സിറാജുല്‍ ഇസ്‌ലാം ബാലുശ്ശേരിയുടെ ഖുര്‍ആന്‍ പഠന പരമ്പര
Sun, 24 Aug 2025
ദുബൈ: കെഎംസിസി കൈപ്പമംഗലം മണ്ഡലം കമ്മിറ്റി സംഘടിപ്പിക്കുന്ന കള്‍ച്ചറല്‍ ഫെസ്റ്റ് നാളെ. രാവിലെ 10 മണിക്ക് ദുബൈ കെഎംസിസി അബുഹൈല്‍ ഓഡിറ്റോറിയത്തിലാണ് ഫെസ്റ്റ്. ജനുവരി 4ന് ആരംഭിച്ച താങ്ക് യു ശൈഖ ഹിന്ദ് കാമ്പയിനിന്റെ ഭാഗമായുള്ള ഹെര്‍ ഹൈനെസ് ശൈഖ ഹിന്ദ് അല്‍ മക്തൂം അപ്രിസിയേഷന്‍ ബൂത്ത് പ്രകാശനത്തോടെയാണ് കള്‍ച്ചറല്‍ ഫെസ്റ്റിന് തുടക്കം കുറിക്കുക. അറബിക് കാലിഗ്രാഫി, ക്ലേ മോള്‍ഡിങ്,സ്റ്റോണ്‍ പെയിന്റിങ്,ഹെന്ന ഡിസൈ ന് തുടങ്ങിയ മത്സരങ്ങളും നടക്കും. ഉച്ചക്ക് 2 മണിക്ക് പ്രമുഖ കോച്ച് ഷാജി കൈപ്പമംഗലം ക്വിസ്സ് മത്സരത്തിന് നേതൃത്വം നല്‍കും. വിജയിക്ക് സൗജന്യ ജോര്‍ജിയ വിനോദയാത്ര പാക്കേജ് സമ്മാനിക്കും.
കള്‍ച്ചറല്‍ ഫെസ്റ്റ് ദുബൈ കെഎംസിസി പ്രസിഡന്റ് ഡോ.അന്‍വര്‍ അമീന്‍ ഉദ്ഘാടനം ചെയ്യും. ബഷീര്‍ തിക്കോടി മുഖ്യപ്രഭാഷണം നടത്തും. സംസ്ഥാന സെക്രട്ടറി അബ്ദുസ്സമദ് ചാമക്കാലക്കും കൈപ്പമംഗലം കെഎംസിസി വനിതാ വിങ്ങിനും മണ്ഡലം കമ്മിറ്റി നല്‍കുന്ന ആദരത്തില്‍ സൈനുദ്ദീന്‍ ഹോട്ട്പാക് ഉപഹാരം സമര്‍പിക്കും. മാസ്റ്റര്‍ മീഡിയ അവതരിപ്പിക്കുന്ന പാട്ടും പറച്ചിലും,ദറജ ബദര്‍ പള്ളി അവതരിപ്പിക്കുന്ന അറബിക് ഫ്യൂഷന്‍ ഡാന്‍സ് ദഫ്മുട്ടും തുടര്‍ന്ന് വിജയികള്‍ക്ക് സമ്മാനദാനവും ചടങ്ങില്‍ നടക്കും. ജില്ല പ്രസിഡന്റ് ജമാല്‍ മനയത്ത്, ജനറല്‍ സെക്രട്ടറി ഗഫൂര്‍ പട്ടിക്കര,ഷാര്‍ജ ജില്ലാ ജനറല്‍ സെക്രട്ടറി നസ്‌റുദ്ദീന്‍,സംസ്ഥാന പ്രവര്‍ത്തക സമിതി അംഗം മുഹമ്മദ് വെട്ടുകാട്,വനിതാ കെഎംസിസി നേതാക്കളായ റീന സലീം,സുഹറാബി മനാഫ് പങ്കെടുക്കും.
