അബുദാബി അപകടം: നാലാമത്തെ കുട്ടിയും മരിച്ചു; മരണസംഖ്യ അഞ്ചായി
Tue, 13 Jan 2026
നാദാപുരം: 2022 ഖത്തര് ലോകകപ്പിന്റെ സാംസ്കാരിക വായനക്കായി മാധ്യമ പ്രവര്ത്തകന് അശ്റഫ് തൂണേരി രചിച്ച ‘ലോകം ഖത്തറില് ചുറ്റിയ കാലം’ പുസ്തകം പ്രമുഖ എഴുത്തുകാരന് ശിഹാബുദ്ദീന് പൊയ്ത്തുംകടവ് ഗ്രന്ഥകാരന്റെ മാതാവ് കുഞ്ഞാമിന ആലിക്കുട്ടിക്ക് നല്കി പ്രകാശനം ചെയ്തു. ഡോ.സോമന് കടലൂര് സാംസ്കാരിക പ്രഭാഷണം നടത്തി. തൂണേരി ഗ്രാമീണ വായനശാല ആന്റ് ഗ്രന്ഥാലയം പ്രസിഡന്റ് വിമല് കുമാര് കണ്ണങ്കൈ അധ്യക്ഷനായി. പഞ്ചായത്ത് വൈസ് പ്രസിഡന്റ് വളപ്പില് കുഞ്ഞമ്മദ്,പഞ്ചായത്ത് അംഗം ടി.എന് രഞ്ജിത്ത്,രാഷ്ട്രീയ പാര്ട്ടി പ്രതിനിധികളായ പിഎം നാണു,കനവത്ത് രവി,നെല്ലിയേരി ബാലന്,കെഎം സമീര്,പി. രാമചന്ദ്രന്,ശ്രീജിത്ത് മുടപ്പിലായി, കെപി സുധീഷ്,കെ.നാണു, എഴുത്തുകാരായ ശ്രീനിവാസന് തൂണേരി,ജെറിന് തൂണേരി പ്രസംഗിച്ചു. എഎ ബഷീര് മാസ്റ്റര്,സൗദ അശ്റഫ്,ഗ്രെയ്സ് ബുക്സ് പ്രതിനിധി ഡോ.ടി മുജീബുര്റഹ്മാന് പങ്കെടുത്തു. അശ്റഫ് തൂണേരി മറുപടി പ്രസംഗം നടത്തി. ഗ്രന്ഥാലയം സെക്രട്ടറി എം എന് രാജന് സ്വാഗതം പറഞ്ഞു. ഗ്രെയിസ് ബുക്സാണ് പുസ്തകത്തിന്റെ പ്രസാധകര്. ചടങ്ങില് ‘മുക്രി വിത്ത് ചാമുണ്ടി,ദി സാഗാ ഓഫ് ഹാര്മണി ഇന് തെയ്യം ആര്ട്ട്’ ഡോക്യുമെന്ററിയുടെ പ്രദര്ശനവും കോഴിക്കോട്ടെ തെരുവ് ഗായകരായ ബാബു ഭായ്,ലത എന്നിവരുടെ ഗാനവിരുന്നും അരങ്ങേറി.
