മഴക്കെടുതി: കാര് ഗാരേജുകള് നിറഞ്ഞു; അറ്റകുറ്റപണികള്ക്കായി നെട്ടോട്ടം
Sun, 21 Dec 2025
Manu Bhaker-Sarabjot Singh win bronze : പാരിസ് ഒളിംപിക്സില് ഇന്ത്യയ്ക്ക് അഭിമാന നേട്ടം. രണ്ടാം മെഡല് ഇന്ത്യ സ്വന്തമാക്കി. മിക്സഡ് 10 മീറ്റര് എയര് പിസ്റ്റലില് മനു ഭാകര്- സരഭ്ജോദ് സിംഗ് സഖ്യം ദക്ഷിണ കൊറിയന് ജോഡിയെ തോല്പിച്ച് വെങ്കലം നേടി. 16-10 എന്ന സ്കോറിലാണ് ഇന്ത്യൻ സഖ്യം ജയിച്ചത്. ഇതോടെ പാരിസില് ഇരട്ട മെഡല് മനു ഭാകര് സ്വന്തമാക്കി. ഒരു ഒളിംപിക്സില് രണ്ട് മെഡലുകള് നേടുന്ന ആദ്യ ഇന്ത്യന് താരം എന്ന റെക്കോര്ഡ് മനു ഭാകറിന് സ്വന്തം.
നേരത്തെ വനിതകളുടെ 10 മീറ്റര് എയര് പിസ്റ്റള് ഇനത്തില് മനു ഭാകര് വെങ്കലം നേടിയിരുന്നു. ഈ ഗെയിംസില് ഇന്ത്യയുടെ ആദ്യ മെഡല് കൂടിയായിരുന്നു മനു വ്യക്തിഗത ഇനത്തില് നേടിയിരുന്നത്. സരഭ്ജോദ് സിങ്ങിന്റെ ആദ്യ ഒളിമ്പിക് മെഡലാണിത്. യോഗ്യതാ റൌണ്ടിൽ 58 പോയിന്റ് നേതാൻ ഇന്ത്യൻ സഖ്യത്തിന് സാധിച്ചിരുന്നു. മെഡൽ റൌണ്ടിൽ കൊറിയൻ സഖ്യം തുടക്കത്തിൽ ലീഡ് ചെയ്തു
എന്നാൽ ശക്തമായി തിരിച്ചുവരാൻ ഇന്ത്യൻ ടീമനായി. അവസാനം മാച്ച് പോയിന്റിൽ നിലനിൽക്കെ മെഡൽ ഉറപ്പിക്കാൻ ഇന്ത്യയ്ക്കായി. ദക്ഷിണ കൊറിയയുടെ ഓ യെ ജിൻ – ലീ വുൻഹോ സഖ്യത്തെ തോൽപ്പിച്ചാണ് ഇരുവരും ഇന്ത്യയ്ക്ക് വെങ്കലം സമ്മാനിച്ചത്. 3 സീരീസുകളിലായി 193, 195, 192 എന്നിങ്ങനെയാണ് മനു – സരബ്ജ്യോത് സഖ്യത്തിന്റെ സ്കോർ. മനു ഭാകര്- സരഭ്ജോദ് സിംഗ് ടീമിനെ അഭിനന്ദിച്ച് പ്രധാനമന്ത്രി നരേന്ദ്രമോദിയും എത്തി. അഭിമാന നേട്ടമാണിതെന്ന് പ്രധാനമന്ത്രി പറഞ്ഞു.
