സഊദിയില്‍ വാഹനപകടത്തില്‍ മലയാളി ഉള്‍പ്പെടെ 4 പേര്‍ മരിച്ചു
Wed, 20 Aug 2025
ദുബൈ: ആകാശയാത്രയെക്കുറിച്ചുള്ള ദുബൈയുടെ ചിന്തകള്‍ ഉയരങ്ങളിലേക്ക്. ഇതൊരു മായാവിക്കഥയല്ലെന്ന് ദുബൈ തെളിയിക്കുകയാണ്. ലോകത്തിലെ ആദ്യത്തെ ഫ്‌ളയിംഗ് ടാക്‌സി 2026 ല്‍ ദുബൈയുടെ ആകാശത്ത് പറക്കും. ജോബി ഏവിയേഷനുമായുള്ള പങ്കാളിത്തത്തോടെയുള്ള ഈ മുന്നേറ്റം നഗര വ്യോമ യാത്രയില്‍ ഒരു പുതിയ യുഗത്തിന് തുടക്കം കുറിക്കും. പദ്ധതി പ്രകാരമുള്ള നടപടികള്‍ പൂര്‍ത്തിയായാല്‍ 2026 ഓടെ ഇലക്ട്രിക് പറക്കും ടാക്‌സികളില്‍ യാത്രക്കാര്‍ നഗരത്തിന് മുകളിലൂടെ കുതിക്കും. ഇത് ആഗോളതലത്തില്‍ ആദ്യത്തേതായി അടയാളപ്പെടുത്തും. യുഎസ് ആസ്ഥാനമായുള്ള ജോബി ഏവിയേഷന്‍ വിജയകരമായ പരീക്ഷണ പറക്കലുകള്‍ പൂര്‍ത്തിയാക്കിയതിനെത്തുടര്‍ന്ന്, വാണിജ്യ എയര്‍ ടാക്‌സി സര്‍വീസ് ആരംഭിക്കുന്ന ലോകത്തിലെ ആദ്യത്തെ നഗരമായി ദുബൈ മാറാന്‍ ഒരുങ്ങുന്നതായി ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റിയുടെ പബ്ലിക് ട്രാന്‍സ്‌പോര്‍ട്ട് ഏജന്‍സിയുടെ സിഇഒ അഹമ്മദ് ഹാഷിം ബഹ്രോസിയനെ ഉദ്ധരിച്ച് ഗള്‍ഫ് ന്യൂസ് റിപ്പോര്‍ട്ട് ചെയ്തു. ഇത് വെറുമൊരു പരീക്ഷണമല്ലെന്നും ദുബൈയുടെ അടിസ്ഥാന സൗകര്യങ്ങളുമായി സംയോജിപ്പിക്കുന്ന ഒരു യഥാര്‍ത്ഥ ഗതാഗത രീതിയാണിതെന്നും അദ്ദേഹം കൂട്ടിച്ചേര്‍ത്തു.
എയര്‍ ടാക്‌സികള്‍ എന്നറിയപ്പെടുന്ന ഇലക്ട്രിക് വെര്‍ട്ടിക്കല്‍ ടേക്ക്ഓഫ്, ലാന്‍ഡിംഗ് ചെറു വിമാനങ്ങളിലൂടെ നഗര ഗതാഗതത്തില്‍ വിപ്ലവം സൃഷ്ടിക്കുന്നതിനുള്ള ആഗോള മത്സരത്തില്‍ ദുബൈയെ മുന്‍പന്തിയിലെത്തിക്കും. ജോബി ഏവിയേഷന്‍ ഒരു യുണൈറ്റഡ് സ്റ്റേറ്റ്‌സ് വെഞ്ച്വര്‍ പിന്തുണയുള്ള വ്യോമയാന കമ്പനിയാണ്. ദുബൈ രാജ്യാന്തര വിമാനത്താവളത്തിനടുത്ത് സജ്ജമാക്കുന്ന വെര്‍ട്ടിപോര്‍ട്ടില്‍ നിന്നായിരിക്കും സര്‍വീസ്. എമിറേറ്റ്‌സ് എയര്‍ലൈന്‍ കെട്ടിടത്തിന് പിന്നിലുള്ള ഇന്റര്‍നാഷണല്‍ എയര്‍പോര്‍ട്ടിലെ ആദ്യത്തെ വെര്‍ട്ടിപോര്‍ട്ടില്‍ ഇതിനകം നിര്‍മ്മാണം പുരോഗമിക്കുകയാണ്. പാം ജുമൈറ, ദുബൈ മാള്‍, ദുബൈ അമേരിക്കന്‍ യൂണിവേഴ്‌സിറ്റി എന്നിവക്ക് സമീപം കൂടുതല്‍ വെര്‍ട്ടിപോര്‍ട്ടുകള്‍ തയ്യാറാക്കും. പൂര്‍ണമായും വൈദ്യുതിയില്‍ പ്രവര്‍ത്തിക്കുന്ന ഇവക്ക് ഹെലികോറ്ററുകളേക്കാള്‍ 100 മടങ്ങ് നിശബ്ദമായിരിക്കും. ഓരോ വിമാനത്തിനും നാല് യാത്രക്കാരെയും ഒരു പൈലറ്റിനെയും ലഗേജിനെയും വഹിക്കാന്‍ കഴിയും, 200 കിലോമീറ്ററില്‍ കൂടുതല്‍ ദൂരവും മണിക്കൂറില്‍ 300 കിലോമീറ്ററില്‍ കൂടുതല്‍ വേഗതയും. ഇത് അബുദാബി, റാസല്‍ ഖൈമ, ഫുജൈറ തുടങ്ങിയ സ്ഥലങ്ങളിലേക്കുള്ള ഇന്റര്‍സിറ്റി യാത്ര 30 മിനിറ്റിനുള്ളില്‍ സാധ്യമാക്കും.
ആദ്യഘട്ടത്തില്‍ ബിസിനസ്സ് യാത്രക്കാരെയും ഉയര്‍ന്ന നിലവാരമുള്ള വിനോദസഞ്ചാരികളെയും ലക്ഷ്യമിട്ട് എയര്‍ ടാക്‌സി സേവനം ഒരു പ്രീമിയം നിരക്കായിരിക്കും ഈടാക്കുക. പിന്നീട് എയര്‍ ടാക്‌സി നിരക്കുകള്‍ ഉബര്‍ പോലുള്ള റൈഡ്‌ഹെയ്‌ലിംഗ് സേവനങ്ങള്‍ പോലെ താങ്ങാനാവുന്നതാക്കി മാറ്റുമെന്നാണ് പറയുന്നത്.
