അബുദാബി മലപ്പുറം ജില്ലാ കെഎംസിസി’മൈ ചന്ദ്രിക’ പ്രചാരണ സംഗമം പ്രൗഡമായി
Tue, 26 Aug 2025
അബുദാബി : പുതുവത്സര രാവില്‍ അബുദാബി കോര്‍ണിഷിലെ ഏറ്റവും മികച്ച വെടിക്കെട്ട് കാഴ്ചകള്‍ ആസ്വദിക്കാന്‍ താമസക്കാരും വിനോദസഞ്ചാരികളും ഒഴുകിയെത്തി. വെടിക്കെട്ടിനൊപ്പം രണ്ടുപേര്‍ ആകാശത്തേക്ക് ഉയര്‍ന്ന് പറക്കുന്ന കാഴ്ച വെടിക്കെട്ടിന് വെളിച്ചത്തിനൊപ്പം വിസ്മയക്കാഴ്ചയായി. കല്‍വിസ് ലക്കൂസും സീന്‍ ഷെര്‍ലിയുമാണ് വേറിട്ട കാഴ്ച ഒരുക്കിയത്. കോസ്മിക് സ്‌പേസ് അട്രാക്ഷനിലെ രണ്ട് ഇന്‍സ്ട്രക്ടര്‍മാര്‍ യുഎഇ പതാകയും വഹിച്ചുകൊണ്ട് സ്വതന്ത്രമായി ആകാശത്ത് പറന്നു. ക്ലോക്ക് പന്ത്രണ്ടില്‍ എത്തിയതോടെ പടക്കങ്ങളും ലേസര്‍ ലൈറ്റുകളും ആകാശത്ത് തെളിഞ്ഞു.
ഇരുവരും മാറിമാറി പറക്കാനും ഫെസ്റ്റിവലിന്റെ മേല്‍ക്കൂരയില്‍ നിന്ന് 10 മീറ്ററെങ്കിലും മുകളിലേക്ക് ഉയര്‍ന്നു. സ്‌കൈലൈനില്‍ പടക്കങ്ങളുമായി പറക്കുന്നത് പുതിയ കാര്യമല്ലെങ്കിലും അബുദാബിയിലെ അനുഭവം വ്യത്യസ്തമായിരുന്നു. എട്ട് മിനിറ്റ് നേരം പറന്നു നടന്നു. ദുബൈ ഗ്ലോബല്‍ വില്ലേജിലും വെടിക്കെട്ടും ഡ്രോണ്‍ ഷോകളും നടത്തി. ലോകത്തിലെ ഏറ്റവും ഉയരം കൂടിയ ടവറായ ബുര്‍ജ് ഖലീഫയില്‍ ഒരുക്കിയ വര്‍ണക്കാഴ്ചകള്‍ താമസക്കാരെയും വിനോദസഞ്ചാരികളെയും ഒരുപോലെ ആസ്വദിച്ചു. പലര്‍ക്കും പുതുവത്സരം ആഘോഷിക്കുന്നതിനുള്ള ഒരു ഐക്കണിക് സ്ഥലമായി ബുര്‍ജി ഖലീഫയെ തെരഞ്ഞുടുത്തു. അബുദാബി ശൈഖ് സായിദ് ഫെസ്റ്റിവലില്‍ സ്ഥാപക പിതാവ് ശൈഖ് സായിദിന്റെ ഫോട്ടോ ആകാശത്ത് രൂപപ്പെടുത്താന്‍ 3,000 ഡ്രോണുകള്‍ ഒത്തുചേര്‍ന്നു. സംഗീതം ഈണത്തില്‍ മുഴങ്ങി. ഡ്രോണുകള്‍ ഉപയോഗിച്ച് രൂപീകരിച്ച ഏറ്റവും വലിയ ഫോട്ടോയുടെ റെക്കോര്‍ഡ് തകര്‍ക്കാനാണ് ഫെസ്റ്റിവല്‍ സാക്ഷ്യം വഹിച്ചത്. 6,000 ഡ്രോണുകള്‍ ആകാശത്ത് വര്‍ണം വിതറിയപ്പോള്‍ ശൈഖ് സായിദ് ഫെസ്റ്റിവലില്‍ എത്തിയ ജനക്കൂട്ടം 53 മിനിറ്റ് നിര്‍ത്താതെ വെടിക്കെട്ട് ആസ്വദിച്ചു. ഷാര്‍ജയിലെ അല്‍ മജാസ് കോര്‍ണിഷിന്റെ തീരത്ത് ടെന്റുകള്‍ സജ്ജീകരിച്ചാണ് കുടുംബങ്ങള്‍ വെടിക്കെട്ട് ആസ്വദിക്കാന്‍ എത്തിയത്.
