ഇറാന്റെ മിസൈല് ആക്രമണത്തില് യുഎഇയില് ഇതുവരെ പരിക്കേറ്റത് 160 പേര്ക്ക്
Sun, 12 Apr 2026
ദുബൈ: മുന് മുഖ്യമന്ത്രിയും മുസ്ലിം ലീഗ് നേതാവുമായിരുന്ന സി എച്ച് മുഹമ്മദ് കോയയുടെ സ്മരണക്കായി ദുബൈ കെഎംസിസി കോഴിക്കോട് ജില്ലാ കമ്മിറ്റി ഏര്പ്പെടുത്തിയ ആറാമത് സി.എച്ച് രാഷ്ട്രസേവാ പുരസ്കാരത്തിന് ഈ വര്ഷം ഇന്ത്യന് യൂണിയന് മുസ്ലിംലീഗ് ദേശീയ പ്രസിഡന്റും മുന് പാര്ലമെന്റേറിയനുമായ പ്രൊഫ.ഖാദര് മൊയ്തീന് അര്ഹനായി. തമിഴ്നാട് സര്ക്കാരിന്റെ ഏറ്റവും ഉന്നത ബഹുമതിയായ തകൈസാല് തമിഴര് പുരസ്ക്കാര ജേതാവുമാണ് പ്രൊഫ. കെ.എം ഖാദര് മൊയ്തീന്. ഇ.ടി മുഹമ്മദ് ബഷീര് എംപി ജൂറി ചെയര്മാനും ജൂറി അംഗങ്ങളായ സൈനുല് ആബിദീന്- സഫാരി, ഡോ. സി.പി ബാവ ഹാജി, പി.എ സല്മാന് ഇബ്രാഹിം, പൊയില് അബ്ദുല്ല, എം.സി വടകര, ടി.ടി ഇസ്മായില്, സി.കെ സുബൈര് എന്നിവരടങ്ങിയ ജൂറിയാണ് അവാര്ഡ് ജേതാവിനെ തെരഞ്ഞെടുത്തത്. ഒക്ടോബര് 4 ന് ദുബൈ ഇറാനിയന് ക്ലബ്ബില് നടക്കുന്ന സി.എച്ച് ഇന്റര്നാഷണല് സമ്മിറ്റില് വെച്ച് അവാര്ഡ് സമര്പ്പിക്കും. സി.എച്ച് മുഹമ്മദ് കോയ തന്റെ ജീവിതത്തിലൂടെ നല്കിയ സന്ദേശം പൊതു സമൂഹത്തിലേക്കും പുതുതലമുറയിലേക്കും പകര്ന്നു നല്കുന്ന തരത്തിലായിരിക്കും പരിപാടി. മികച്ച ഭരണാധികാരി, രാഷ്ട്രീയ നേതാവ്, എഴുത്തുകാരന്, പത്രപ്രവര്ത്തകന്, വിദ്യാഭ്യാസ പരിഷ്കര്ത്താവ്, സാംസ്കാരിക നായകന് തുടങ്ങിയ മേഖലകളില് പ്രശോഭിക്കുമ്പോഴും സാധാരണക്കാരായ തൊഴിലാളികളുടെയും പ്രയാസമനുഭവിക്കുന്നവരുടെയും ശബ്ദമാവാനും സി.എച്ച് പ്രയത്നിച്ചു. മത സൗഹാര്ദ്ദം വളര്ത്തുന്നതിനും പ്രശ്ന ബാധിത പ്രദേശങ്ങളില് സമാധാനത്തിന്റെ സന്ദേശവാഹകനാവാനും സി.എച്ചിന് കഴിഞ്ഞു. സമകാലിക ഇന്ത്യന് രാഷ്ട്രീയ സാഹചര്യത്തില് സി.എച്ച് നല്കിയ ജീവിത സന്ദേശം ചര്ച്ച ചെയ്യപ്പെടുകയും ജീവിതത്തില് പകര്ത്തുകയും ചെയ്യേണ്ടതുണ്ട്.
മുന് വര്ഷങ്ങളില് യഥാക്രമം എന്.കെ പ്രേമചന്ദ്രന് എംപി, സി.പി ജോണ്, ഡോ. ശശി തരൂര് എംപി, ഇ.ടി മുഹമ്മദ് ബഷീര് എം.പി, കെ.സി വേണുഗോപാല് എന്നിവരായിരുന്നു രാഷ്ട്രസേവാ പുരസ്കാര ജേതാക്കള്. ഒരു ലക്ഷം രൂപയും പ്രശസ്തി പത്രവും അടങ്ങുന്നതാണ് അവാര്ഡ്.
മുസ്ലിം ലീഗ് സംസ്ഥാന പ്രസിഡന്റ് സയ്യിദ് സാദിഖ് അലി ശിഹാബ് തങ്ങള്, അഖിലേന്ത്യ ജനറല് സെക്രട്ടറി പി.കെ കുഞ്ഞാലികുട്ടി, രമേശ് ചെന്നിത്തല, കെ.എം ഷാജി തുടങ്ങിയ നേതാക്കളും അറബ് പ്രമുഖരും ബിസിനസ്സ് പ്രമുഖരും മുസ്ലിംലീഗ്, കെഎംസിസി, മറ്റു പ്രവാസി സംഘടനാ നേതാക്കളും പങ്കെടുക്കും. ജൂറി അംഗവും ഐയുഎംഎല് ദേശീയ സെക്രട്ടറിയുമായ സി.കെ സുബൈര്, ഐയുഎംഎല് ദേശീയ അസിസ്റ്റന്റ് സെക്രട്ടറി അഡ്വ. ഫൈസല് ബാബു, ദുബൈ കെഎംസിസി പ്രസിഡന്റ് ഡോ. അന്വര് അമീന്, ജൂറി അംഗം പി.എ സല്മാന് ഇബ്രാഹിം, ദുബൈ കെഎംസിസി കോഴിക്കോട് ജില്ലാ പ്രസിഡന്റ് കെ.പി മുഹമ്മദ്, ജനറല് സെക്രട്ടറി ജലീല് മഷ്ഹൂര് തങ്ങള്, ജില്ലാ കെഎംസിസി ഭാരവാഹികളായ നജീബ് തച്ചംപൊയില്, ഇസ്മായില് ചെരുപ്പേരി, തെക്കയില് മുഹമ്മദ്, ടി.എന് അഷ്റഫ്, മൊയ്തു അരൂര്, മജീദ് കൂനഞ്ചേരി, മജീദ് കുയ്യോടി, വി.കെ.കെ റിയാസ്, ഷംസു മാത്തോട്ടം, സിദ്ധീഖ് വാവാട്, ഷെരീജ് ചീക്കിലോട്, ഹകീം മാങ്കാവ്, സുഫൈദ് ഇരിങ്ങണ്ണൂര് എന്നിവര് വാര്ത്താസമ്മേളനത്തില് പങ്കെടുത്തു.
