ഇമാറാത്തിന്റെ നീലാകാശത്ത് വിസ്മയം തീര്ക്കാനൊരുങ്ങി യുണൈറ്റഡ് പി ആര് ഒ അസോസിയേഷന്
Sun, 14 Dec 2025
അല്ഐന് : യുഎഇയുടെ ചരിത്രത്തില് സുപ്രധാന അധ്യായം ഉള്ക്കൊള്ളുന്ന അല്ഐനില് ഈത്തപ്പഴ മേള ശ്രദ്ധേയമായി. യുഎഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡന്ഷ്യല് കോട തി ചെയര്മാനുമായ ശൈഖ് മന്സൂര് ബിന് സായിദ് അല് നഹ്യാന്റെ രക്ഷാകര്തൃത്വത്തില് അബുദാബി ഹെറിറ്റേജ് അതോറിറ്റിയാണ് ഈത്തപ്പഴമേള സംഘടിപ്പിച്ചിട്ടുള്ളത്. അല്ഐന് മേഖലയിലെ ഭരണാധികാരി പ്രതിനിധി ശൈഖ് ഹസ്സ ബിന് സായിദ് അല് നഹ്യാന്റെ പര്യടനത്തോടെയാണ് ഫെസ്റ്റിവെലിന് തുടക്കമായത്. അല്ഹിലി ഒയാസിസിലാണ് ഫെസ്റ്റിവല് ഒരുക്കിയത്. പ്രാദേശിക കൃഷിയിടങ്ങള് സംരക്ഷിക്കുന്ന തിലും അഫ്ലാജ് ജലസേചന സംവിധാനം നിലനിര്ത്തുന്നതിലും അവയുടെ ചരിത്രപരമായ പ്രാധാന്യത്തെ ക്കുറിച്ചും അദ്ദേഹം വിശദീകരിച്ചു. ചരിത്ര സ്മാരകങ്ങള് സംരക്ഷിക്കുന്നതിനുള്ള തുടര്ച്ചയായ ശ്രമങ്ങളെ ശൈഖ് ഹസ്സ അഭിനന്ദിച്ചു.
അല്ഹിലി ഒയാസിസ് സന്ദര്ശിച്ച അദ്ദേഹം പരമ്പരാഗത കൃഷിക്കും അഫ്ലാജ് ജലസേചന സം വിധാനത്തിനും നല്കുന്ന സംഭാവനകളെക്കുറിച്ചും യുഎഇയുടെ സമ്പന്നമായ പൈതൃകത്തിന്റെ അടിസ്ഥാനമെന്ന വിശേഷിപ്പിക്കാവുന്ന ഒയാസിസിന്റെ പ്രാധാന്യത്തെക്കുറിച്ചും അദ്ദേഹം എടുത്തുപറഞ്ഞു. സന്ദര്ശന വേളയില്, ഈന്തപ്പനകള് നട്ടുവളര്ത്തുന്നതിനും യുഎഇയുടെ കാര്ഷിക മേഖലയെ മുന്നോട്ട് കൊണ്ടുപോകുന്നതിനുമുള്ള ദീര്ഘവീക്ഷണമുള്ള ശൈഖ് സായിദ് ബിന് സുല്ത്താന് അല്നഹ്യാന്റെ ശ്രമങ്ങള് രേഖപ്പെടുത്തുന്ന ഫോട്ടോ ആര്ക്കൈവ് എക്സിബിഷന് ശൈഖ് ഹസ്സ സന്ദര്ശിച്ചു.
കൂടാതെ, ഭക്ഷണത്തിനായി ‘സുറൂഡ്’ മാറ്റുകള്, ഈത്തപ്പഴം സൂക്ഷിക്കുന്നതിനുള്ള ‘സഫ’ കൊട്ടക ള്, ഈത്തപ്പഴം കയറുന്നതിനുള്ള ‘ഹബൂള്’ ബെല്റ്റ്, ‘മഹാഫ’ ഒരു ഹാന്ഡ് ഫാന്, ഈത്തപ്പഴം ഉപയോഗി ച്ച് തയ്യാറാക്കിയ പരമ്പരാഗത വിഭവങ്ങള് എന്നിവയുള്പ്പെടെ പരമ്പരാഗത ഈത്തപ്പന അധിഷ്ഠിത കരകൗ ശല വസ്തുക്കള് അദ്ദേഹം നോക്കിക്കണ്ടു. യുഎഇയുടെ ആഴത്തില് വേരൂന്നിയ സാംസ്കാരിക സ്വത്വത്തെ പ്രതിഫലിപ്പിക്കുന്ന, ആധികാരിക എമിറാത്തി പൈതൃകത്തെ കരകൗശല വൈദഗ്ധ്യവുമായി തടസ്സമില്ലാതെ സംയോജിപ്പിക്കുന്നതിന്റെ രൂപകല്പ്പനയെക്കുറിച്ച് അദ്ദേഹത്തിന് വിശദീകരിച്ചു. കാര്ഷിക അറിവ് പ്രോ ത്സാഹിപ്പിക്കുന്നതിനും ഇമാറാത്തിലെ ഈത്തപ്പനയുടെ ചരിത്രപരമായ പ്രാധാന്യം ആഘോഷിക്കുന്നതിനു മുള്ള വേദികൂടിയായി മാറി.
