നാഷണല്‍ കെഎംസിസി കരിയര്‍ ഫസ്റ്റ് ഒരുക്കുന്നു; അക്കാദമിക് മേഖലകളില്‍ തൊഴില്‍ തേടുന്നവര്‍ക്ക് അവസരം
Thu, 21 Aug 2025
അബുദാബി: അബുദാബി ഇന്ത്യന്‍ ഇസ്‌ലാമിക് സെന്ററില്‍ ബിടിഎസ് പൂക്കോയ തങ്ങള്‍ സ്മാരക ഹാള്‍ ഉദ്ഘാടനം ചെയ്തു. ആറുപതിറ്റാണ്ടു മുമ്പ് അബുദാബിയിലെ പ്രവാസി സംഘടനകള്‍ രൂപീക രിക്കുന്നതിന് നേതൃത്വം നല്‍കിയ ബിടിഎസ് പൂകോയ തങ്ങളുടെ സ്മരണക്കായാണ് മിനിഹാളിന് അദ്ദേത്തിന്റെ പേര് നല്‍കിയത്. പ്രസിഡന്റ്് പി.ബാവ ഹാജി പൂക്കോയ തങ്ങള്‍ സ്മാരക ഹാളും അനുസ്മരണ സംഗമവും ഉദ്ഘാടനം ചെയ്തു. വൈസ് പ്രസിഡന്റ് അബ്ദുല്ല ഫാറൂഖി അധ്യക്ഷനായി. ജനറല്‍ സെക്രട്ടറി ടി.മുഹമ്മദ് ഹിദായത്തുല്ല സ്വാഗതം പറഞ്ഞു. കബീര്‍ ഹുദവി പ്രാര്‍ത്ഥന നടത്തി.
അബുദാബി ഇന്ത്യന്‍ ഇസ്‌ലാമിക് സെന്റര്‍,ചന്ദ്രിക റീഡേഴ്‌സ് ഫോറം തുടങ്ങി നിരവധി സംഘടന കള്‍ക്ക് രൂപംനല്‍കിയ ബിടിഎസ് പൂകോയ തങ്ങളുടെ സേവനം എക്കാലവും സ്മരിക്കപ്പെടുമെന്ന് അനുസ്മരണ പ്രഭാഷകര്‍ അഭിപ്രായപ്പെട്ടു.
പ്രവാസത്തിന്റെ ആദ്യനാളുകളില്‍ ഏറെ കഷ്ടതകള്‍ അനുഭവിച്ചാണ് പൂക്കോയ തങ്ങളുടെ നേതൃത്വത്തില്‍ വിവിധ സംഘനകള്‍ രൂപീകരിച്ചത്. അതിന്റെ ഫലമായി പിന്നീട് വന്ന തലമുറകള്‍ക്ക് സംഘടനാ സംവിധാനത്തിന്റെ ഗുണം അനുഭവിക്കാനും പതിനായിരങ്ങള്‍ക്ക് ആശ്വാസം പകരാനും സാധിച്ചതായി നേതാക്കള്‍ പറഞ്ഞു. കേരള മുസ്‌ലിം ജമാഅത്ത്,കേരള മുസ്‌ലിം വെല്‍ഫയര്‍ സെന്റര്‍,മലയാളി മുസ്്‌ലിം വെല്‍ഫയര്‍ സെ ന്റര്‍ ഇന്ത്യന്‍ ഇസ്‌ലാമിക് സെന്റര്‍,ചന്ദ്രിക റീഡേഴ്‌സ് ഫോറം,സുന്നി സെന്റര്‍,വളാഞ്ചേരി മര്‍കസുത്തര്‍ബിയ്യത്തുല്‍ ഇസ്്‌ലാമിയ അബുദാബി കമ്മിറ്റി,മാലിക് ദീനാര്‍ ഇസ്്‌ലാമിക് കോംപ്ലക്‌സ്,കടപ്പുറം മുസ്്‌ലിം വെല്‍ഫെയര്‍അസോസിയേഷന്‍ തുടങ്ങിയ നിരവധി സംഘടനകള്‍ രൂപീകരിക്കുന്നതില്‍ ബിടിഎസ് പൂക്കോയ തങ്ങള്‍ നേതൃത്വപരമായ പങ്ക് വഹിച്ചിട്ടുണ്ട്.
തൃശൂര്‍ ജില്ലയിലെ ചാവക്കാട് കടപ്പുറം ബുഖാറയില്‍ കുടുംബാംഗമായ ബിടിഎസ് സയ്യിദ് പരമ്പരയിലെ പ്രമുഖനാണ് പൂക്കോയ തങ്ങള്‍. പതിനായിരക്കണക്കിന് പ്രവാസികള്‍ക്ക് അത്താണിയായി മാറിയ സംഘടനകളുടെ പിതാവ് എന്ന വിശേഷണത്തിന് അര്‍ഹനായ അദ്ദേഹം അധികാര സ്ഥാനങ്ങളില്‍നിന്ന് എക്കാലവും അകലം പാലിച്ചിരുന്നു. ചടങ്ങില്‍ അബുദാബി കെഎംസിസി പ്രസിഡന്റ് ഷുക്കൂറലി കല്ലുങ്ങല്‍,ജനറല്‍ സെക്രട്ടറി സിഎച്ച് യൂസുഫ് മാട്ടൂല്‍, ഇപി മൂസ്സഹാജി,വിപികെ അബ്ദുല്ല,ഇബ്രാഹീം മുസ്്‌ലിയാര്‍,സി.സമീര്‍,ബിസി അബൂബക്കര്‍,പികെ അഹമ്മദ്,റസാഖ് ഒരുമനയൂര്‍,ടികെ അബ്ദുസ്സലാം,അഡ്വ.കെവി മുഹമ്മദ്കുഞ്ഞി,വി.ബീരാന്‍കുട്ടി,കെകെ ഹംസക്കുട്ടി,ഇബ്രാഹീം മാട്ടൂല്‍,കളപ്പാട്ടില്‍ അബുഹാജി,മുഹമ്മദ് അന്‍വര്‍ കയ്പമംഗലം പ്രസംഗിച്ചു.
ഹാഷിം ഹസന്‍കുട്ടി,ജാഫര്‍ കുറ്റിക്കോട്,മഷൂദ് നീര്‍ച്ചാല്‍,റഷീദ് പട്ടാമ്പി,കോയ തിരുവത്ര,ഹംസഹാജി പാറയില്‍,ബാസിത് കുറ്റിയാടി,അസീസ് കാളിയാടാന്‍,ജാഫര്‍ തങ്ങള്‍, ജലാല്‍ കടപ്പുറം,അഹമ്മദ്,ശറഫുദ്ദീന്‍ കൊപ്പം,സലീം നാട്ടിക,ഹനീഫ പടിഞ്ഞാര്‍മൂല,ജലീല്‍ കാര്യാടത്ത്,അബ്ദുല്‍ അസീസ് ബാര്‍മുദ റഷീദലി മമ്പാട് പങ്കെടുത്തു.
