ധാര്‍മികത ഉയര്‍ത്തിപ്പിടിക്കുക: വിദ്യാര്‍ത്ഥികള്‍ക്ക് പ്രസിഡന്റ് ശൈഖ് മുഹമ്മദിന്റെ സന്ദേശം
Mon, 25 Aug 2025
കേരളം ദര്‍ശിച്ച മികച്ച രാഷ്ട്രീയ ബുദ്ധിജീവിയായ സിഎച്ച് മുഹമ്മദ്‌കോയ സാഹിബിന്റെ നാമധേയത്തില്‍ കേരളത്തിലെങ്ങും പ്രവര്‍ത്തിക്കുന്ന സിഎച്ച് സെന്ററുകള്‍ ജീവകാരുണ്യത്തിന്റെ ജനകീയ കേന്ദ്രങ്ങളായി മാറിയതായി മുസ്്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍. തൃശൂര്‍ മെഡിക്കല്‍ കോളജിനടുത്ത് പ്രവര്‍ത്തനമാരംഭിക്കുന്ന സിഎച്ച് സെന്ററിന്റെ രൂപരേഖ അനാഛാദനം ചെയ്ത് സംസാരിക്കുകയായിരുന്നു. കേരളത്തിന്റെ ആരോഗ്യ മേഖലയില്‍ സാധാരണക്കാരന്റെ അത്താണിയായി മാറിയിരിക്കുകയാണ് സിഎച്ച് സെന്ററുകള്‍. ജാതി-മത രാഷ്ട്രീയം നോക്കാതെ നിരവധിയാളുകളാണ് സിഎച്ച് സെന്ററിലേക്ക് സഹായമെത്തിക്കുന്നത്. സിഎച്ച് എന്ന ദാര്‍ശനികനായ നേതാവിന്റെ ജനകീയ മനസും അദ്ദേഹം ഉയര്‍ത്തിപ്പിടിച്ച സഹജീവി സ്‌നേഹത്തിന്റെ ഉദാത്തമായ ദര്‍ശനവുമാണ് സിഎച്ച് സെന്ററുകള്‍. കേരളത്തില്‍ സര്‍ക്കാര്‍ ആരോഗ്യ കേന്ദ്രങ്ങള്‍ കേന്ദ്രീകരിച്ച് പ്രവര്‍ത്തിക്കുന്ന സിഎച്ച് സെന്ററുകള്‍ ആരോഗ്യ മേഖലയില്‍ വലിയ വിപ്ലവമുണ്ടാക്കിയതായും തങ്ങള്‍ പറഞ്ഞു. തൃശൂര്‍ സിഎച്ച് സെന്ററില്‍ ആജീവനാന്ത അംഗത്വമെടുത്തിട്ടുള്ള യുഎഇയിലെ അംഗങ്ങളുടെ ഒത്തുചേരലും അവര്‍ക്കുള്ള മെമ്പര്‍ഷിപ്പ് വിതരണവും നടന്നു. മെഡിക്കല്‍ കോളജില്‍ ചികിത്സക്കെത്തുന്ന രോഗികള്‍ക്കും കൂട്ടിരിപ്പുകാര്‍ക്കും താമസിക്കാനും മറ്റുമുള്ള സൗകര്യങ്ങളും സിഎച്ച് സെന്ററില്‍ ഒരുക്കുന്നുണ്ട്. തൃശൂര്‍ സിഎച്ച് സെന്റര്‍ പ്രസിഡന്റ് സിഎ മുഹമ്മദ് റഷീദ് അധ്യക്ഷനായി. ഡോ.എംകെ മുനീര്‍ മുഖ്യപ്രഭാഷണം നിര്‍വഹിച്ചു. മുസ്‌ലിംലീഗ് സംസ്ഥാന വൈസ് പ്രസിഡന്റ് സിഎച്ച് റഷീദ്,വേള്‍ഡ് കെഎംസിസി ജനറല്‍ സെക്രട്ടറി ഡോ.പുത്തൂര്‍ റഹ്മാന്‍,നാഷണല്‍ ജനറല്‍ സെക്രട്ടറി പികെ അന്‍വര്‍ നഹ,ദുബൈ കെഎംസിസി സംസ്ഥാന പ്രസിഡന്റ് ഡോ.അന്‍വര്‍ അമീന്‍,തൃശൂര്‍ സിഎച്ച് സെന്റര്‍ ജനറല്‍ സെക്രട്ടറി പിഎം അമീര്‍,മുസ്‌ലിംലീഗ് ജില്ലാ വൈസ് പ്രസിഡന്റ് കെഎ ഹാറൂണ്‍ റഷീദ്,സെക്രട്ടറിമാരായ പികെ ഷാഹുല്‍ ഹമീദ്,ഉസ്മാന്‍ കല്ലാട്ടയില്‍ സംഘാടക സമിതി ചെയര്‍മാന്‍ ജമാല്‍ മനയത്ത്,
ജനറല്‍ കണ്‍വീനര്‍ അബ്ദുല്‍ ഖാദര്‍ ചക്കനാത്ത്, ഓര്‍ഗനൈസര്‍ ഗഫൂര്‍ പട്ടിക്കര,കണ്‍വീനര്‍ അന്‍വര്‍ കൈപ്പമംഗലം പ്രസംഗിച്ചു.
