കോഴിക്കോട് സ്വദേശി ദുബൈയില്‍ നിര്യാതനായി
Fri, 22 Aug 2025
അബുദാബി: പറക്കും ടാക്‌സികള്‍ക്കായി അബുദാബി ഒരുങ്ങുന്നു. മൂന്നിടത്ത് വെ ര്‍ട്ടിപോര്‍ട്ടുകള്‍ നിര്‍മിക്കും. അല്‍ ബതീന്‍,യാസ് ഐലന്‍ഡ്,ഖലീഫാ പോര്‍ട്ട് എന്നീ മൂന്ന് പ്രധാന സ്ഥലങ്ങളിലാണ് സ്റ്റേഷനുകള്‍ നിര്‍മിക്കുക. ഐസിഎഒ ഗ്ലോബല്‍ ഇംപ്ലിമെന്റേഷന്‍ സപ്പോര്‍ട്ട് സിമ്പോസിയത്തില്‍ എഐ ഡ്രോണ്‍ സാങ്കേതിക വിദ്യയിലും ഓട്ടോണമസ് ഏരിയല്‍ ലോജിസ്റ്റിക്‌സിലും വൈദഗ്ധ്യം നേടിയ അബുദാബി ആസ്ഥാനമായുള്ള എല്‍ഒഡിഡി കമ്പനിയും സ്‌കൈപോര്‍ട്ട്‌സ് ഇന്‍ഫ്രാസ്ട്രക്ചറും സംയുക്തമായാണ് ഇതുസംബന്ധിച്ച പ്രഖ്യാപനം നടത്തിയത്. 2026 മുതല്‍ പറക്കും ടാക്‌സികളുടെ ടേക്ക് ഓഫ്,ലാന്‍ഡിങ്,സര്‍വീസുകള്‍ക്കായി വെര്‍ട്ടിപോര്‍ട്ടുകള്‍ പ്രവര്‍ത്തിച്ചു തുടങ്ങും. അബുദാബിയുടെ പൊതുഗതാഗത സംവിധാനത്തി ല്‍ ആളില്ലാ ആകാശയാത്ര സംവിധാനത്തെ സംയോജിപ്പിക്കാനുള്ള പ്രധാനപ്പെട്ട ചുവടുവെപ്പാണിതെന്ന് എല്‍ഒഡിഡി സി.ഇ.ഒ റാഷിദ് അല്‍ മനായി വ്യക്തമാക്കി. ഈ മൂന്ന് സ്റ്റേഷനുകള്‍ എമിറേറ്റിലെ പ്രധാന കേന്ദ്രങ്ങളെ തമ്മില്‍ ബന്ധിപ്പിക്കും. ഇതിന് പുറമേ യുഎഇയിലെ മറ്റു കേന്ദ്രങ്ങളെയും വെര്‍ട്ടിപോര്‍ട്ടുകള്‍ ബന്ധിപ്പിക്കും. യുഎഇയിലെ മറ്റു സ്ഥലങ്ങളില്‍നിന്നും അബുദാബിയിലെത്തുന്നവര്‍ക്ക് എളുപ്പത്തില്‍ എത്താവുന്ന രീതിയിലായിരിക്കും ഇത്.
യുഎഇയിലെ ആദ്യത്തെ പറക്കും ടാക്‌സി സ്‌റ്റേഷന്‍ ദുബൈ അന്താരാഷ്ട്ര വിമാനത്താവളത്തോട് ചേര്‍ന്ന് നിര്‍മിക്കുമെന്ന് അധികൃതര്‍ നേരത്തേ വ്യക്തമാക്കിയിരുന്നു. ദുബൈ റോഡ് ഗതാഗത അതോറിറ്റി,ജോബി ഏവിയേഷ ന്‍ എന്നിവയുമായി സഹകരിച്ചാണ് പറക്കും ടാക്‌സികളുടെ നിര്‍മാണം.
