദുബൈ കെഎംസിസി സംസ്ഥാന സെക്രട്ടറി അഡ്വ.ഇബ്രാഹീം ഖലീല്‍,അബുദാബി കെഎംസിസി സംസ്ഥാന സെക്രട്ടറി ഹനീഫ് പടിഞ്ഞാറ്മൂല,അബുദാബി മലയാള സമാജം പ്രസിഡന്റ് സലീം ചിറക്കല്‍,കെഎംസിസി കാസര്‍കോട് ജില്ലാ പ്രസിഡന്റ് അബ്ദുറഹ്മാന്‍ ഹാജി,ദുബൈ കെഎംസിസി ജില്ലാ പ്രസിഡന്റ് സലാം കന്യാപ്പാടി,ലോയേഴ്‌സ് ഫോറം ജില്ലാ പ്രസിഡന്റ് അഡ്വ.ഫൈസല്‍ പ്രസംഗിച്ചു.
കാസര്‍കോട് സിഎച്ച് സെന്റര്‍ മുഖേന നടപ്പാക്കുന്ന ‘365 ഡയാലിസിസ് ചികിത്സ’ പദ്ധതിക്കുള്ള ധനസഹായം സിഎച്ച് സെന്റര്‍ ജനറല്‍ കണ്‍വീനറും മുസ്‌ലിംലീഗ് മണ്ഡലം പ്രസിഡന്റുമായ മാഹിന്‍ കേളോട്ടിന് ഭാരവാഹികള്‍ കൈമാറി.
നിര്‍മാണത്തിലിരിക്കുന്ന കാസര്‍കോട് ജില്ലാ മുസ്‌ലിംലീഗ് ആസ്ഥാന മന്ദിരത്തിനായി മണ്ഡലം കെഎംസിസിയുടെ 10 ലക്ഷം സഹായധനം യുഎഇ കോര്‍ഡിനേഷന്‍ കമ്മിറ്റി ഭാരവാഹികള്‍ക്ക് കൈമാറി.ചെര്‍ക്കളം അബ്ദുല്ല സ്മാരക ബിസിനസ് എക്‌സലന്‍സ് അവാര്‍ഡ് ഡോ.അബൂബക്കര്‍ കുറ്റിക്കോലിന് ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ് നിസാര്‍ തളങ്കരയും ടിഇ അബ്ദുല്ല സ്മാരക ഹ്യൂമാനിറ്റേറിയന്‍ അവാര്‍ഡ് സ്‌കൈ ഗ്രൂപ്പ് എംഡി ഷരീഫ് കോളിയാടിനു മണ്ഡലം മുസ്‌ലിംലീഗ് പ്രസിഡന്റ് മാഹിന്‍ കേളോട്ടും പിബി അബ്ദുറസാഖ് സ്മാരക യങ് ബിസിനസ് അവാര്‍ഡ് അറബ്‌സ്‌കോ ഗ്രൂപ്പ് കോ ഫൗണ്ടേഴ്‌സ് നജീബ് ആന്റ് മുജീബ് ബ്രദേഴ്‌സിന് അബുദാബി കെഎംസിസി സംസ്ഥാന പ്രസിഡന്റ് ഷുക്കൂര്‍ അലി കല്ലുങ്ങലും സമ്മാനിച്ചു.
യുഎഇയിലെ 12 പ്രമുഖ ടീമുകള്‍ അണിനിരന്ന സോക്കര്‍ മത്സരത്തില്‍ മൊഗ്രാല്‍ പുത്തൂര്‍ പഞ്ചായത്തിന് വേണ്ടി മത്സരിച്ച അബാസ്‌ക്കസ് കാസര്‍കോട് ടീം ജേതാക്കളായി. റിവൈറ ടീം റണ്ണേഴ്‌സ് ട്രോഫി നേടി. അഷറഫ് ആദൂര്‍ സ്വാഗതവും ബദറുദ്ദീന്‍ ബെല്‍ത്ത നന്ദിയുംഅറിയിച്ചു.
